Besimi e theksoi domosdoshmërinë e integrimit evropian të shteteve të Ballkanit Perëndimor, si garanci e vetme për stabilitet dhe prosperitet në rajon. Në këtë drejtim ai shprehu nevojën dhe pritjen që procesi i zgjerimit të Bashkimit Evropian, ndër prioritetet e tjera, do të gjendet lartë në agjendën e presidencës së ardhshme të Këshillit BE-së nga Luksemburgu.
Ai kërkoi mbështetje nga Luksemburgu drejtëpërdrejt edhe për Maqedoninë, veçanërisht në këto kohë kur përballemi me sfida serioze të cilat kanë ndikim mbi procesin eurointegrues, zgjidhja jo e përshtatshme kohore, jo inkluzive dhe jo adekuate e së cilës mund të çojë drejt prishjes së stabilitetit, duke përfshirë edhe tensione potenciale ndëretnike.
Përpos kësaj, Besimi e përshëndeti diskutimin mbi situatën politike dhe arritjen e Konkulzave për Republikën e Maqedonisë nga ana e Këshillit të BE-së, gjë që tregon interesin e shteteve anëtare për të mbajtur Republikën e Maqedonisë në rrugën drejt BE-së.
Nga ana jonë, konkluzat shihen si udhërrëfyes për fokusimin ndaj prioriteteve kyçe të cilat duhen të realizohen për të kapërcyer situatën aktuale, tha Besimi.
Ai theksoi se pavarësisht të gjitha rrethanave dhe vështirësive me të cilat ballafaqohet Republika e Maqedonisë në këtë periudhë, Qeveria dhe administrata investojnë përpjekje të vazhdueshme në drejtim të përqëndrimit të procesit reformues dhe gjenerimit të sinjaleve pozitive ne fushat kyçe.
Nga ana e bashkëfolësve u prezantuan pikat kryesore të programit dhe prioriteteve të presidencës së Luksemburgut të Këshillit të BE-së, duke përfshirë dhe planet për mbajtjen e takimit të rradhës së Këshillit për Stabilizim dhe Asociim, si dhe paraprirje për një takim të mundshëm joformal të Këshillit të BE-së për çështje të përgjithshme me prezencën e ministravë për çështje evropiane të shteteve të Ballkanit Perëndimor./koha/
No comments: