FOKUSI

 Qytetarët e Maqedonisë së Veriut akoma nuk mund të udhëtojnë në Gjermani si turistë, pasi vendimi nuk ka hyrë në fuqi nga autoritetet gjermane.

Kështu thonë nga Aeroporti Ndërkombëtar i Shkupit, përcjell Telegrafi Maqedoni, prej ku kërkojnë falje për informacionin e publikuar të shtunën, ku informuan se shtetasit e RMV-së do të mund të udhëtojnë në Gjermani me arsye turistike. Tani thonë se ky vendim akoma nuk ka hyrë në fuqi.

“Ky vendim nuk është në fuqi, megjithëse ne si aeroport kemi marrë informacion nga partnerët tanë se qytetarët e Maqedonisë do të jenë në gjendje të udhëtojnë pa dhënë arsye thelbësore për udhëtimin, dhe i njëjti informacion ishte në sistemin tonë të aviacionit, në të cilin përditësohen rregullat/kufizimet e fundit të udhëtimit për shkak të Covid-19, që zbatohen në vende të ndryshme. Në ndërkohë, ne kemi marrë informacion të korrigjuar se ende nuk është e mundur të udhëtohet në Gjermani për arsye turistike dhe ne e ndajmë këtë me ju. Ju kërkojmë falje për gabimin e paqëllimtë”, njoftojnë nga Aeroporti i Shkupit.

Më tej shtojnë se janë duke pritur informacione shtesë nga institucionet kompetente dhe Ambasada e Gjermanisë.

“Detajet e tjera në informacionin që publikuam më 12 qershor 2021, janë të sakta. Gjegjësisht, Republika e Maqedonisë nuk është më në listën e vendeve me rrezik për Covid-19 të Gjermanisë, që do të thotë se hyrja në këtë vend për qytetarët e Maqedonisë është e mundur vetëm nëse ata i përkasin të ashtuquajturës “pasagjerët thelbësorë” dhe tregojnë test negativ për Covid-19 ose dëshmi të vaksinimit. Në të njëjtën kohë, formulari i vendndodhjes së pasagjerëve (Passenger Locator Form) i kompletuar në mënyrë elektronike ,nuk është më parakusht për të hipur në aeroplan”, thonë Aeroporti Ndërkombëtar i Shkupit.

Bashkimi Demokratik për Integrim si një nga organizatat politike më të suksesshme në historinë e Maqedonisë së Veriut, lindi si nevojë e kohës, si forcë e obliguar nga qytetarët që të sjell barazi nëpërmjet të zbatimit të plotë të Marrëveshjes paqësore të Ohrit. Kështu u shpreh kryetari i Bashkimit Demokratik Ali Ahmeti gjatë fjalimit të tij me rastin e 19 vjetorit të themelimit të partisë që ai udhëheq.

“Një vajze e re, Greta Tunberg, përshkoi botën me alarmin për ndryshimet klimatike e politikën ambientaliste dhe të gjithë ia hapën derën. Erdhi koha që edhe ne ta hapim derën hapë krah dhe të përqafojmë këto politika për një të ardhme të gjelbër, të sigurt, të zhvilluar dhe të shëndosh. Këtë e kërkoni ju, rinia. Rinia zëshëm kërkon kushte jete si bashkëmoshatarët e vet në perëndim, vende pune, ambient jete modern me ajër të pastër, ujëra të pastër, male dhe fusha të gjelbërta, rrugë e hekurudhë moderne, energji të gjelbër, shkolla, çerdhe dhe spitale me efikasitet energjetik, të sigurta dhe bashkëkohore”, deklaroi Ahmeti.

Sipas Ahmetit, Bashkimi Demokratik për Integrim tashmë ka legalizuar arsimin sipëror në gjuhën shqipe, ka bërë decentralizimin, ka siguruar përdorimin e lirë të simboleve kombëtare, gjuhën shqipe të barabartë, përfaqësimin e drejtë dhe adekuat, integrimin në NATO, marrjen e dritës së gjelbër për anëtarësim në Bashkimin Europian, bashkë me shumë prioritete tjera të qytetarëve tanë.

 

Lëvizja Besa po përgatitet që garës për zgjedhjet lokale t’i futet e vetme, por me sa duket kryetari i saj, Bilall Kasami, nuk ndihet i sigurt në këtë gjë. Ai mbrëmë nga emisioni Click Plus në TV21 u shtriu dorën e bashkëpunimit të gjitha partive, përveç VMRO-DPMNE.

“Në periudhën e ardhshme, kjo është në kuadër të asaj që e thash në përgjithësi që ne jemi të hapur për bashkëpunim me çdo subjekt politik, nuk kemi ndonjë amonizimet edhe ndaj partive të cilat i përmendët, pa marrë parasysh se jemi në pozicione të kundërta, pozitë-opozitë, bëhet fjalë për zgjedhje lokale”, tha Kasami.

Po e para që i thotë jo një koalicionimi të tillë, është Alternativa, e cila ka dalë si fraksion nga Besa.

“Në asnjë mënyrë jo, për shkak se marrëveshja jonë në koalicioni me Aleancën për Shqiptarët ishte për zgjedhjet parlamentare dhe për zgjedhjet lokale. Ne i rrijmë prapa atij qëndrimi dhe në këto zgjedhje do të shkojmë së bashku si koalicion me partnerin Aleanca për Shqiptarët”, u shpreh Hysni Ismaili nga Alternativa.

Deputeti i Alternativës nuk beson se ka ndonjë shans për bashkëpunim mes partnerit të tyre Aleanca për Shqiptarët dhe Besës. Po nga ana tjetër, nënkryetari i ASh-së, Ilmi Aziri as nuk mohon e as nuk pohon, por thotë se gjithkush është i mirëpritur të mbështesë kandidatët e koalicionit ASh-AAA.

“Jemi herët për të biseduar në mënyrë shumë të prerë dhe shumë konkrete për këto koalicionime të mundshme, jo vetëm me subjektin që ju e apostrofuat, por në përgjithësi me skenën politike. Duke u nisur nga parimi se jemi të bindur në përparësinë cilësore të kandidatëve dhe programit, besoj se jemi të hapur që çdokush që dëshiron përmirësim të gjendjes në komunën e tyre, që ta mbështesë kandidaturën që e ofrojmë ne si koalicion”, tha Aziri.

BDI është e bindur se prin në të gjitha komunat, por Arbër Ademi, thotë se ende nuk është biseduar për bashkëpunimet e mundshme.

“TV21: Nuk e përjashtoni bashkëpunimin me Besën?

-Me kohë dhe në transparencë të plotë do të njoftohet i mbarë opinioni për bashkëpunimet eventuale që mund t’i kemi në zgjedhjet lokale”, tha Ademi.

Të vetmen që Kasami përjashton nga mundësia e bashkëpunimit për lokalet, është VMRO-DPMNE-ja, kryetari i së cilës, Hristijan Mickoski, kur u pyet për këtë gjë, u përgjigj:

“Unë atë më shumë e kuptova si fyerje ndaj konkurrentëve të tij politik, sepse ai mendon se është aq i mbifuqishëm, parti aq e madhe sa nuk i duhet mbështetja e VMRO-DPMNE-së. Unë i uroj fat dhe sukses në qëllimin e tij dhe ja një porosi, në politikë deklarata të tilla i japin njerëzit që ose nuk e kuptojnë politikën ose politikën e kanë më shumë si hobi se sa profesion serioz”.

Sa i përket bashkëpunimit me LSDM-në, me të cilën Besa bëri koalicion parazgjedhor për parlamentaret, Kasami tha se edhe tani kanë komunikim korrekt në bashkëqeverisje, por shtoi se është e mundur edhe një bashkëpunim për zgjedhjet lokale.

Kreu i Besës, paralajmëroi se ai do të kandidojë për Komunën e Tetovës, ndërsa dy emra që tashmë përfliten si kandidatë të mundshëm, është i deputetit Fadil Zendeli për Gostivarin dhe doktori Ridvan Bajrami për Çairin.

Kasami po ashtu tha se në ato komuna ku rrezikohet përfaqësimi i shqiptarëve në nivel këshilltarësh dhe kryetarë komunash, është i gatshëm për lista të përbashkëta me partitë shqiptare./TV21

(Përkitazi me librin “TRADHËTIA DHE KOMPLOTI I SHAQIR FETAIT NË KOHË PANDEMIE”, i cili sapo doli nga shtypi, nën përkujdesin e Korporatës për Produksion, Informim dhe Botim “1kliklarg”, Tiranë)

Të gjithë librat e botuar shkaktojnë kënaqësi. Libri i mirë ngelë përjetë një kujtim i pashlyeshëm, i cili, gjithnj të thërret në rilexim! Libri madhështor, ai që shtjellon ngjarje e informacione, me një strukturë sa dramatike aq edhe të trishtë, me një temë që për bazë ka luftimin e së keqes, shpërthen brenda lexuesit si një bombë. Ky shpërthim, pa dyshim që, shkundë harresën, rizgjon kujtesën e amshueshme, shpëlon faktet, argumentet, ndez motorët e urrejtjes kundër së keqes, së shëmtuarës, tradhëtisë, komploteve, ndërsa qetëson shpirtërat e trazuar duke ua portretizuar diellin në lindje, shpresën, portretin e së mirës.
Fuqia e librit është atomi i fjalës së shkruar që, kur të shpërthejë, arrinë, sipas Aristotelit, katarsisin, atë shpëlarjen e shpirtit nga gjakimi i djallëzuar për krim e për vepra antinjerëzore.
Pikërisht, një libër i këtillë, një vepër madhështore, pa dyshim që do të ngelë edhe libri i sapo dalur nga botimi “Tradhëtia dhe komploti i Shaqir Fetait në kohë pandemie”.
Pse ky libër? Kush është Shaqir Fetai? Pse i dedikohet një libër kaq madhështor një personi të panjohur! Ky nuk është personazh fiktiv, i romanit, novelës, tregimit, por është personazh publik, që jeton e vepron, që ka bërë makabritet pikërisht në kohën e pandemisë që po e kalojmë?
Libri në fjalë është përmbledhje e mbi 250 shkrimeve të publikuara nga qindra autorë, në dhjetra media kombëtare gjithandej trevave etnike, e që flet për një tradhëti dhe komplot që është ndërmarur nga Shaqir Fetai.
Shaqir Fetai për gati një decenie e gjysëm shërbeu si myfti i Myftinisë së Gostivarit, të cilin e emëroi ish-reisul ulema i Bashkësisë Fetare Islame në Republikën e Maqedonisë së Veriut. Pra, Shaqir Fetai është teolog, është hafiz, ka qenë i emëruar myfti, nga kjo pozitë ka qenë anëtarë i Rijasetit, organit më të lartë kolektiv të BFI-së të cilës i ka prirë H. Sulejman ef. Rexhepi, personaliteti, i cili, për të arriturat e veta jetësore në rrafshin kombëtar e fetar, është dekoruar nga presidenti i shtetit shqiptar me medaljen “Kalorës i Urdhërit të Skënderbeut”, kurse për angazhimet e tij në kultivimin e dashurisë njerëzore si dhe për paqe anekënd botës është dekoruar edhe nga presidenti amerikan Donald Tramp!
Haxhi Sulejman ef. Rexhepi e pati si krah të vetin të djathtë Shaqir Fetain deri në momentin kur ky ia thurri një intrigë të tmerrshme dhe kur jepet pas realizimit të planit të shërbimeve të huaja sekrete, për ta eliminuar nga posti i Kryetarit të BFI-së dhe për t’u vetëemëruar nën përkrahjen e pushtetit aktual maqedonas!
Ndonëse shkrimet e përmbledhura nën këtë titull, të botuara brenda fiks një viti (maj 2020 – maj 2021), si lajtmotiv kanë angazhimin e strukturave të shumta nëntokësore anti-BFI, megjithatë, pa dyshim që do ta zbërthejnë edhe profilin e bartësit dhe realizuesit të këtij skenari përplotë me tradhëti e komplot, Shaqir Fetait, edhe atë, për nga aspekti teologjik, psikologjik, kriminalistik (bashkëpunëtor, tradhëtar, komplotist, spiun), antihuman, e deri te zbërthimi i profilit të tij pa karakter e pa edukatë. Lexuesi do të vërejë se, ditëve, javëve e muajve të parë, mungojnë shkrime e reagime, jo për shkak të ndonjë tronditje nga kjo e papritur e Shaqir Fetait, por, thjesht, për shkak të pritjeve të reflektimeve të tij. Personalitete të shumtë i kanë dërguar fjalë që të tërhiqet nga kjo lojë, e kanë lënë të reflektojë, e kanë lënë që të ndërgjegjësohet dhe, në momentin kur kanë parë që ky është nën presionin e karrierës si dhe të padronëve të vet, atëherë, ka nisur fushata kundër tij, sidomos në çastin kur ai jep isharete se, duke shkelur dhe mospërfillur Kushtetutën e BFI-së, ka vendosur që të bëhet bashkëshkatërrues i këtij Institucioni si dhe bashkëudhëtarë në rrënimin e tij me elementët e instaluar brenda Institucionit nga shërbimet e huaja antishqiptare e antiislame.
Libri është katalogëzuar në Bibliotekën Kombëtare të Shqipërisë, së cilës i janë dorëzuar edhe ekzemplarët e detyrueshëm si dhe nëpër institucionet më me relevancë të Shtetit Shqiptar. Pa dyshim që, do të gjenden edhe mënyrat për t’ua shpërndarë edhe të gjithë atyreve që kanë shprehur interesim në inboxin e faqes zyrtare të Korporatës, ndërkohë që, po punohet që të publikohet edhe versioni elektronik i librit.
Ky libër, përmbledhje e qindra shkrimeve, që flet mbi një tradhëti të turpshme dhe mbi një komplot antishqiptar, edhe atë në një kohë pandemie të Koronavirusit, kohë kjo kur vdekja e miliona njerëzve shton dashurinë e njeriut për njeriun, dhembshurinë dhe solidaritetit, kurse vetëm te Shaqir Fetai shton gjakimin për karrierë bazuar në një tradhëti të madhe dhe në një komplot të panjohur në letrat shqipe, do të ngelë si një lapidar për një sëmundje shpirtërore të njeriut antinjeri, siç na del këtu të jetë Shaqir Fetai. Pa dyshim, flet edhe për mbështetje kriminale të nëntokës institucionale që e gëzonte Shaqir Fetai në zvarritjen e tij, si një butak i plagosur, mbi Kushtetutën dhe mbi të gjitha aktet normative të Institucionit.
Ky libër do të plotësohet e riplotësohet, do ta ketë edhe vëllimin e dytë, të tretë, të katërt e kështu me radhë, deri sa do t’i shterret forca karrieriste Shaqir Fetait në udhëtimin e tij drejt kapjes së mekanizmave që e rrënojnë këtë Institucion dhe që i bluajnë madje edhe gërmadhat e tij, deri sa të shndërrohet në pluhur. Këtë shtegëtim do ta ndjek ky LIBËR nëpër vëllimet e veta të ardhshme.

Këto ditë, respektivisht, me rastin e njëvjetorit të uzurpimit politiko-partiak të Bashkësisë Fetare Islame në RMV, në kuadër të Korporatës për Produksion, Informim dhe Botim “1kliklarg.com”, do të dalë nga shtypi libri voluminoz me titull “Tradhëtia dhe komploti i Shaqir Fetait në kohë pandemie”!

Libri në vete ngërthen një mori shkrimesh, analizash e komentesh, intervistash e deklaratash, të cilat mëtojnë të hedhin dritë mbi tërë lojën politike të cilën e drejtoi ish-myftiu i Gostivarit, Shaqir Fetai, me qëllim të partizimit dhe të politizimit të të vetmit institucion islam të myslimanëve të RMV-së.
Mbi 200 shkrime të llojeve të ndryshme, në rreth 600 faqe, hedhin dritë mbi të gjitha lojërat që u luajtën mbi kurriz të BFI-së me qëllim të shkatërrimit të këtij Institucioni, mbi 200 zbardhje të lojërave të nëndheshme që u luajtën në dëm të myslimanëve të vendit e në interes të shërbimeve të huaja, por edhe të partive politike që përbëjnë pushtetin.
Libri në fjalë do të ngelë si një fakt që do t’i rezistojë kohërave të ndryshme për të dëshmuar mbi një kohë dhe mbi aktorët që nga shërbimet e diskutueshme morën rol të shkatërrimit të institucionin islam gjashtëqindvjeçar të këtij nënqielli.
Meqë libri është voluminoz dhe mjaft i kushtueshëm, meqë do të jetë edhe problem për ta sjellë komplet tirazhin në Maqedoninë e Veriut, meqë libri shqip nga Shqipëria dhe Kosova e ka të pamundshëm depërtimin tek shqiptarët e Maqedonisë së Veriut, të gjithë ata që do të shpehin interesim për ta pasur këtë botim në bibliotekat e tyre, le të na shkruajnë lirisht në inbox me qëllim që të dimë se sa dhe kujt t’ia sjellim ekzemplarët e kërkuar. Natyrisht, edhe besimtarët tanë nga diaspora, kudo qofshn ata, le të na shkruajnë, sepse shërbimet tona përmes shërbimeve të shpejta postare (DHL) do t’ua dërgojnë në çdo adresë të kërkuar.
Gjithësesi, planifikohet që, më vonë, botimi të dalë edhe në format elektronik dhe, të jetë i disponueshëm për secilin që dëshiron t’i rilexojë apo t’i ketë në një vend të gjitha shkrimet e botuara brenda një viti, shrime këto që nxjerrin në pah profilin psikologjik, profilin e pseudo-teologut demagog e hipokrit të Shaqir Fetait si dhe që zbërthejnë tërë atë skenar të huaj që u mundua ta luajë Shaqir Fetai në emër të islamit, të jetës fetare islame dhe të myslimanëve të vendit! Fundja, do të dëshmojë për një tradhëti dhe për një komplot origjinal e të tmerrshëm që u zhvillua në një kohë pandemie.
Pa dyshim, botimet e këtilla gjithësesi që do të shërbejnë literaturë bazë për ndonjë faqe të historisë kombëtare e cila do të flasë për veglat e huaja që gjithnjë kanë shërbyer për t’i njollosur klerikët myslimanë dhe për t’i paraqitur si elementë destabilizues të qenies kombëtare. Nëse në të kaluarën nuk ka pasur shënime, në të ardhmen ky libër do të dëshmojë se si janë luajtur skenare të ulët nga pseudo-teologët në dëm të teologëve të mirëfilltë dhe të islamit në përgjithësi.

Dje ka ndodhur një skandal i vërtetë në Stacionin Policor në Autokomandë në Shkup. Nga ana e policisë është terrorizuar një shqiptarë për shkak se nuk dinte të shkruaj në kirilic, shkruan Almakos.

Bëhet fjalë për Xhelil Islamin nga Shkupi.

” Me erdhi një mysafirë prej Belgjike në ora 23 të natës dhe ashtu si është rregulli bashkë me mysafirin shkova për ta lajmëruar në polici. Sipas adresës, unë duhet të paraqitem te Stacioni Policor në Autokomandë. E kërkova një karton për ta mbushur dhe fillova të shkruaj me germa latinicë. Bëra një gabim dhe polices i kërkova një karton tjetër. Në momentin kur policja e pa se kam shkruar në latinicë, ajo u terrorizua dhe më ofendoi: budalla, si nuk di të shkruash në kirilicë, duhesh të shkruash në kirilicë”,  deklaroi për Almakos,  Xhelil Islami nga Shkupi.

“I thash se nuk di të shkruaj në kirilicë, se me ditë me shkruar në kirilicë unë do të isha në vend të saj” , vazhdon rrëfimin Islami.

“ Ose unë ose ju jeni budalla kur shikohet se në karton shkruan se ky karton mund të mbushet edhe në gjuhën gjermane, frenge dhe angleze”, vazhdon rrëfimin Islami.

Pas atij momenti, policja e akuzon shqiptarin se e ka ofenduar në vendin e punës, ka përgatitur një padi dhe policin i cili zakonisht qëndron te dera me kallashnikov e ka ftuar që të bëhet dëshmitar i saj në lidhje me padinë. Për të shtuar frikën te këto dy shqiptarë janë ofruar edhe dy policë tjerë me kallashnikov.

Edhe pse Xhelil Islami ka kërkuar komanduesin e atij reparti, zëvendësuesin dhe inspektorin, nuk ka ia kanë mundësuar të arrijnë tek to. Ai ka kërkuar të dhënat e polices që edhe ai të përgatit një padi penale, porse as ato të dhëna nuk ka arritur t`i siguroje.

Islami nuk e ka nënshkruar dokumentin ku iu është përgatitur padia penale, porse është terrorizuar nga sjellja e polices ai dhe mysafiri i tij nga Belgjika.

Mysafiri nga Belgjika, i cili është edhe shtetas belg, do të ndërmarr të gjitha masat e nevojshme në shtetin belg ndaj këtij rasti.

Xhelil Islami në një bisedë të gjatë për Almakos, akuzon partitë shqiptare në pushtet në lidhje me zyrtarizimin e gjuhës shqipe. Ai habitet se si është e mundur që gjuha shqipe të duket zyrtare dhe partitë shqiptare në pushtet të krenohen me këtë të arritur, ndërsa ai dhe shqiptarë të shumtë të terrorizohen se pse nuk dinë të shkruajnë në kirilicë një dokument të thjeshtë.

 

Hamdi Nuhiju/Almakos/

 Javën që shkoi, nënkryetari i partisë, Izet Mexhiti tha se BDI nuk e ka më të mirën e saj në Qeveri dhe se zëvendëskryeministri Grubi e ministri Osmani nuk mund ta përfaqësojnë elektoratin integrist të Shkupit. Madje shtoi se ministrat janë të pazëshëm dhe të padukshëm. Për këto mbrëmë në ClickPlus mori kundërpërgjigjet e bashkëpartiakut të tij, ministrit Bujar Osmani.

“Pa e komentuar, se nuk kam qëllim të komentoj qëndrime individuale, unë pikërisht mendoj të kundërtën. Unë mendoj që ekipi është një ndër më të koordinuarit, më efikas deri më tani në implementimin e programit”, u shpreh Osmani.

Mospajtimet brenda partisë mund të reflektojnë negativisht edhe në zgjedhjet lokale të tetorit, pati pohuar Mexhiti.

“Domosdo mosunifikimi, moskonsultimi i organeve pas kongresit që u mbajt para një vitit, domosdo që reflekton tek strukturat, tek elektorati dhe mund të na dëmtojë në zgjedhjet lokale”, tha Mexhiti.

Po as me këtë nuk pajtohet zëdhënësi i integristëve. Osmani mendon se BDI është më mirë se kurrë.

“Unë nuk dua të nënvlerësoj mendimin e zotëriut. BDI ka 100 mijë votues që mund të kenë mendime të ndryshme, mirëpo kujtoj se punën po e bëjmë me sinqeritetin më të madh, me nderin më të madh. Në BDI e kam thënë çdo herë, është një laramani aq e madhe gjatë mandatit, që është mirë, që është e shëndetshme, në moment kur fillon procesi zgjedhor, të gjithë bëhen një, kjo është e jashtëzakonshme, duhet të jeni brenda për ta ndjerë këtë energji”, tha Osmani.

Edhe kryetari i Çairit, Visar Ganiu, i cili pohon se ka vullnet edhe për një mandat të dytë, nuk mendon se mospajtimet brenda BDI-së do të reflektojnë në zgjedhjet lokale. Madje kjo mund të ndihmojë, shton ai.

“Unë mendoj se jo. Grupe ka jo vetëm tek ne por në çdo parti. Momentet duket që nuk janë të mira por ndonjëherë mund edhe të dalin me rezultat pozitiv për shkak se çdo revoltë që paraqitet sigurisht se na mundëson edhe si parti të konsolidohemi, t’i shohim gabimet, të korrigjohemi, aty ku kemi”, tha Ganiu.

Zëdhënësi i BDI-së, Osmani, mbrëmë duke folur rreth kritikave që vijnë pikërisht nga partia së cilës i takon, tha se asnjëherë tek ta nuk është ngulfatur zëri ndryshe dhe se çdo mendim duhet dëgjuar, por në fund vendimet merren me shumicë dhe nga kryetari. Pohoi gjithashtu se nuk ka plan për rikonstruim të qeverisë, se BDI ka pozicion të mirë brenda qeverisë dhe bashkëpunimi me LSDM-në është i mirë dhe efikas./TV21

“Autostrada Kërçovë-Ohër, në vend të lëvdatave Qeveria duhet të japë llogari”, kështu ka reaguar koalicioni opozitar, Aleanca për Shqiptarët dhe Alternativa ndaj vizitës së krerëve institucional, të realizuar në këtë aks rrugor.

Kanë vlerësuar se, kjo autostradë edhe edhe “një dëshmi se Qeveria aktuale e në veçanti partneri shqiptar në koalicion, Bashkimi Demokratik për Integrim, tanimë përveç përgjegjësisë, nuk kanë as turp”.

“Ministri i transportit dhe lidhjeve Bllagoja Bovarski dhe Drejtori i NP për Rrugë Shtetërore Ejup Rustemi, sot tentuan të mburren edhe me një dështim tjetër që filloi me Qeverinë e kaluar VMRO-BDI dhe po vazhdon me Qeverinë aktuale LSDM-BDI. Koalicioni Aleanca për Shqiptarët dhe Alternativa, vlerëson se në vend të promovimit, partitë në Qeveri sot duhet të japin llogari dhe të mbajnë përgjegjësi për të gjitha dështimet në autostradën Kërçovë-Ohër.

Kjo autostradë me gjatësi prej 57 kilometrash, me vlerë prej 598 milion euro, filloi në vitin 2014 dhe sot pas 7 viteve është arritur vetëm 62% përparim në realizimin e punimeve. Në Qershor përfundon afati plotësues, ndërsa Qeveria paralajmëron edhe një propozim për aneks marrëveshje për vazhdimin e afatit, për një kohë që tanimë askush nuk është në gjendje ta planifikojë me saktësi. Deri më tani nga 70 projekte infrastrukturore për ndryshimin e trasesë, janë miratuar vetëm 20 dhe Grubi bashkë me ministrat e tjerë vazhdon të gënjejë qytetarët dhe këtë ta prezantojë si sukses.

Pyesim publikisht kryeministrin Zoran Zaev: ku mbeti drejtësia për, citojmë “kriminalitetin dhe korrupsionin” në këtë projekt, që e denonconte përmes bisedave të përgjuara. A do të përfundojë edhe ky rast me anmesti dhe partneritet me krimin, siç përfunduan të gjitha rastet e tjera deri më tani?”, thuhet në reagimin e ASH-AAA-së.

 Ekskluzive: Intervistë me H. Sulejman ef. Rexhepin, ish-Reisul Ulema i BFI-së

“Minjtë” që më tradhëtuan me detyrë për ta shkatërruar BFI-në

Më 27 maj të vitit 2020, një numër i anëtarëve të Rijasetit të Bashkësisë Fetare Islame, të tubuar diku në Gostivar, para pothuajse të gjitha mediave të vendit, deklamuan: “Bazuar në procesverbalin e mbledhjes së jashtëzakonshme të shumicës së anëtarëve të Rijasetit të BFI-së të mbajtur më 27.05.2020, ne të nënshkruarit më poshtë në bazë të Nenit 36 dhe 58 të Kushtetutës së BFI-së, që e përbëjnë më shumë se 2/3 e anëtarëve të Rijasetit të BFI-së, vendosëm njëzëri shkarkimin e Sulejman Rexhepit nga posti Reisul Ulemasë, kryetar i BFI-së. Deri në përgatitjen e kushteve për zgjedhje të reja, për ushtrues detyre kryetar i BFI-së është caktuar myftiu i Gostivarit, Shaqir Fetahu”!
Redaksia jonë, në prag të njëvjetorit, ka kërkuar nga H. Sulejman ef. Rexhepi, që të mësojë më shumë rreth arsyeve dhe rrethanave që çuan deri te ky gjest tradhëtues e komplotist.

Këto ditë bëhet një vit nga, siç thoni ju, komploti i bashkpunëtorëve të juaj që e ushtruan mbi ju! U tubuan fshehurazi, madje brenda natës dhe, ju shpallën të rrezikshëm sepse ju keni shkelur Nenin 58 të Kushtetutës së BFI-së! Vetëm ky është mëkati? Bashkëpunëtori i ngushtë, miku i mirë, këshillon, sugjeron, korrigjon, apo, dorëhiqet nga bashkëpunimi i mëtejmë dhe, kurrë nuk tradhëton, nuk e shkelë bukën që ta ha, nuk bëhet palë me armikun tënd! Ç’ndodhi në të vërtetë. Kaluan një vit dhe thuaja se asgjë nuk u sqarua?

Tani, nga distanca dhe, kur keni kohë të lirë, kur jeni më të relaksuar, më pak i ngarkuar dhe me aspak përgjegjësira që i takojnë prijësit fetar, keni kohë të reflektoni dhe, të përpiqeni që në ato reflektime të jeni sa më objektiv! Po i analizoj dhe po i zbërthej një nga një “bashkëpunëtorët” e mi të dikurshëm, lojërat e tyre në raport me mua, po i lidhi gjërat, po i sjellë në kujtesë ngjarjet, veprimet, përpëlitjet “intelektuale” të tyre, po ua analizoj prejardhjen, shoqërinë, aspiratat, synimet, intrigat, gatishmërinë e tyre për të mëkatuar, mëkatimin e tyre me dëshirën më të madhe, lutjet e tyre për t’i nxjerrë nga situatat e palakmueshme, premtimet e tyre, përbetimet e tyre, kërkesat, insistimet, lajkat dhe servilosjet e tyre për të arritur deri te lidhja me strukturat e ndryshme policore, manipulimet e tyre në emër të islamit dhe, të gjitha këto veprime të turpshme para syve të mi – sakaq, dal unë i dobët, dal unë që duhet të kritikohem, dal unë i mashtruari, i pavëmendshmi! Isha mbështetur në bashkëpunëtorë të kotë, me karakter të dobët, kisha pasur përkrah turpërimin tim, njerëzit që më kishin përdorur si vello për ta veshur tradhëtinë e tyre, bashkpunimin e tyre me shërbimet intelegjente, planin e tyre për ta rrënuar të vetmin Institucion islam që mbi 600 vite u kishte bërë ballë pushtuesve e perandorëve të ndryshëm.

Dëshironi të thoni se, me largimin tuaj mori fund edhe ky Institucion, Bashkësia Fetare Islame?

Jo, ky Institucion gjithnjë ka qenë, është dhe do të jetë nën Mëshirën e të Madhit Zot! Nuk varet as nga shkathtësitë dhe aftësitë e të parit si dhe të nëpunësve të saj, as nga prirja për menaxhim të shkëlqyeshëm, as nga planet dhe strategjitë e shërbimeve të ndryshme antiislame për ta rrënuar përdhe këtë Institucion.
Myslimanët e vendit janë dëshmitarë të gjallë për faktin që, asnjë subjekt, asnjë faktor, asnjë institucion nuk pësoi aq shumë goditje, aq shumë përpjekje për destabilizim dhe rrënim, aq shumë projekte dështuese për të depërtuar në këtë Institucion struktura të padëshirueshme dhe të rrezikshme, pra, nuk ka asnjë Institucion në vend që u sulmua më shumë se Bashkësia Fetare Islame! Tre dekada post-komuniste i rezistuam me sukses, i demaskuam të gjitha përpjekjet e ulëta, i demaskuam dhe i zbrapsëm të gjitha strukturat që insistonin të vënin kontroll dhe dirigjim në Institucionin tonë! Goditjet ishin të njëpasnjëshme! BFI-ja u bë objekt studimi edhe nga faktorë të ndryshëm ndërkombëtarë! Sa më shumë që na sulmonin aq më të fortë dilnim, aq më unikë dhe aq më të përkrahur nga faktori ndërkombëtar! Duhet ta pranojmë një fakt: shqetësuese është se, këto lojëra të strukturave të dyshimta antiislame gjithnjë u luajtën nga “myslimanët” e vendit dhe asnjëherë bartës të këtyre projekteve nuk dolën jo-myslimanët!
Tani, çfarë ndodhi! Tridhjetë vite isha lavdëruar me bashkëpunëtorët e mi, me lojalitetin e tyre, isha mburrur me papërkulshmërinë e tyre, me besnikërinë dhe sinqeritetin e tyre dhe, në fund, pikërisht prej tyre m’u ngul thika pas shpine! Sepse, paskam qenë i keqi, sepse, paskam qenë i mëkatshmi, sakaq, paskam shkelur Nenin 58 të Kushttutës së BFI-së… Po bashkëpunëtorët e mi të cilët, një javë më parë më kishin thurrur aq shumë elozhe në deklarata televizive sa nuk e dija se për kë po flasin, për mua apo për ndonjë figurë historike kombëtare e fetare? Po bashkëpunëtorët e mi të cilët, brenda natës i përgjigjen strukturave të caktuara policore për t’u tubuar dhe për të vepruar ashtu siç do të kërkojë përfaqësuesi i këtyre strukturave, Shaqir Fetai? Ky që më kishte shërbyer gati tre dekada rresht! Tani, të gjithë të dalin të mirë në sy të popullatës dhe vetëm unë të shpallem i keqi, madje prej atyreve që më kanë shërbyer “me besnikëri” dhe, në fund, ta gëzojnë përkrahjen e popullit? Unë kam vizita, kam takime, kam bisedime të përditshme me miq e myslimanë që nuk i njoh por që shprehin interesim për mua dhe, të gjithë më shohin si viktimë të një strategjie të dalur nga strukturat e DBK-së! Ndërsa ish-bashkëpunëtorët e mi, që të gjithë vlerësohen si bashkëpunëtorë të DBK-së, e cila, me një isharet të vogël arrinë që t’i mbledh në Gostivar, këta anëtarët e “Rijasetit”! Këta, që masovikisht dhe tmerrësisht urrehen nga popullata, nuk mund ta shpëtojnë BFI-në, porse, po e fundosin ditë e më shumë, sepse, popullata ka shkëputur kontaktin me ta dhe, kjo shkëputje interpretohet me refuzimin për t’ua mirëmbajtur burimet financiare! Bartësit e një aksioni puçist e komplotist, asnjëherë nuk janë duartrokitur dhe nuk janë pritur me lule. Ata përfundojnë aksionin dhe, me marrjen fund të misionit të tyre, “zhuken”! Dëshmitarët e misioneve të rrezikshme për imazhin e shhtetit nuk janë të dashurit e strukturave sekrete. Spostohen diku, margjinalizohen tërësisht, duke pasur probleme me zemrën, me tensionin, veshkat… Fundi, gjithësesi që, do të jetë tragjik!

Thatë se keni kontakte të shumta me…

Po po! Madje kontaktohem e më vizitojnë edhe ata që u manipuluan dhe morën pjesë në atë komplot që ma bënë! Më vjen vështirë ku i shoh se si përloten e se si mundohen të sigurojnë një falje timen për gabimin e tyre të pafalshëm që e bënë! Më rrëfejnë fije për pe se si ndodhi, kush i thirri, si i thirri, kush i organizoi, si u morën vesh etj.! Të gjithë kanë qenë të shantazhuar! U janë kërcënuar me “bomba”, me video, me dëshmitarë, kanë qenë të kërcënuar që, nëse nuk dëshirojnë të turpërohen publikisht, atëherë duhet të pranojnë që të më turpërojnë mua publikisht!
A ka gjë më të ulët se sa largimi im të justifikohet me faktin që unë paskam shkelur Nenin 58! Dëbohet një mysliman nga një Intitucion apo komunitet nëse e mohon Zotin, nëse publikisht e mohon Kuranin, nëse publikisht gënjen për Pejgamberin a.s., nëse publikisht rreshtohet në anën e “ushtrisë” antiislame! Por, që të dëbohet se paska shkelur këtë nen, ky është budallallëk i të humburve! Ky nen përmbanë pika që nuk mund të shkelen brenda një dite, brenda një nate, por që duhet kohë, vite e vite! Asnjëherë nuk kam pasur vërejtje nga bashkëpunëtorët e mi, asnjëherë nuk kam pasur isharete dhe as sugjerime për t’u korrigjuar në veprime. Përkundrazi, kam qenë i lavdëruar, i duartrokitur, më kanë puthur në ballë e me loçkë të zemrës i janë lutur Zotit që të më japë shëndet e t’ju prijë sa më gjatë! Tani, po të njëjtit, mblidhen brenda natës dhe “më shkarkojnë”! Shantazhi i strukturave intelegjente policore nuk e ka fuqinë e nënshtrimit sa e ka forcën pesha e fjalës së të parit fetar që i merr nën mbrojtje! Me mua, të gjithë ishin faqebardhë, ndërsa tani, fatkeqësisht, të gjithë janë shpërfytyruar në faqezinjë, në bashkëpunëtorë të policisë maqedonase, si të tillë, në antiislamistë e antimyslimanë. Prandaj, çfarëdo të flasin ata, çfarëdo të veprojnë, çfarëdo të premtojnë, janë fare të papërfillshëm nga popullata myslimane, ishin bashkëpunëtorë të mi e të nderuar dhe, sakaq, kaluan në bashkëpunëtorë të strukturave sekrete të sigurisë të cilat garojnë mes vete se cila do të pozicionohet sa më thellë ne BFI.

Keni akuzuar edhe partitë në pushtet, se kanë gisht në shkarkimin tuaj! Si e justifikoni këtë akuzë!

Unë isha mik i ngushtë i shumë personaliteteve të kierarkisë më të lartë të BDI-së. Në dobi të vendit tonë, kam kontribuar me miq e shokë që kanë pasur respekt në mua! Ndërsa kurrë nuk e mora as një përqind të përkrahjes që e pata nga Partia për Prosperiet Demokratik e cila sot nuk ekziston! Kurrë nuk u refuzuam në kërkesat tona nga kjo Parti! Kurrë kjo Parti nuk hezitoi në realizimin e kërkesave tona dhe të premtimeve të saj si subjekt politik, ndonëse kurrë nuk na e pa hajrin si Institucion siç na e pa hajrin BDI-ja. Tronditjet e BFI-së, ato më të rëndat, i përjetuam pikërisht sa ishte BDI-ja në pushtet me LSDM-në, pastaj me VMRO-në dhe përsëri me LSDM, ndërsa përkrahjen tonë e pati gjithnjë të parezervë.
Goditja e fundit, ajo që më tronditi në shpirt e mendje, ishte pikërisht ardhja e “miqve” të mi nga kryesia e kësaj Partie, të cilët m’i përcollën të falurat e liderit të tyre që, mos të bëja problem, por të rrija urtë sepse zgjedhjet po afroheshin dhe, brenda javës, do të zgjidhej ky problem ndërsa puçistët do ta pësonin shumë keq! Biles, më porositën që të ofroj dorëheqje!

Dorëheqja e juaj pasoi pasi këtë ua kërkoi BDI-ja dhe jo Rijaseti?

BDI-ja ka juristë! Dinë ta lexojnë dhe ta interpretojnë edhe Kushtetutën e BFI-së! Pa dyshim që e kanë ditur se edhe unë jam njohës i mirë i problematikave nga lëmi i jurisprudencës! Pas kërkesës nga ana e BDI-së për ta deponuar dorëheqjen time, u gjenda para një dileme të madhe: të ngelem në krye të BFI-së e t’ua nxij jetën bashkëpunëtorëve të mi, apo, të tërhiqem dhe të vetënxihen bashkëpunëtorët e mi. Me më pak kosto shpirtërore më doli kjo e dyta!
Kushtetuta e BFI-së për seli të Institucionit e njeh Shkupin dhe jo Gostivarin? Kushtetuta e BFI-së nuk e obligon Reisul Ulemanë që t’i pranojë ad-hoc vendimet e organeve të BFI-së, mund t’i refuzoj dhe fare mos t’i dekretojë! Kushtetuta e BFI-së parasheh shkarkim të gjithsecilit që rrebelohet apo që vepron në kundërshtim me aktet normative të BFI-së. Thjesht, unë do të mund t’i shkarkoja që të gjithë ata “myftinjë” që e inicuan shkarkimin tim të paligjshëm, porse, do ta vuaja shumë pastaj këtë gjë! Nuk do ta kisha lehtë që ta përpija faktin që kohë të gjatë për bashkëpunëtorë paskam pasur bashkëpunëtorët e shërbimeve që kurrë nuk ia kanë dashur të mirën BFI-së. Do të më kishte humbur një dozë e madhe e sinqeritetit tim, sepse, kam qenë shumë i sinqertë, dashamirës dhe jam mburrur para myslimanëve të vendit me bashkëpunëtorët e mi, të cilët i kam lavdëruar me fjalë nga më të mëdhatë. Kur i pari të lavdëron me fjalë të mëdha, do me thënë se të inkurajon, të jep zemër, të jep shtytje për suksese edhe më të mëdha, por kur, i vogli, i papërfillshmi, e lavdëron të madhin, në këtë gjest mund të ketë lajka, servilizëm, ka shpresa për manipulim për të arritur synime të pameritueshme. Unë edhe i kam lavdëruar edhe u kam dhënë, sepse, kam dëshiruar që bashkëpunëtorët e mi të jenë burra të fjalës e të suksesit, ndërsa këta më dolën të gjithë minjë të gjirizit.
Do ta kisha shumë të rëndë që tani, t’i largoj këta “minj” dhe të gjej bashkëpunëtorë të rinjë të cilët ndonëse do ta meritonin, megjithatë, nuk do të mund t’i lavdëroja para popullatës siç i lavdërova të parët! Nëse vazhdoja, do të më duhej që bashkëpunëtorët e mi, të lavdëruar deri dje, të nis e t’i demistifikoj, madje edhe duke i paditur nëpër gjyqe, sepse, shumica prej tyre e dinë fare mirë se, nga një kontroll të përciptë e rutinor, i zura që kishin bërë dëme të mëdha financiare nëpër organet që i drejtonin, kishin vjedhur, keqpërdorur e shpërdoruar detyrën dhe postin!

Pse mendoni se në largimin tuaj nga BFI-ja ka gisht pushteti?

Sepse, ata ma kërkuan dorëheqjen dhe më thanë që mos të reagoj se do ta zgjidhin problemin vetë ata, fill pas zgjedhjeve parlamentare! Pastaj e instaluan njeriun e tyre, Shaqir Fetain, duke qenë të bindur se ai është personi i duhur që duhet të manipulohet në dëm të interesave të BFI-së! Në ç’moment mund ta kujtojë populli një të mirë të BDI-së që ia bëri BFI-së?! Partia për Prosperitet Demokratik ka ndihmuar shumë, kurrë nuk e ka kushtëzuar ndihmën politike që ia ka kryer BFI-së! Ajo strukturë e ndihmuan BFI-në pa kurrfarë hile! Në kohën e BDI-së, u bënë disa sulme kundër BFI-së, u zbuluan disa njerëz që punonin kundër interesit të BFI-së. Së fundmi kemi pasur marrëvshje konkrete me Zaevin dhe Ali Ahmetin, madje edhe i kemi tokur duart se, do të burgosen të gjithë ata që janë përpjekur ta dëmtojnë BFI-në, si individë të manipuluar ashtu edhe përfaqësues të institucioneve shtetërore. Në vend se të bëhet kjo, më larguan mua! Tani më thonë se paskam qenë rrezik shumë i madh për shtetin dhe për pushtetin, se paskam folur shumë. Ç’është e vërteta, unë u kam folur bashkëpunëtorëve të mi për ta ndihmuar BDI-në, duke i ndriçuar të gjitha rastet e montuara politike! U kam folur edhe njerëzve të Partisë, u kam thënë se, rigjykimet do të përfundojnë në të mirë të të dëmtuarve, ndryshe, do ta ngris tërë popullin në këmbë! Nuk do të lejoj që në këtë shtet pushtetarë të paraqiten vetëm maqedonasit. Kam shprehur reagimet dhe shqetësimet e mia shumë serioze për vendimin e maqedonasëve për t’ju dhënë shtetësi shqiptarëve, kujt të duan ata! Do me thënë se, popullata maqedonase kujt do i jep shtetësi e kujt të dojë edhe ia merr dhe, marrja e shtetësisë do të thotë e drejtë për dëbim! Zyrtarizimi i gjuhës shqipe, institucionalizimi i të drejtave shqiptare, shtetësia, me automatizëm u ka takuar të gjithë shqiptarëve të cilët pavarësimi i shtetit i ka gjetur në këtë shtet.
Ne, përmes projektit STOP RaTerr, kemi dëshmuar se nuk jemi për radikalizëm, nuk e ushtrojmë radikalizmin e aq më pak terrorizmin por, këto dukuri nuk do t’i durojmë as mbi kurrizin tonë, nuk do t’i tolerojmë, qofshin këto të ushtruara edhe nga institucionet shtetërore! Do të reagojmë ashpër! Prej Kumanove e deri në Strugë, prej Velesi, Shtipi e deri në Resnje, të gjithë do t’i ngrisja në këmbë! Do ta radikalizoja situatën deri në vetëdijësimin e të gjithë palëve se në Maqedoninë e Veriut të gjithë do të duhet të jenë të barabartë, ndaj të gjithëve drejtësia duhet të jetë e njëjtë dhe se, këtu nuk guxon të ketë qytetarë të rendit të parë apo të rendit të dytë, tretë, katërt…

Ju thoni që ju larguan si destabilizues potencial i shtetit?

Nuk na duhet një shtet që shndërrohet në laboratorium për ta testuar kombin shqiptar, për të eksperimentuar me shqiptarët, për t’ua dozuar të drejtat dhe liritë! Është naive të pretendohet inkuadrimi i Maqedonisë së Veriut në BE dhe pastaj të zgjidhen çështjet e hapura me shqiptarët autoktonë! Populli maqedonas dhe ai shqiptar në këtë shtet do të duhet të merren vesh, të kapen dorë për dore dhe, si dy faktorë stabiliteti ta fusin vendin në BE dhe, jo të jenë njëri në pozita të nikoqirit e tjetri të vasalit!

Sikur nuk keni qenë kaq “radikalistë” sa ishit në krye të BFI-së! Linit përshtypje se ju ishit në një vijë me vasalët!

Kurrë nuk më ka interesuar politika, nuk më kanë interesuar as partitë. Kam bashkëpunuar me ta vetëm deri sa kam arritur realizimin e ndonjë interesi të BFI-së. Fare në fund, po, nuk mund ta mohoj, kam qenë shumë thellë i kyçur në politikë, sepse, ishte momenti, kërkohej edhe kontributi im, kërkohej angazhimi im, si faktor relevant në vend. Kontributi im kërkohej edhe nga faktorë të brendshëm, por edhe nga faktorë të jashtëm, miqtë tanë ndërkombëtarë. Ndihmën nuk ua kam ofruar bllanko! Ua kam kushtëzuar, kam pasur edhe kërkesat e mia në emër të BFI-së: qëndrimi i strukturave të caktuara shtetërore sa më larg BFI-së, të drejtat dhe liritë e pjesëtarëve të islamit në vend, mosdiskriminimi fetar që na bëhej vazhdimisht, heqja dortë nga synimet ortodokse për ta ortodoksuar realitetit multifetar të vendit, nxjerrja para drejtësisë të të gjithë atyreve që me përkrahje dhe mbështetje të institucioneve të caktuara shtetërore ia mësynë destabilizimit të BFI-së etj. Natyrisht, të gjitha këto tratativa për marrëveshje serioze janë bërë në katër sy, janë bërë në mes faktorësh dhe udhëheqësisht me relevancë dhe, nuk kemi pranuar që të dalim në opinion dhe ta elektrizojmë masën, të flasim me patos e me doza të nacionalizmit. Prandaj nuk kam qenë “i zëshëm”, prandaj kam qenë në koordinim me partinë shqiptare, duke menduar se do të jemi në të njëjtën valë. Por, ja që dikush paska menduar se do të përfitoj personalisht unë dhe të tjerët do të ngelin nën hijen time, prandaj dhe ma luajtën lojën!

Kush ju ka frikësuar deri në atë pikë sa mos të guxoni të dilni në opinion dhe t’i zbardhni ju arsyet e kësaj loje që ua luajtën? Pse keni heshtur përgjatë tërë vitit! Çka ju frikëson që të flisni!

Mua të më frikësojë diçka? Nuk ka bërë vaki që në një moment të jem i frikësuar përgjatë tërë karrierës sim si hoxhë, si teolog! Pse kam heshtur? Ku të flas? Në cilën media? Ju e shihni që emri im, shkrimet e mia, reagimet e mia nuk i keni në asnjë portal, në asnjë media elektronike apo të shkruar! Ose janë shitur, ose janë të shtrënguar nga pushteti! Me përjashtim të një debati në TV21M, të një interviste në Lajm TV dhe të një opinioni në Tetova Sot, nuk kemi pasur asnjë debat, nuk është kërkuar asnjëherë mendimi im, kurse ndonëse është kërkuar mendim i Shaqir Fetait, ai asnjëherë nuk ka folur për këto probleme, sepse, nuk di se çka të flasë, sepse ka vepruar ashtu siç i kanë thënë, ashtu siç ia kanë ofruar skenarin! Ndërsa flasin e debatojnë pseudo-teologë, hoxhallarë pa diploma, të përjashtuar nga Medreseja jonë, me diploma të blera e false të siguruara nëpër shtete të ndryshme arabe, të dala nga programet speciale siç mund të përgatiten për të huaj, me njohuri të përcipta bazike! Këta tipa promovohen si vlera, si kontribues fetar e kombëtar. Këta tipa imponohen si reformatorë, ndonëse të gjithë janë me çertifikatë të shërbimeve intelegjente të huaja! Nuk guxojnë ta mohojnë këtë, as të më fshihen, sepse, ata e dinë që unë i njoh shumë mirë, i kam sprovuar, i kam testuar, i kam detyruar të më rrëfehen, kështu që, kjo më shqetëson, më ofendon, më ulë dinjitetin, pjesëmarrja e mediave tona në promovimin e pseudo-teologëve në “vlera kombëtare e fetare”! Vlerat dalin në shesh vetëm në ballafaqim, në debate, në kryqëzime të pikëpamjeve e të fakteve, e jo sipas strategjive të shërbimeve nëntokësore.

Cilin gabim të juajin e llogarisni si më fatal sa ishit Reisul Ulema i BFI-së. Cili veprim i pakryer ju ka ngelur si peng?

Po! Ka muaj që reflektoj mbi Medresenë që e kemi shndërruar në barrë të papërballueshme për myslimanët e vendit! Megalomania jonë, mosracionaliteti ynë, politikat e gabuara kadrovike, na kanë shndërruar në lypsarë por edhe në ngarkues të buxhetit gjithnjë të varfër të popullatës sonë! Medreseja është shkollë profesionale që nxjerr kuadro për nevoja të BFI-së, hoxhallarë për nevoja të xhemateve dhe xhamive tona! Kështu obligon Kushtetuta e BFI-së dhe Ligji mbi pozitën e bashkësive fetare në vend. Zgjërimi ynë ka bërë që t’ia rëndojmë buxhetin myslimanëve, sepse, burimi ynë financiar janë ata! Kemi prodhuar mbi 3-4000 hoxhallarë! Kujt i duhen të gjithë këta? Për më tepër, na ka ndodhur një katastrofë e tmerrshme, si ndëshkim nga Zoti, për politikat tona të gabuara kadrovike! Kemi shkolluar e ushqyer medresantë me paratë e popullit dhe, në fund, një numër i tyre na kanë përfunduar në DBK, në polici, në ushtri, në administratë, në diplomaci! Me paratë e popullatës sonë kemi nxjerrë kuadro për nevojat e shtetit! Edhe të eksploatuar edhe të pafalënderuar! Ne kemi prodhuar hiperkuadër dhe, na kanë ngelur rrugëve! Çka pritet prej tyre? Ata duhet të mbijetojnë, të krijojnë familje, ndërsa ne nuk jemi në gjendje që t’ju dalim në ndihmë. Ata ose do të radikalizohen, ose do të bëhen misionarë, ose mercenarë, ose do të përfundojnë bashkëpunëtorë të shërbimeve të huaja.
Kjo më dhemb! Shikuar nga perspektiva e të një “pensionuari” që ka kohë të mendojë e të analizojë, ky është gabimi ynë më i madh. Ne kërkojmë fitra e zeqat për t’i sponsoruar problemet që do të na kushtojnë shumë shtrenjtë! Tani kemi kuadër të mjaftueshëm teologësh! Duhet të krijohet një strategji e hollë, bazuar mbi analizat e sakta, duke u shtrirë në çdo xhemat, e në çdo vendbanim tonin, për t’i detektuar nevojat për kuadër. Në bazë të kësaj pastaj të caktojmë numër nxënësisht që do t’i nxjerrim kuadro për nevojat e BFI-së! Ky hap do të duhej të ishte reforma e parë, urgjente dhe e domosdoshme që e pret BFI-në. Edhe para popullit tonë do të dilnim më të fisshëm. Nga ana tjetër, do të duhej të përforcoheshin mektebet! Të përgatitej një metodologji më e avancuar e mbajtjes së mësim-besimit islam. Madje ky aktivitet, në njëfarë forme, të ndjehet si detyrim fetar për çdo xhemat, sepse, asgjë e keqe nuk do t’i gjejë fëmijët nëse i mbajmë larg rrugës e larg celularëve duke i angazhuar në mësimin e bazës fetare islame.

Në fund, efendi Rexhepi, si personalitet me përvojë të gjatë në krye të BFI-së, si po ju duket reisi i ri në drejtimin e BFI-së?

Shaqir Fetai është “kuadër imagjinar”, i “brymosur si myfti” nga lavdërimt e mia, kurse, në realitet ai nuk ka kapacitet për ta nxjerrë macen nga përsheshi! Nuk dua të flas më shumë për të, por, le të më lejohet të sjell disa konstatime të bashkfshatarëve të tij, që vinë e më vizitojnë shpesh! Shprehin keqardhje për përpjekjet e tij prej naivi, shprehin indinjatë për tërë atë që ia punoi pas shpine BFI-së, ndjehen të turpëruar për atë që ma bëri mua, ndjehen të rrëqethur nga ajo që po ia bën BFI-së dhe persektivës së islamit në këtë nënqiell, ndjehen të zhgënjyer nga synimet karrieriste të tij përkundër faktit që e dinë se nuk shquhet për ndonjë karakter në familjen e gjërë dhe nuk shquhet për ndonjë respekt familjar! Të mos flasim për “bashkëpunëtorët” e tij të cilët ditë për ditë vijnë e më flasin për axhamillëqet, por edhe për djallëzitë e Shaqir Fetait. Bashkpunëtorët e tij e thonë vetë se ndjehen shumë rëndë! Kryekëput përjetuan një vit zhgënjimi! Lus Zotin që sa më shpjtë të ndërgjegjësohen!

Deputetja nga koalicioni ASH-AAA, Ilire Dauti në Click Plus, bëri të ditur se janë duke përpiluar tekstin final për ligjin për shtetësinë me të cilën do ta prezantojnë në takimin e fundit me Qeverinë.

“Ne e kemi marrë përsipër që draftin përfundimtar të ligjit për shtetësinë ta bëjmë gati dhe ta ofrojmë në takimin e fundit dhe takimi duhet të jetë brenda këtyre ditëve”, deklaroi Ilire Dauti – deputete ASH-AAA./TV21

Situatë e tensionuar përpara Kryeministrisë në Tiranë. Policia ka hedhur sërish gaz lotsjellës kundër protestuesve, por edhe ndaj gazetarëve që po pasqyrojnë tubimin. Përpara selisë së qeverisë ndodhen forca të shumta policie, ndryshe nga mbrëmë policia nuk ka qenë pasive. Protestuesit në momentin që janë larguar nga Kryeministria, në hyrje të zonës së Bllokut u kanë vendosur zjarrin koshave të plehrave dhe çfarë gjejnë para, ndërsa policia ka ndërhyrë me shpejtësi për të shpërndarë turmën me gaz lotsjellës. Sonte kishte më pak protestues, por më shumë efektivë policie, por që nuk kanë qenë aspak miqësor. Aktualisht në sheshin përpara Kryeministrisë protestuesit janë shpërndarë pas hedhjes së gazit lotsjellës dhe ujit, ndërsa disa prej tyre janë shoqëruar duke paralajmëruar kështu fundin e tubimit, edhe pse individë të caktuar tentojnë që ta mbajnë ende gjallë rezistencën. 

 

Të gjithë pranojnë se në BFI ka pasur dhe ka shkelje të rënda kushtetutare, por të gjithë e heshtin këtë fakt

 Maqedonia e Veriut sot ka paguar për 838 mijë vaksina kundër Covid-19, deklaroi për “Telma” kryeministri Zoran Zaev.

Vaksinat duhet të mbërrijnë në fillim të vitit të ardhshëm, pra diku në mars.

Siç dihet, dhe siç është njoftuar nga Ministri Venko Filipçe, punëtorët shëndetësorë, ushtria dhe policia do të jenë të parët që do të vaksinohen.

Filipçe njoftoi javën e kaluar se sistemi shëndetësor po përgatitet për vaksinimin e popullatës.

 Veton bullgare ndaj hapjes së negociatave mes Maqedonisë së Veriut dhe BE-së e ka betonuar edhe më shumë, presidenti i Bullgarisë, Rumen Radev. Siç transmeton televizioni bullgar BGNES, Radev ka thënë se Bullgaria duhet të japë pëlqim për fillimin e negociatave me Republikën e Maqedonisë të Veriut, pasi të njihen faktet objektive historike dhe procesi i çrrënjosjes së gjuhës së urrejtjes të bëhet i qëndrueshëm dhe i pakthyeshëm. Presidenti bullgar ka akuzuar qeverinë e vendit të tij se për vite me radhë ka dhënë premtime të mbështetjes së pakushtëzuar për Maqedoninë e Veriut dhe thotë se vonë i është kujtuar që të mbrojë interesin kombëtar.

Marrëveshjen e vitit 2017, ai e ka quajtur një lloj teatri dhe deklaratë me dëshira pa kritere të qarta, pa mekanizma verifikimi dhe pa masa për implementim, që siç shprehet Radev, nuk duhet të përsëritet në të ardhmen.

Rumen Radev, president i Bullgarisë

“Ne kemi dëshirë të madhe që miqtë tanë nga Republika e Maqedonisë e Veriut të marrin perspektivën e tyre evropiane dhe kjo është arsyeja pse tani duhet të presim që emocionet të qetësohen. Ne duhet të armatosemi me durim për një bisedë të hapur dhe të qetë dhe kështu të shohim qartë pozicionet e të dy palëve dhe të mos biem në joshjen e zgjidhjeve të shpejta me imitimin e triumfit. Derisa problemet e regjimit të Titos dhe të ideologjisë së tij vazhdojnë të kalben prapa asaj fasade, Bullgaria, duke mos arritur të përfshijë kërkesat tona në kornizën e negociatave, duhet të dakordohet të fillojë negociatat pasi të pranohen faktet objektive historike dhe procesi i çrrënjosjes së gjuhës së urrejtjes dhe ç’rrënjosja e abuzimit me identitetin dhe sovranitetin tonë të bëhet i përhershëm dhe i pakthyeshëm”

Radev ka thënë po ashtu se duhet të nënshkruhet edhe një aneks i Marrëveshjes për fqinjësi të mirë, pasi vlerëson se e njëjtë nuk është implementuar nga pala maqedonase. Presidenti bullgar ka nënshkruar sot edhe vendimin për mbajtjen e zgjedhjeve parlamentare në Bullgari të cilat i ka caktuar për më 28 mars të vitit të ardhshëm./SHENJA

 Siç informojnë nga Ministria e Shëndetësisë, në 24 orët e fundit nga 3399 testime të realizuara, 1342 persona kanë rezultuar pozitivë me virusin korona.

Shkup-479, Kumanovë-52, Dibër-20, Shtip-45, Prilep-84, Tetovë-58, Strugë-52, Veles-59, Manastir-83, Ohër-49, Kavadarc-42, Gostivar-63, Gjevgjeli- 33, Strumicë-29, Kriva Pallankë-12, Radovish-12, Krushevë-5, Koçan-33, Probishtip-10, Demir Hisar-2, Makedonski Brod-2, Pehçevë-2, Berov[-4, Vallandovë-4, Vinic-4, Delçevë-22, Kratovë-7, Sveti Nikollë-13, Kërçovë-31, Resnjë-13 dhe Negotinë-18.

Instituti i Shëndetit Publik gjatë 24 orëve të fundit ka regjistruar 679 pacientë të shëruar nga korona virusi, ndërkaq 22 pacientë e kanë humbur betejën me Co vid-19../TV21

Drejtori i Institutit për Inxhinieri të Tërmeteve dhe Ndryshimeve Klimatike, Mihail Garevski në një deklaratë për Fokus ka thënë se edhe pse është shumë e vështirë të prognozohet tërmetet, megjithatë, thotë se nuk duhet të priten pasgoditje pas tërmetit pas dite me epiqendër tetë kilometra nga Shkupi.

“Zakonisht askush nuk i prognozon tërmetet, por unë vlerësoj se nuk duhet të priten pasgoditje (aftreshock) sepse tërmeti ishte shumë i dobët”, ka deklaruar Garevski.

Ai ka thënë se nuk pret ndonjë dridhjet të fortë sikur ai i viti 2016 në Shkup me fuqi prej 5.3 shkallë sipas Rihterit.

Kujtojmë se sot në orën 14:09 është regjistruar një tërmet me magnitudë prej 3.9 shkallë sipas Rihterit në rajonin e Shkupi, ndërsa ka shqetësuar banorët e kryeqytetit. /SHENJA/

Do “alima” të mëdhenj, do “fetfaxhinj” cukla-cukla, do “sheriatlinjë” që shesin dinin në këmbim të një epiteti eksitue, do profesora që lejojnë t’u fëlliqet inteketi duke u futur vullnetarisht deri në maje të hundës në fëlliqësirë, sot e kryen detyrën e vet duke u vënë në shërbim të djallit, duke u tallur me mësimet kuranore e me traditën e Pejgamberit a.s., duke u tallur me akte normative që mbështeten në këto Mësime e në këtë Traditë!

Sot, që të gjithë, me përjashtime të mëdha, u lëshuan në veshjen e shejtanit me mini-fustan, vetëm për të na e zbukuruar e për të na e ndjellë epshin, lakminë, smirën! Elhamdulilah, askuj nuk i bëri përshtypje ky akt putan, kurse të devotshmit u irituan jashtëzakonisht shumë nga lakejtë dhe jargaxhinjë që për një kockë këlyshi dinë edhe të servilosen.

Sot u munduan të na e zyrtarizojnë për Reis, Shaqir Fetain, i cili, absolutisht nuk është zgjedhje e shumicës myslimane të vendit por është produkt i aktivieteve të shërbimeve intelegjente të huaja për islamin, produkt i dofarë Stankove e Boshkove!

Që nga 27 maji i këtij viti e deri më sot, Shaqir Fetai në çdo sekond të Zotit ka shkelu Kushtetutën e BFI-së si dhe aktet e tjera normative të këtij Institucioni, ka lejuar të shkilen këto akte normative, ka frymuar me këto shkelje, ka hyrë në namaz me këto shkelje të Kushtetutës së BFI-së, e cila që në Preambulë, për moto veprimi ka vënë ajetin kuranor në shenjë betimi se me këtë Kushtetutë do të veprohet ashtu siç porositë Allahu xh.sh.: “...Për çdo (ummet) Ne caktuam ligj e program...” (El-Maide, 48).

Shaqir Fetai në historinë e BFI-së do të ngelë si sinonim i shkeljeve flagrante të Kushtetutës së BFI-së, do të ngelë si i vetmi mysliman i diskutueshëm që e këmbeu emrin e vet me fjalën hipokrit, do të ngelë si i vetmi “reis” që erdhi i përkrahur nga forcat politike që nuk kanë asnjë pikë të përbashkët me islamin.

Shaqir Fetai, pa asnjë dyshim, po na del se do të jetë “reis” i LSDM-së dhe myteveli i BDI-së!

Shaqir Fetai, ndonëse është dëshmuar edhe publikisht se është shkelës i pamëshirshëm i Kushtetutës së BFI-së, u tolerua nga strukturat e drejtësisë dhe u ndihmua nga pushteti që të bëhet reis i cili do të rrënohet nga pesha e hijes së politikës.

Të gjithëve u erdhi pështirë kur Shaqir Fetai u betua se nuk do ta shkelë Kushtetuutën e BFI-së si dhe aktet e tjera të BFI-së, ndërsa është dëshmuar si injoranti më i madh në vend që nuk ka lidhje dhe nuk e njeh fare këtë Kushtetutë.

Dhe ata (ai), njëfarë ish-myftiu, njëfarë njohësi i mirë i drejtësisë islame, e cila na e mëson në mënyrë decide se si të sillemi me shkelësit e “ligjeve dhe programeve” (El-Maide, 48), ia bën duanë, i lutet Zotit që t’i japë suksese Shaqir Fetait në punën e tij si reis!!! E ku është i mirë dhe i suksesshëm Shaqir Fetai përveçse në shkeljen e Kushtetutës dhe të akteve normative të BFI-së që bazohen në Kuran dhe në Traditën e Pejgamberit a.s.? Në këtë punë të djallëzuar ai është treguar shumë i suksesshëm dhe kjo nuk na habit.

Habit fakti se si “sheriatlinjtë” e Shaqos luten që në këto shkelje ta ndihmojë Zoti Shaqir Fetain! Fatmirësisht, ekzistojnë edhe shumë ajete, shumë hadithe mijëra përvoja islame që dëshmojnë se shejtanllëqet dhe injorancën Zoti Fuqiplotë kurrë nuk e ka ndihmuar dhe nuk e ka shpërblyer me asnjë sukses, përveçse me dështime, me humbje, me zhdukje deri në shfarosje.

Lëvizja Myslimane për Reforma në BFI të RMV-së

 Si evropian i sigurt, çdoherë mbes optimist. Kemi dhënë premtim se gjatë kryesimit tonë me Këshillin do të mundohemi të marrim dritë jeshile për fillimin e negociatave aderuese me Maqedoninë e Veriut. Edhe unë ndihem i detyruar ndaj këtij premtimi. Negociatat nuk janë të pasuksesshme, por duhet të bëhet edhe shumë punë, ka thënë ministri gjerman për Evropë Mihael rot në intervistën për “Uelt”.

“Në takimin e Këshillit të ministrave, pothuajse të gjithë delegacionet edhe një herë bënë të ditur se temat bilaterale midis dy vendeve duhet të qëndrojnë atje. Dhe se tani duhet të përqendrohemi në çështjet kryesore që janë të rëndësishme për fillimin e negociatave të pranimit. Kjo duhet të bëhet sepse urgjentisht kemi nevojë për një sinjal pozitiv për Ballkanin Perëndimor. Ne duhet të pranojmë se Maqedonia e Veriut dhe Shqipëria kanë arritur rezultate të shkëlqyera në vitet e fundit. Maqedonia e Veriut bëri histori me Marrëveshjen e Miqësisë me Bullgarinë, por edhe me zgjidhjen e mosmarrëveshjes së emrit me Greqinë, e cila zgjati gati 30 vjet. Kjo tani duhet të shpërblehet, thotë Rot kur u pyet ku e sheh zgjidhjen për veton bullgare në negociatat e pranimit të Maqedonisë së Veriut me BE-në.

Sipas zëvendëskryeministrit Dimitrov bllokada e Bullgarisë e cila paraprakisht i ka mbështetur negociatat aderuese për vendin, nuk është befasi, por zhgënjim. Ai sqaron si erdhi deri në kontestin, por flet edhe për rëndësinë e Marrëveshjes për fqinjësi si mekanizëm, për debat për këto tema, në të cilat do të punojnë historianë nga dy vendet.

“Mendoj se nuk është aspak produktive që politikanët të diskutojnë rreth çështjes historike. Ne jemi një rajon me histori të pasur, por deri më tani nuk kemi arritur t’i ofrojmë brezit të ri perspektiva të mjaftueshme për të ardhmen. Prandaj, ideja ishte: të lëmë historianët të debatojnë mbi historinë – dhe le të kujdesemi për çështjet më të rëndësishme tani dhe në të ardhmen. Që do të thotë se nuk u habitëm, por jemi të zhgënjyer. Bashkimi Evropian, bazuar në Marrëveshjen e Lisbonës, është një Bashkim që respekton diversitetin kulturor dhe gjuhësor. Dhe është me të vërtetë e vështirë për t’u shpjeguar qytetarëve të Republikës së Maqedonisë Veriore se si ka ndodhur, gjuha e tyre, gjuha maqedonase, të jetë një pengesë për të hyrë në një komunitet që vlerëson diversitetin gjuhësor si një thesar të veçantë. Dhe gjithashtu është e vështirë të shpjegohet edhe pse gjuha është një pengesë në rrugën drejt marrëdhënieve të fqinjësisë së mirë, e cila nga rruga duhet të bazohet në respekt të ndërsjellë”, tha ai.
rëndësinë strategjike të rajonit për stabilitetin e BE-së dhe të Bullgarisë.

“Aktualisht ne çdo ditë jemi në kontakt të ngushtë me të dy palët. Në fund të ditës, ky është argumenti kryesor: Ballkani Perëndimor nuk është “oborri i prapëm” i jonë, por “oborri i brendshëm” i Evropës. Stabiliteti, paqja, pajtimi rajonal janë të rëndësisë thelbësore për Evropën. Dhe sidomos për fqinjësinë. Siguria dhe stabiliteti i Bullgarisë, gjithashtu do të ishin të lëkundura nëse nuk do të arrinim stabilitet më të madh në fqinjësi. Në parim, njihet edhe ky argument. Qëllimi ynë negociues është të sqarojmë gjërat që janë më se të nevojshme për negociatat e pranimit, të cilat duhet të merren parasysh nga BE-ja. Dhe pastaj kemi disa probleme bilaterale, të cilat, sipas qëndrimit bullgar, lindin nga zbatimi i papërshtatshëm i Marrëveshjes për Fqinjës”, shpjegon Rot.

Në këtë drejtim, shtoi ai, i inkurajuam të dy vendet për të gjetur zgjidhje që do t’i çojë këto çështje bilaterale në një proces të strukturuar, në mënyrë që ato të zgjidhen hap pas hapi.

“Pastaj në Bruksel, me kërkesë të Parisit, ishte përgatitur metodologjia e re për bisedime për anëtarësim. Tani pengesa e fundit vjen nga fqinji ynë lindor”, tha zëvendëskryeministri Nikolla Dimitrov, në intervistën e përbashkët me ministrin gjerman për Evropë, Mihaell Rot për “Velt”.