Të gjithë pranojnë se në BFI ka pasur dhe ka shkelje të rënda kushtetutare, por të gjithë e heshtin këtë fakt
Këshilli për Mbrojtjen e Kushtetutshmërisë së BFI në RMV këto ditë ka realizuar takime me pothuajse 90 % të drejtusve të organeve të BFI-së, lidhur me mbledhjen e fakteve dhe argumentave që kanë të bëjnë me shkeljet e Kushtetutës dhe akteve të shumta normative në BFI.
Konstatim i përgjithshëm është se kjo dukuri antikushtetutare në BFI funksionon tash e një kohë më të gjatë por që ka kulmuar që nga momenti i shkarkimit të ish-reisit e deri në ditët e sotme. Sipas tyre, këto shkelje janë trimëruar nga një faktor politik i cili vazhdimisht ka asistuar, përmes mënyrave të ndryshme, në shkeljen kushtetutare, duke e garantuar paprekshmërinë institucionale deri në zgjedhje të Shaqir Fetait për reis, si i përzgjedhuri absolut i pushtetit aktual.
Që të gjithë drejtuesit e organeve të BFI-së pohojnë se, në ditën e votimeve për kandidatin për Kryetar të BFI-së, kanë qenë nën presin të një situate të tensionuar nga prania e më shumë se 100 personave të sigurimit të cilët kanë agjituar për Shaqir Fetain në shkelje të çdo neni a akti normativ të BFI-së.
Kjo është një arsye që nuk pranojnë të flasin publikisht, sepse, ndjehen fajtorë dhe aktorë në shkeljen e të gjitha akteve normative të Institucionit të BFI-së! Nuk janë në gjendje ta fajësojnë vetëm Shaqir Fetain, pasi që, në rrugëtimin e tij të imoralshme deri në zgjedhje për kryetar të BFI-së që të gjithë janë bashkëpjesëmarrës në shkeljen e Kushtetutës dhe të rregulloreve të ndryshme.
Njëri prej përfaqsuesve të një organi jashtëzakonisht të rëndësishëm për BFI-në madje shkoi aq larg sa nënvizoi se që të gjithë tashmë janë peng të strukturave të BDI-së, sepse, nëse do të ankohemi publikisht për këto shkelje, atëherë mund të paditemi nëpër organet e drejtësisë të vendit si shkelës të aktev normative që janë të deponuara dhe nën mbrojtjen e organeve të drejtësisë.
Këshilli për Mbrojtjen e Kushtetushmërisë i ka të evidentuara të gjitha bisedat me këta drejtues të organeve të BFI-së dhe, për ta ruajtur konfidencialitetin si dhe për t’i ruajtur nga masat ndëshkuese eventuale ndaj tyre, ne këto fakte mund t’ia ofrojmë vetëm faktorëve ndërkombëtarë të cilët mund t’i verifikojnë edhe vetë konstatimet tona në biseda të drejtëpërdrejta me të gjithë me ata që kemi bashkëbiseduar.
Drejuesit e organeve të BFI-së duhet të ndihmohen që të shpëtohen nga këto presione politiko-partiake, sepse po mbillet një traditë e tmerrshme në BFI. Askush nuk ka të drejtë më që të refuzojë apo të mos bëhet pjesë e kalkulimeve politike të partive të tjera. BFI nuk ka për momentin, BFI po i ngjanë një filiale të partive në pushtet. Nesër do të jetë filiale e partive të tjera! Kjo dukuri e tmerrshme duhet të ndalet sa më parë. Dhe, kjo mund të ndodhë vetëm në eliminim të të gjitha akteve të ndërmarra në kundërshtim me Kushtetutën e BFI-së dhe kthim sa më të shpejtë në kushtetutshmerinë e BFI-së.
Komunikatë e Këshillit për Mbrojtjen e Kushtetushmërisë së BFI në RMV dhënë për mediat.
No comments: