Sulejman Rexhepi i BFI-së jo transparent, dëshmojnë qendrat islame nga diaspora (FOTO)

Në media po qarkullojnë të dhëna lidhur me donacionet e Komunitetit Mysliman të Shqipërisë dhe Bashkësisë Islame të Kosovës për banorët e Hasanbegut të cilët ishin të përfshirë në vërshime. Dy bashkësitë fetare kishin deklaruar se sa të holla kanë grumbulluar nga apelet e tyre për Hasanbegun, ndërsa i vetmi institucion është Bashkësia Fetare Islame në krye me Sulejman Rexhepin që akoma nuk kanë shpalosur dhe njoftuar opinionin se sa para gjegjësisht të holla kanë mbledhur nëpër xhamiat e vendit pas apelit publik të bërë ekskluzivisht për vërshimet në Hasanbeg dhe rrethinë. Mungesa e transparencës nga Sulejman Rexhepi po ngulfat BFI. Jotransparenca nga BFI përmes SulejmanRexhepit njofton opinionin, institucionet shtetërore, ambasadat e huaja, zyrën e BE se ky institucion nuk frymon lirshëm. Për dallim nga ky institucion të tjerat simotra janë transparente dhe njoftuan hapur opinionin e gjërë të Shqipërisë gjegjësisht të Kosovës për aktivitetin e tyre human dhe njerëzor. A flet kjo se Sulejman Rexhepi keqmenaxhon BFI dhe keqpërdorë OH Hilal për interese të ngushta personale? Mungesa e transparencës ka bërë që shumë Shoqata dhe organizata humanitare të dominojnë me ndihma dhe mjete humanitare në Hasanbeg. Një gjë e tillë është hasur me rastin se shumë qendra islame nga diaspora nuk ndihmuan Hasanbegun dhe të përmbyturit përmes BFI-së, por atë e bënë individualisht ose përmes ndonjë organizate apo shoqata të tjera humanitare, e jo përmes vijës institucionale. Ja foto ku shihet se si qendrat islame ndihmojnë shoqatat dhe organizatat e ndryshme dhe jo BFI-në.