Opinion: Mësyshi i Sulejman Rexhepit

Cilido prift t’ia falë mëkatet e shumta Sulejman Rexhepit, një është e sigurtë: tashmë mijëra reagime e shkrime kanë ngritur “Prokurorin Popullor” që po e gjykon ditë për ditë. Në aksion së shpejti duhet të hidhet edhe Prokurori  Shtetëror, sepse, zëri i popullit gjithqysh që duhet të dëgjohet dhe të plotësoshet kërkesa popullore: Ik Sulejman Rexhepi në ndonjë biruc ku e ke vendin e jo në BFI

Shkruan Zeqie Veseli

A po ëndërron Mulla Sula, mu si ai gomari të cilit derisa po i digjej bishti e trupi, thoshte “bëje Zot ëndër” . Ai, duke u këndellur po e shikon se ky shtet i zhytur në krim e korrupsion po bëhet gjithnjë e më i rëndë për t’u jetuar. Po Bashkësia Fetare Islame në RM, e zhytur në krim e korrupsion si i duket Sulejman Rexhepit? Apo, siç thotë në një shkrim “të tij” të hedhur në letër me plot halucinacione narkotike, “Ëndra për jetën”, po shëndërrohemi në popull somnabulësh! Pse e thotë këtë? Me qëllim që një ditë përk krimet e veta dhe vjedhjet e shkaktuara në BFI të justifikohet si veprime të një somnabuisti i cili si i tillë duhet të falet?

Jo, Sulejman Rexhepi nuk ëndëron asgjë, ai çdo gjë që vepron e bën me koshiencë të madhe. Jo rastësisht Mulla Sula në disa shkrime “të tij” na del ateist i devotshëm. Në ato shkrime ai nuk citon as Kur’anin, as Muhamedin a.s. për ç’gjë edhe është i thirur. Ai duhet të ofrojë shembuj nga e kaluara islame, ai duhet të shpjegojë fenomene islame, ai duhet të trajtojë dukuri muslimanësh, ai duhet të japë këshilla për rininë e sotme, duhet të mburret me veprat e miqve të vet. Po kë ka mik Sulejman Rexhepi? Miku i fundit i tij ishte Kire Crni, ai udbashi i specializuar në luftë kundër nacionalizmit dhe seperatizmit shqiptar. Pas vdekjes së tij, nuk i ngeli më mik tjetër. “Miqtë” e tjerë që i ka, ai edhe vetë e thotë se i ka sa për t’i mjeur dhe, i trajton si ato lopët të cilat, në momentin që do të shterren, do t’i trajtojë si pastërma! Sa i keq!

Sulejman Rexhepit nuk i interesojnë të rinjt, sepse ata i konsideron si elemente të huaja, i trajton si “vegla serbe” për desabilizimin e BFI-së. Për ta kaufluar djallëzinë e vet me brirë, Sulejman Rexhepi ia e ka për qejfi të vet që të shes intelektualizëm, edhe pse e dinë të gjithë që është si ai kungulli i kalbur. Imponohet si pjesë e elitës kombëtare, kurse asnjë vepër nuk e ka të karakterit kombëtar. Që në krye të shkrimit të apostrofuar Mulla Sula vajton për të drejtat individuale.  Çdo veprim anti human të vetin ai sugjeron që t’ia trajtojmë si e drejtë e tij individuale.  Këtë të drejtë ai e shtjellon në gjuhën maqedonase dhe në gazetën maqedonase FOKUS. Të rinjtë tanë nuk mund të punësohen nëse nuk kanë librezë patiake, thotë Xha Sulo! Ndaj dhe po na ikin  duke aplikuar në lotarinë amerikane. Është më se e qartë që në këtë lotari aplikojnë qind për qind vetëm të rinjtë maqedonasë dhe këta janë ata që me të madhe po e braktisin vendin e vet dhe, kjo tmerrësisht i dhemb Mulla Sulës. Me këtë shqetësim ai vetëm sa dëshiron ta defokusojë  vëmendjen gazetareske që po përpushin në Medresenë Isa Beu ku ka të punësuar plotë “të rinjë” të familjes së vet por edhe të katundit të vet. Thjsht, e ka fshatarizuar deri në palcë këtë institucion akademikësh të ardhshëm.

Me këtë nivel logjik, Mulla Sula shkon dhe na e citon G. G. Markezin? Vallë, e di Mulla Sula se kush është Markezi? I ka lexuar të gjithë shkrimtarët arabë, të gjithë shkrimtarët shqiptar sa tani i kanë ngelur edhe ata të letërsisë hispano-amerikane?  Gabrielit i lejohet (për shkak të ateizmit të tij) të thotë se “nga lart ka të drejtë vetëm Zoiti të më shikojë”!  Mulla Sula e ëndërron këtë ëndërr  markezian, sepse nuk do që Zoti ta shikojë edhe në tokë, edhe anash tij, edhe nga para nga mbrapa. Sepse, nga lart, vëzhgimi i veprimeve të mëkatshme është më e mjegullt ndaj lehtësisht janë të kalueshme. Kështu mendon Sulejman Rexhepi i cili, ja që ka nevojë përmes këtij lloj shkrimi ta shpreh edhe karakterin e vet ateist me anime kah krishterizmi, atje ku  shpëlarja e mëkateve është i mundshëm edhe nga prifti më i thjeshtë. Ja pra, realizmi magjik, sintagmë kjo e përdorur nga Mulla Sula e që për shtatëqind  mijë bajrama nuk do t’ia dijë kuptimin.

Cilido prift t’ia falë mëkatet e shumta, një është e sigurtë: tashmë mijëra reagime e shkrime kanë ngritur “Prokurorin Popullor” që po e gjykon ditë për ditë. Në aksion së shpejti duhet të hidhet edhe Prokurori  Shtetëror, sepse, zëri i popullit gjithqysh që duhet të dëgjohet dhe të plotësoshet kërkesa popullore: Ik Sulejman Rexhepi në ndonjë biruc ku e ke vendin e jo në BFI!  Sa për dijeni të Mulla Sulës, ka plotë rrëfime të Markezit që kanë përundim pikërisht si kjo kërkesë popullore e masës së gjërë muslimane në vend. Duhet të ikë, sepse ashiqare po shihet që tashmë e ka marrur veten mësyshë, duke menduar për realizmin magjik markezian.