LSDM-ja nga Ohri publikoi incizime të reja të bisedave të përgjuara telefonike

LSDM-ja sot nga Ohri publikoi biseda të reja telefonike të udhëheqësve të lartë qeveritarë, partiakë nga radhët e VMRO-DPMNE-së të cilët, sipas kryetarit të Organizatës komunale të LSDM-së Tomisllav Tuntev, tregojnë në keqpërdorime të institucioneve dhe mediave, parregullsi zgjedhore, presione ndaj kundërshtarëve, planet për urbanizim dhe shitje të pjesëve të moçalit Studençica.
Në konferencë për shtyp të partisë opozitare në Ohër u prezantuan biseda të ministrit Mile Janakievski, Gordana Jankullovska, Zoran Stavreski, të zyrtarëve të lartë në MPB, Martin Protugjer - shefi i Kabinetit të kryeministrit Nikolla Gruevski, të ish-drejtorit të Byrosë për siguri publike Lupço Todorovski, të shefit të DSK-së Sasho Mijallkov, kryeredaktorit të televizionit "Sitel" Dragan Pavlloviq...
Për pasdite në Ohër është planifikuar i ashtuquajturi "Marsh i të vërtetës" në qendër të Ohrit, që do të përfundojë në Sheshin e qytetit me fjalimin e kryetarit të LSDM-së, Zoran Zaev./koha