Një kronikë nga kultura, në fakt, rikthim sërish te projektit për ndërtimin e ndërtesës së re për Teatrin dhe Blibliotekën e qytetit të Tetovës. Duket se pas zvarritjeve të gjata, më në fund do të nis realizimi i projektit që kap vlerën 13 milionë euro.
Shkas për vonesat e deritanishme të ndërtimit të objektit të ri te Teatrit dhe Bibliotekës së Tetovës kanë qenë këto baraka. siç po shikoni ka filluar shembja e tyre, që do të thotë se më në fund punimet do të mund të fillojnë.
Pronarët e barakave thonë se për largimin e tyre i kanë lajmëruar me vonesë. Kjo për shkak se, thonë disa prej tyre, do të duhet kohë të sigurojnë vend tjetër.
Ndërkohë, nga Komuna e Tetovës thonë se me padurim pritet rrumbullakimi I këtij objektit për shkak se një Teatër dhe Bibliotekë e re do të jenë dhe një mundësi më shumë për dinamizimin e jetës kulturore në këtë qendër universitare.
Objekti i Teatrit dhe Bibliotekës së Tetovës do të shtrihet në një hapësirë prej 30 mijë m2 dhe do të kushtoj 13 milionë euro.
No comments: