Zbulohet premtimi i parealizuar i Ali Ahmetit dhe Aziz Pollozhanit për Mirsad Ndrecajn! (Foto)

Mirsad Ndrecaj-NATO deri sa ka qenë gjallë, ka qenë i interesuar me mish e me shpirt për ndërtimin e përmendores në Strugë për Nuri Mazarin-Komandant Strugën, rrëfejnë për “Lajm” familjarët e tij. Mirëpo edhe pse ka marrë premtim nga zyrtarët më të lartë të BDI-së, përmendorja e Nuriut nuk është vendosur sot e kësaj dite. Edhe pse në qendër të Strugës është ndërtuar bazamenti, statuja e ndërtuar me donacione nga shokët dhe bashkëfshatarët, gjendet ende në podrum të një shtëpie.
Kjo ka revoltuar jashtë mase Ndrecajn dhe deri sa ka qenë gjallë, këtë revoltë e ka ndarë me shokët e tij përmes një mesazhi. Këtë mesazh, në formë të fotografisë, tani e ka publikuar vëllau i Mirsadit, Ylber Ndrecaj. Në vazhdim ju sjellim mesazhin, ku përmenden kryetari i BDI-së dhe ish ministri i arsimit, Aziz Pollozhani.