Molla Sula pjesë e delegacionit të BDI-së në SHBA

Molla Sula gjatë këtyre ditëve po qëndron në SHBA, pjesë e delegacionit të BDI-së të cilin delegacion e përbëjnë edhe Izet Mexhiti, kryetari i Komunës së Çairit gjegjësisht nënkryetari i BDI-së, historiani Skender Asani etj. Vizita në fjalë është realizuar në vigjilje të ngadhnjimit mbi fashizmin në Luftën e Dytë Botërore dhe është shpalosur një ekspozitë me fotografi. Me këtë rast, më 9 Maj, u organizua një ekspozitë e titulluar “Guximi qytetar në kohë të vështira”, e cila përmes 34 fotografive dhe dokumenteve autentike, pasqyron historitë rreth shpëtimit të hebrenjve në Maqedoni gjatë Luftës së Dytë Botërore. Molla Sula gjatë kësaj ekspozite iu drejtua të pranishmive për çështjen dhe fatin e popullit hebre si dhe ndihmën e shqiptarëve në fshehjen dhe shpëtimin e hebrenjëve nga nazistët gjermanë. Ky udhëtim i Molla Sulës ka ringjallë revolt tek opinioni meqë BFI po e prezenton ndryshe nga ajo që thotë vazhdimisht në media. Ai të gjithë hoxhallarët i qorton në mënyra të ndryshme për bashkëpunim me parti dhe sturktura politike, ndërsa harron veten se sa keqpërdor postin për interese personale dhe klanore. I pandashëm është me partinë politike në pushtetin aktual, BDI, lidhja e tij si me Musa Xhaferi, Blerim Bexhetin dhe të tjerët ka bërë që qytetarët të kenë qasje ndryshe ndaj Bashkësisë Fetare Islame. Hoxhallarë të ndryshëm për portalin tonë kanë bërë të ditur se një komunikatë të firmosur nga Sulejman Rexhepi nga zyrët e BFI-së është përcjellur nëpër Muftini për t’ua tërhequr vërejtjen hoxhllarëve që mos të marrin pjesë nëpër takime dhe të mos bëjnë aktivitete për parti politike. Si duket Molla Sulës nuk i shkon për shtati që hoxhallarët po rreshtohen në Lëvizjen BESA. Ai këtë po e ndjen kërcnim, andaj dërgon komunikata të fshehura nëpër muftini që të pengohen hoxhallarët dhe të mos bëjnë parafushatë për struktura tjera politike përpos se për BDI-në. Se sa BFI është jasht ndikimit politik po shihet përmes Sulejman Rexhepit që nuk ndahet nga BDI dhe funksionarët e saj. Sa ka të drejt hoxhallarët t’i pengon që të mos përkrahin struktura dhe subjekte politike kjo është dilemma që duhet debatuar.