Rilindja Demokratike Kombëtare e konsideron lajmin për gjoja mbledhjen e Kuvendit të Degës së RDK-së në Gostivar si zhvillim të një aktiviteti zbavitës të Vesel Memedit me familjarët e tij. Këtë më së miri e ilustrojnë fotografitë e paraqitura nga vet ai nga ky aktivitet zbavitës me 20 familjarë të tij, në vend të 64 kuvendarëve të degës, ku nuk duket fytyra e asnjë prej pjesëmarrësve në aktivitet.
RDK thekson edhe një herë se ajo është parti e bashkëpunimit dhe jo e mashtrimeve, parti e njerëzve me fytyra të hapura dhe jo e personave me shpinë të kthyer, parti e gjithë shqiptarëve dhe jo pronë e një personi të vetëm.
RDK fton anëtarët dhe simpatizantët e saj të mos bien pre e lojrave të një personi të vetëm të kapur, misioni i të cilit deri dje ishte pengimi i palogjikshëm i forcimit të opozitës, ndërsa sot, në pamundësi të realizimit të misionit të djeshëm, dëmtimi i RDK-së si forcë opozitare.
No comments: