Kryeministri i Kosovës, Haradinaj priti në takim kreun e PDSH-së, Menduh Thaçi

Sot në selin e Kryeministrisë së Republikës së Kosovës, Kryeministri, z. Ramush Haradinaj takoi kreun e Partisë Demokratike Shqiptare, z. Menduh Thaçi. Në faqen zyrtare të kryeministrit Haradinaj qëndron edhe njoftimi zyrtar lidhur me këtë takim. "Pata kënaqësinë të bashkëbisedoj me mikun tim dhe kryetarin e Partisë Demokratike Shqiptare (PDSH) të Maqedonisë, Menduh Thaçi, për prioritetet strategjike dhe fuqizimin e pozitës së shqiptarëve në rajon. 

Është inkurajues për perspektivën europiane të Ballkanit Perëndimor zgjidhja e shpejt e kontestit rreth emrit të shtetit të Maqedonisë dhe rekomandimi për hapjen e negociatave për anëtarësim në Bashkimin Europian.

Përfshirja e shqiptarëve të Maqedonisë në vendimmarrjen shtetërore dhe roli aktiv i tyre në jetën politike dhe ekonomike të këtij vendi është në favor të të ardhmes prosperuese të të gjithë shqiptarëve."