MPB prangos shpërndarësit e drogës në Tetovë

Vazhdojnë aktivitetet e Ministrisë së Punëve të Brendshme në luftën kundër krimit të organizuar dhe tregtisë me substanca narkotike në rajonin e Pollogut.

Në kuadër të kontrolleve që sot ka bërë SPB e Tetovës, me urdhër të gjykatësit hetues janë bastisur shtëpitë e personave që dyshohen të jenë involvuar në prodhim dhe shitje të substancave narkotike. Gjatë kontrollit të kryer në shtëpinë e personit D.B., nga Tetova, janë gjetur substanca narkotike dhe një peshore.

Të njëjtat janë sekuestruar dhe janë dorëzuar për hetim të mëtejshëm. Kontroll është kryer edhe në shtëpinë e personit H.A. i lindur në vitin 1991 në fshatin Poroj të Tetovës, tek i cili, është gjetur një sasi e konsiderueshme e marijuanës dhe qese për paketimin e saj, të njëjtat janë konfiskuar , ndërsa personi i lartpërmendur është ndaluar dhe pritet paraburgimi i tij.

Kontroll është kryer edhe në një shtëpi në fshatin Kamjan të komunës së Bogovinës, pronë e personit S.SH. Gjatë kontrollit është arrestuar edhe gruaja e tij, e cila, sipas të dhënave nga MPB, ka tentuar që të asgjësoj faktet dhe ka penguar pjesëtarët e policisë në kryerjen e detyrës së tyre./Alsat