Në Prokurori 10 denoncime për shkelje zgjedhore

Në Prokuroritë Themelore Publike dhe në adresën elektronike izbori@jorm.mk kanë arritur gjithsej 10 njoftime. Pjesa më e madhe ka të bëjë me agjitim dhe ryshfet për votim për parti të caktuara politike, ndërsa dy prej njoftimeve kanë të bëjnë me persona të cilët e kanë fotografuar fletëvotimin e vet gjatë realizimit të drejtës së votës. “Komisioni vazhdon me koordinimin e mëtejshëm të prokurorive themelore publike të cilët janë organizuar me kujdestari shtesë të prokurorive publike dhe veprojnë urgjent, duke ndërmarrë veprime për zbardhjen e rasteve dhe konfirmimin e fakteve”, thuhet në kumtesë.