Ish-numri 2 i FBI-së, Andrew McCabe ka dhënë detaje mbi bisedimet e tij me Presidentin Donald Trump tek hetimet për përfshirjen e Rusisë në zgjedhjet e vitit 2016 në SHBA.
Sipas mediave amerikane, të dhënat e McCabe mund të mbështesin zërat se Presidenti aktual ka penguar drejtësinë të bëjë punën e saj.
McCabe u shkarkua nga FBI-ja pas një hetimi të brendshëm, pasi ishte bërë objekt sulmesh nga Donald Trump, pjesërisht për shkak se gruaja e tij Jill McCabe, mori disa qindra mijë dollarë donacione për kandidimin e saj të dështuar për një vend në Senat, nga një komitet politik i kontrolluar nga një mik i ish-kandidates demokrate për presidente Hillary Clinton.
Donald Trump e ka quajtur hetimin mbi Rusinë si një “gjueti shtrigash”.
No comments: