Nga: Abaz Islami
Po, është e vërtetë
se Medreseja Isa Beu është emanet! Sentenca “emanet” është shumë me vlerë dhe peshë
për këtë ummet, andaj besoj se ai që nuk e respekton këtë shkollë në fakt ai që
e keqpërdor, tallet me te, e përdhosë, në emër të saj mashtron popullin
musliman, ai nuk është tjetër pos një njeri i vdekur për së gjalli! Jo, pak
herë kam shkruajtur për këtë shkollë të madhe pjesë e historisë të së cilës
janë shumë kuadro, një shkollë shumë e madhe pa fund e dashur për ne
hoxhallarët dhe muslimanët. Muslimanët si në vendlindje ashtu edhe në diasporë
gjithnjë kanë treguar respekt për atë, sëkëndejmi kurrë nuk janë ndalur duke e
zgjatur dorën në përkrahje të saj, në zhvillimin dhe ngritjen e saj. Por,
definitivisht është koha që të mbrohet ajo nga dora e keqe që po e dëmton ate!
A nuk kishim varg
deklaratash për opinionin nga Sulejman Rexhepi duke u ankuar se shteti nuk e
ndihmonë BFI-në, Medresenë, jetën fetare islame, pengon ndërtimin dhe
rindërtimin e xhamiave, persekuton trashëgimin kulturore islame, nuk e kthen
vakufin, e çka jo tjetër, ndërsa në anën tjetër nuk mbet ditë që nuk
fotografohet me njerëz të pushtetit?! Si të ndihmohet BFI kur ai vite më parë
nuk e pranonte Gjeorgje Ivanov për President të shtetin, ndërsa tani nuk mbetet
thirrje pa iu përgjigjur. A thua vallë vetëm për një dark presidenciale tani po
e njeh?! Me çfarë të drejte ankohet nga zullumi i pushtetit kur botërisht dihet
se sa e sa dreka e darka i ka ngrënë nëpër restorante në mesin e tyre edhe te
KONAKU me lider dhe struktura partishë! Çuditërisht aq shumë miqësi dhe në fund
BFI e humbi truallin në Kala, askund nuk është puna me Çarshi xhaminë në
Prilep, kthimin e Vakufit, Jeni xhamia është harruar, etj.! Kjo bënë vaki vetëm
me Sulejman Rexhepin dhe si duket lidhja e tij me presidentin, lider partishë,
ministra dhe të tjerë në pushtet qenka vetëm për interese personale dhe aspak
për interesa institucionale të BFI-së!!!
Pse duhet dora e
keqe të pengohet? Shumë fakte janë thënë deri më tani për të cilat ka pasur
lumenj kritikash nga opinoni i gjërë dhe personalitete të shoqërisë tonë duke i
përjashtuar anëtarët e Lëvizjes për Reforma në BFI- NISMA. Kritika këto që
erdhën pas publikimeve të fotove të ndryshme se në konviktin e Medresesë Isa
Beu ka xhudistë të vendosur dhe që stërviten, NEPOTIZMIT që ka arritur
kulminacionin, kur mediat shpalosën foto të djalit të tij nga saunat i cili është
i punësuar në Medresenë Isa Beu, të lajmeve se fitrat harrxhohen nëpër Casino,
të sofrave të shtruara me ushqim të bërë publike kur dihet se BFI fund e kry
ndihmohet nga populli, me njerëz analfabet, me diploma falco, etj.
Populli jonë
meriton respektin më të veçantë ngase Medresenë Isa Beu kurrë nuk e ka lënë
jetim duke e ndihmuar në çdo aspekt. Fatkeqësisht, të dashur besimtarë po
flitet se paratë e fitrave tani më janë harxhur, ngase ato duhet rikthyer atyre
që u janë huazuar. I mbyti luksi për të cilin veprim shkaktuan tërmet në
opinion se fitrat merren nga populli dhe iftarë u shtrohet vetëm disa personave
të shoqërisë tonë.
Porosi fetare është
të luftohet e keqja, në veçanti dora e keqe që e dëmton këtë shkollë
shekullore. Andaj, mos mendoni se vdes Medreseja Isa Beu nëse e pengoni dorën e
keqe që po e vret çdo ditë ate!
#Edhe unë jam
Medresant! ( Parollë kjo që u shpalos në vitin 2014 përmes një dokumentari të
koordinuar nga Afrim Tahiri me rastin e mbajtjes së Akademisë Solemne lidhur me
Vitin e Ri- Hixhrij.)
Edhe ne jemi për
Medresenë Isa Beu, por gjithashtu duke e mbrojtur nga dora e keqe!
No comments: