Hasanbegu edhe më tej pret solidarizim

Shumë familje në Hasanbeg janë në ende në gjendje të rëndë të jetesës pamje këto të filmuara nga kamerat dhe ashtu siç raportojnë mediat e vendit. Banorët e kësaj lagjeje kanë shprehur mallkim mbi ata që keqpëdorin ndihmat dhe donacionet që dedikohen për familjet e tyre qoftë nga institucionet e vendit apo edhe ato nga jasht. Mllefin më të madh këto banorë kanë shprehur në adres të BFI-së dhe kreut Sulejman Rexhepi dhe Mustaf Dautit, kryetarit OH Hilal i cili akoma i mban peng paratë që janë donacione nga Bashkësitë islame të rajonit. “Ky dimër nuk mbahet mend për nga temperaturat e ulta, andaj imagjinoni si i përballojmë ne që na mungojnë shumë kushte elementare për të jetuar. A kanë ndërgjegje e shpirt ata njerëz që i keqpërdorin ndihmat që jepen për ne, ku në mesin tonë ka njerëz të sëmurë, fëmij, pleq dhe gra plaka, etj. Si nuk kanë turp që t’i keqpërdorin donacionet që jepen për të naj lehtësu këto kohë të vështira dimri nga të ftofti. Sigurisht mbi këta njerëz do të bie mallkimi i Zotit”-shpreheshin banorë të Hasanbegut që ende nuk kanë marrur veten pas vërshimeve. Burime të sigurta flasin së funksionar të BFI-së pas këtyre ngjarjeve janë pajisur me vetura luksoze, banesa dhe kanë hapur biznese. Banorët e Hasanbegut njëashtu kanë shprehur shqetësime edhe ndaj institucioneve të shtetit meqë këta të fundit kanë vepruar në mënyrë të selekcionuar dhe duke anashkaluar shumë familje shqiptare. Banorë të kësaj lagjeje dhe rrethinës me etnitet maqedonas kanë marrë shuma të majme të parave të ndara nga shteti, ndërsa shqiptarët për të marrë ndihmat sado pak që janë duhet shkuar derë më derë duke trokitur.