Ministria e Brendshme ka informuar sot se paraqitja anonime për bombë të vendosur në Parlamentin e Maqedonisë ka rezultuar alarm i rrejshëm, informon INA.
Në komunikatën e kësaj ministrie thuhet se ekipet antiterroriste kanë kryer kontrollet në ambientet e brendshme dhe të jashtme të Parlamentit dhe se nuk është gjetur asnjë lloj mjeti shpërthyes.
“Një person i panjohur me zë burri në orën 23:02 në numrin telefonik 192 ka lajmëruar se në ndërtesën e Kuvendin është vendosur bombë. Është konfirmuar më pas se personi që ka bërë thirrjen është paraqitur nga burgu i Idrizovës”, ka theksuar MPB.(INA)
No comments: