TOP CHANNEL PËR MAQEDONINË: ZGJEDHJET NË SHTETIN E RRËMUJËS

Në një paralajmërim të televizionit Top Channel, Maqedonia përshkruhet si një referendum për zgjidhjen e krizës politike. Loja, siç thuhet në vlerësimin e Top Channel, kësaj radhe nuk do të anulohet.  Pyetja kryesore është nëse Maqedonia do ta kaloj krizën dhe nëse Nikolla Gruevski do të arrijë ta ruaj pushtetin. Partitë politike shqiptare dhe ato maqedonase e shumë të tjerë në një rrëfim për historinë e Maqedonisë drejt demokracisë së brishtë. “Sonte në ora 20:05 në Top Channel, zgjedhjet në Maqedoni dhe demokracia e Shkupit. Gruevski kundër Zaevit, shqiptarët, maqedonasit dhe historia e bujshme e rrëmujës në këtë shtet që shpëtoi nga lufta në shpërbërjen e Jugosllavisë, por nuk shpëtoi nga demokracia”, ka shkruar në rrjetet sociale autori i këtij dokumentari, gazetari Idro Seferi, i cili ka folur me protagonistët kryesor të politikës, organizatat joqeveritare, “Lagja e Trimave”, qytetarë…!