Filloi takimi i katër liderëve evropianë me Hanin dhe Vajgëlin

Takimi mes katër liderëve të partive më të mëdha politike të Maqedonisë dhe eurokomisarit për negociatat për zgjerim Johanes Han për arritje të marrëveshjes për dhënie fund të krizës politike në Republikën e Maqedonisë, para pak kohësh në ndërtesën "Berlemont" në Komisionin Evropian në Bruksel, startoi në përbërje të plotë.

Siç njofton korrespondenti i MIA nga Brukseli, edhe pse fillimisht është parashikuar që Han të ketë në fillim takime dypalëshe me liderin e LSDM-së, Zoran zaev, e pastaj edhe me kryeministrin Nikolla Gruevski, megjithatë para gjysmë ore, që të dy janë ulur në tryezë të përbashkët së bashku me raportuesin për Republikën e Maqedonisë nga Parlamemti Evropian, Ivo Vajgël, si dhe liderët e BDI-së dhe PDSH-së, Ali Ahmeti dhe Menduh Thaçi.

Siç njoftoi zëdhënësja e Eurokomisionit, Maja Kocijançiq, katër liderët e Maqedonisë plus Hani dhe Vajgël janë ulur menjëherë në tryezë me qëllim që të arrijnë marrëveshje në lidhje me çështjet nga korniza e arritur e mbledhjes së javës së kaluar në Shkup.

Ajo që befasoi në start, është hapi i kryetarit të LSDM-së, Zaev, i cili i vetmi para takimit dha deklaratë, por për një media të zgjedhur nga ana e tij dhe në vend të largët nga ekipet e tjera gazetareske, të cilët në pres-dhomën e Komisionit Evropian e presin verdiktin e bisedave të sotme./koha/