FOKUSI

Fjala “përurim” do të thotë inagurim, apo, ceremoni me rastin e fillimit të një vepre, ose, me rastin e fillimit të punës së veprës së mbaruar (një fabrikë, një urë, një qendër tregëtare, një xhami…) Personi që këmbëngulë të bëjë përurimin në çastin kur futet brenda asaj vepre, ai ose është i çmendur, ose është i kompleksuar, ose është manjak, ose ka mision të caktuar sabotimi. Një person i tillë, duhet të përndiqet e të gjuhet me gurë ngjashëm si “shejtanat në Haxh”

Shkruan Arsllan Osmani

Më 15 shtator të vitit 2018, në Sulgen të Zvicrës, lopatën e parë në gurin themeltar të Xhamisë Buhara e hodhi ish-reisul ulema i BFI-së, H. Sulejman ef. Rexhepi, i cili, në këtë përurim shoqërohej nga myftiu i Gostivarit, Shaqir ef. Fetai, nga myftiu i Tetovës, Dr. Qani ef. Nesimi, nga përgjegjësi për diasporë pranë BFI-së, Dr. Selver Xhemaili si dhe nga shefi i atëhershëm i kabinetit, Muzemil Osmani! Pra, ky delegacion nga BFI-ja, më këtë datë të para tre viteve, përuroi fillimin e punëve të ndërtimit të xhamisë së re e cila do të quhej Xhamia Buhara! Në mesin e një numri të konsiderueshëm xhematlinjësh nga ky vend dhe nga qendrat e tjera zvicrane dhe më gjërë, prezent ishin edhe përfaqësues nga Bashkësia Islame e Kosovës, nga Bashkësia Islame e Luginës së Preshevës si dhe nga viset e tjera etnike. Pa dyshim, ceremonia u nderua edhe nga përfaqësues të pushtetit lokal zviceran.
Para të pranishmëve fjalë rasti mbajti Kryetari i Bashkësisë Islame, H. Sulejman ef. Rexhepi, i cili vëllezërve nga diaspora iu drejtua me një fjalim joformal, me shumë këshilla e mesazhe të fuqishme që kishin të bëjnë kryesisht me ruajtjen e trungut fetar e kombëtar, me integrim në shoqërinë zvicerane por edhe me ruajtjen përjetë të mallit për vendlindje e për artdhe. Tutje, efendi Rexhepi i ka kujtuar të pranishmit për të qenurit i sinqertë në raport me ata që të ofrojnë paqe e bashkëjetesë, por edhe për të qenë syçelë përballë munafikëve, hipokritëve të cilët nuk kanë rol tjetër përveçse të përçajnë dhe ta deziorientojnë kombin tonë por edhe shoqërinë myslimane në përgjithësi. “Shtëpitë e Zotit janë tempuj që thërrasin në unitet, që e ruajnë unitetin e një xhemati, të një populli. Vetëm në unitet ne mund të jemi më të fortë dhe të përballemi me çfarëdo lloj sfide që përpiqet të na dëmtojë si komb. Në parimet e Sheriatit Islam ka një rregull: aty ku është shumica aty sillet vendimi! Nëpër xhamitë tona gjithkund, pra edhe në diasporë, predikohet islami human, islami i tolerancës, islami i paqes, ju këtu e luftoni çdo gjë të egër dhe të shëmtuar për islamin! Pra, dhuna, esktremizmi e radikalizmi gjithmonë kanë qenë dukuri të huaja, që nuk i përkasin as natyrës së islamit por as natyrës së shqiptarit dhe, përgjithësisht, myslimanëve. Ne nëse nuk jemi tolerantë, nëse nuk jemi për bashkëjetesë, nëse nuk jemi për solidarizim e ndihmë ndërnjerëzore, atëherë nuk jemi myslimanë! Shqiptarët në Zvicër, që kur janë dyndur të parët tanë në këtë shtet e deri më sot, gjithnjë kanë hasur në mirëkuptim prandaj, përjetësisht duhet të jemi falënderues si ndaj shoqërisë zvicerane ashtu edhe ndaj Shtetit të Zvicrës, i cili me kulturën e vet demokratike gjithmonë ka qenë i barabart për të gjithë qytetarët e vet, si në sferën politike ashtu edhe në atë fetare. Ky shtet kurrë nuk flet për vetëveten, nuk mburret, por, me demokracinë e vet që ua servirë qytetarëve, me sjelljen e vet ndaj nesh, ja pra, na detyron që ne të flasim fjalë miradie për këtë shtet dhe, kjo është forca e këtijshteti demokratik të cilin në çdo hap tonin duhet ta falënderojmë për gjithçka që ka bërë për ne si shqiptarë dhe si myslimanë. Nuk duhet të harrojmë vlerat tona si popull tolerant, që e kultivojmë tolerancën dhe bashkëjetesën tonë ndërfetare, pra, askënd kurrë nuk e dëmtojmë, askujt të keqen nuk ia mendojmë, por ama, jemi edhe një popull që gjithashtu nuk e durojmë diskriminimin, keqtrajtimin dhe manipulimin. Prandaj, me vlerat tona që i kemi, të dashur bashkatdhetarë, ju ftoj që të integrohemi fuqishëm në shoqërinë zvicerane. Këtë nuk duhet ta kuptojmë si reflektim që vie për shkak të ligjeve e rregullave zvicerane, por, le ta kuptojmë si normë islame, e cila e preferon integrimin!Ju lutem, nuk dua që ju të gaboni dhe integrimin ta kuptoni si asimilim! Unë ju ftoj fuqishëm në integrim por, asimilimi i asnjërit nga ju nuk do të më bënte të lumtur! Unë një jetë të tërë e kalova nëpër botë por, kurrë nuk kam lejuar që të më njollosë asimilimi. Ja, jam krenar që jam shqiptar, jam krenar që jam mysliman. Ky është vullnet i Zotit dhe, kushdo që i kundërvihet këtij vullneti do me thënë që ka problem me Krijuesin e Gjithësisë. Ne, jemi popull shumë paqedashës dhe tepër të gatshëm për bashkëjetesë! Fatmirësisht, këtë vlerë na e ka kuptuar Zvicra, tërë Europa, por edhe Shtetet e Bashkuara të Amerikës”, ka thënë veç të tjerash Reisul Ulema i BFI-së, H. Sulejman ef. Rexhepi, me rastin e përurimit të hedhjes së gurit themeltar të Xhamisë Buhara në Sulgen të Zvicrës!
Vlenë të theksohet se, pas këtij fjalimi dhe pas apelit drejtuar myslimanëve shqiptarë në Zvicër për ta ndërtuar këtë Xhami, brenda mbrëmjes ndodhi ajo që nuk ishte parë kurrë në historinë e grumbullimit të mjeteve financiare: u grumbulluan 1.184.000 frankë zviceran!
A nuk i di këto fakte mynafiku Shaqir Fetai?
Më 22 mars të vitit 2021, imami i Xhamisë, Ahmet Mehmeti, fali me xhemat namazin e parë në këtë Xhami, me ç’rast edhe mund të thuhet se zyrtarisht u përurua fillimi i punës së kësaj Xhamie.
A nuk e di këtë fakt hipokriti Shaqir Fetai?
Pse atëherë shkeljen në këtë xhami Shaqir Fetai e interpreton si “përurim të punës së kësaj Xhamie”! Do me thënë se, deri në këtë moment kjo Xhami nuk ka punuar? Po ata myslimanë që janë falur e lutur? Shaqir Fetai e bën edhe këtë gjë: e mohon tërë islamin që ka ekzistuar para se ai ta vjedhë postin e Reisul Ulemasë! Për Shaqir Fetain nuk ka pasur më parë islam, prandaj dhe, me aq lehtësi ai Medhhebin Hanefi e quan “sekt”! Tash e tutje vetëm “medhhebi Fetai” duhet të llogaritet islam, ndryshe, kurrë nuk do t’i mbulohet aktiviteti i tij prej spiuni të UDB-së nën komandën e oficerit serb Stanko Dragoviqit.
Dhe, shikuar nga ky kënd, a nuk është tradhëti pranimi i mirënjohjeve prej Shaqir Fetait?
Të pranoshë mirënjohje prej Shaqir Fetait do të thotë t’ia bëshë hallall tradhëtinë!
Të pranoshë mirënjohje prej Shaqir Fetait do të thotë t’ia bëshë hallall komplotin që e realizoi mbi BFI-në sipas skenarit të shërbimeve sekrete si dhe të pushtetit aktual maqedonas i cili kurrë nuk ka pasur ndonjë simpati për shqiptarët dhe për islamin.
Të pranoshë mirënjohje prej Shaqir Fetait do të thotë t’ia pranoshë aktin e shndërrimit të xhamisë në kishë e në muze!
T’ia pranoshë mirënjohjen Shaqir Fetait është bashkëpjesëmarrje me sojin e tij në urinim prapa gërmadhave të Xhamisë së djegur në Prilep!
T’ia pranoshë mirënjohjen Shaqir Fetait është t’ia falësh aktet armiqësore që i kryen mbi vlerat kombëtare, siç ishte rasti i fundit i prishjes së murit të Xhamisë së Dibrës, mur ky që i kishte 100 dritare dhe që u përurua me rastin e 100 vjetorit të Shpalljes së Pavarësisë së Shqipërisë.
Analistëve u duhet vetëm 5 minuta përqëndrim për të gjetur analogji, veprime të ngjashme përmbajtësore, skenare të përbashkëta, logjikë identike me Vuçiqin e Serbisë që ky i ka në raport me shqiptarët dhe Kosovën. Është i brumosur me këtë mentalitet. Vetëm pesë minuta reflektim dhe, sakaq do të konstatohet se çdo veprim i tyre ka të njëjtin burim që degëzohet njëri në ortodoksi e tjetri në sekt që vepron në emër të islamit.

 Tre argumenta brenda një jave që flasin se tani, Shaqir Fetai, ka kaluar në një standë më të lartë se të qenurit bashkëpunëtor i oficerit të UDB-së, Stanko Dragoviqit! Tash po e përjeton “forcën” e të qenurit satrap! Fundi i çdo satrapi (diktatori) është vetëeliminimi, i cytur nga parandjenja paranojake e çmendisë

Shkruan Bexhet Halili

Shaqir Fetai, kishte organizuar një “intervistë” sa për t’i përshëndetur “teleshikuesit” e vet nëpërmjet kanalit të YouTube-s, “Ikre”, dhe, sa për t’i flladitur me rrena që i bluan vetëm koka boshe e Shaqir Fetait, sa për t’u vetëlavdëruar, sepse, askush nuk e nderoi “punën” e tij amatoreske për Ramazan ndërsa e kritikuan me mijëra vetë!
Në këtë intervistë Shaqir Fetai flet sikur islami në këtë nënqiell të ketë filluar prej kohës së tij, flet për një atmosferë që kurrë nuk qenka përjetuar më herët, flet për veten si për “një risi” që u ka ndodhur myslimanëve të vendit!

Rrenat e Shaqir Fetait, apo vjedhja e ndihmave humanitare

Shaqir Fetai pa lajthitur nga ndjenja e të qenurit dhe të poseduarit të “forcës” së satrapit, nuk guxon të rrejë aq açik sa të thotë se paska shpërndarë 200 ton ndihma! Ai me këtë deklaratë po humbë gjurmët e 140 tonelatave me artikuj ushqimor e higjienik, dedikuar të varfërve të vendit, të cilat vetëm Shaqir Fetai e di se ku i ka çuar, sepse, sa i përket pakove, ai ka ndarë vetëm 60 e ca ton ndihma të donuara nga Drejtoria e Përgjithshme e Vakëfit të Turqisë, ndihmë kjo prej 80 tonelatave. Se ku i mori edhe 140 ton e kah i shpërndau, këtë e di vetë Shaqir Fetai me hajnat e vet tashmë të dëshmuar në vjedhjen e ndihmave humanitare.
Shaqir Fetai, vetëm nën “hyqmin” e satrapllëkut i jep të drejtë vetes të gënjejë aq shumë, sa të thotë se ka pasur një program të cilën e paska zbatuar qind për qind. Nëse hyni për t’ia analizuar “programin” do të shikoni një koncept prej amatorëve, pika të një entuziasti të shkollave fillore që dëshiron të mbajë një program-event sipas pikëpamjeve të tij fëmijërore. Realiteti i 30 ditëve të Ramazanit flet se, Shaqir Fetai ka dështuar si “gërçka” me atë “program”, i cili, shikuar në pika, nuk është realizuar as 10 për qind. Madje edhe ky 10 përqindëshi nuk i ka bërë nder askujt, me përjashtim të shkaktimit të vetëkënaqësisë!

Cili është synimi kryesor i Shaqir Fetait për Muajin e Ramazanit, apo, çka është sukses për Shaqir Fetain gjatë Muajit të Agjërimit

Shaqir Fetai, vetëm i pajisur me cilësi të një satrapi të pashpirtë guxon të deklarojë se, efektet e Ramazanit janë shumë të kënaqshme, qind për qind më të mira, sepse është mbledhur fitri dhe zeqati më shumë se vitin e kaluar. Pse a për këtë qëllim të Shaqir Fetait është Muaji i Agjërimit, a? Për këtë qëllim të poshtër të Shaqir Feait myslimanët kanë shpeshtuar ibadetet e tyre, a? Do me thënë se, Shaqir Fetai, ky satrap abdall, paska pritur Muajin e Ramazanit vetëmsa për t’i vjelur “taksat fetare” dhe, sipas tij, ky është qëllimi i këtij Muaji të Bekuar!
Satrapi edhe vjedh edhe rrenë, edhe keqpërdor edhe manipulon, edhe të krip me rrena edhe nuk skuqet fare! Dy janë shtegëdaljet: ose të veprojë Shaqir Fetai ose të dalë e të dëshmojë oponenca e tij, Lëvizja Myslimane për Reforma në BFI të RMV-së! Shaqir Fetai, satrapi, nuk ka se çka të frikësohet prej transparencës. Nëse është siç thotë ai, aq shumë i suksesshëm, ai duhet të dalë publikisht, me listë, me emër e mbiemër, për secilën xhami në Maqedoninë e Veriut të tregojë se cila xhami sa ka mbledhur dhe sa ka dorëzuar fitra dhe zeqat në BFI! Ta shohim “efektin Shaqir Feta” dhe, nga ana tjetër, kjo transparencë do t’ua pamundësonte myftinive të tij që t’i vjedhin fitrat dhe zeqatet! Jo sa kanë dorëzuar Myftinitë, por xhamitë!
Po flitet se, Lëvizja Myslimane për Reforma në BFI, i ka të dhënat e sigurta për mbi shtatëdhjetë për qind të xhamive se sa kanë mbledhur fitra sivjet. Po ashtu, ka raporte edhe nga diaspora dhe, të dhënat e kësaj Lëvizje janë dëshpëruese, janë të dhëna që flasin se myslimanët e vendit as që dëshirojnë të dëgjojnë për nevojat hajdutërie të Shaqir Fetait.
Një prej xhamive më të mëdha në Shkup, të cilën e frekuentojnë xhemat prej rreth 1000 shtëpive, në ditët më të vështira politike e sociale ka arritur të tubojë e të dorëzojë 10 mij e sipër euro, ndërsa, në këtë Ramazan mezi ka arritur të grumbullojë pak më pak se 100 mij denarë, dmth 1500 euro! Pra, në këtë Xhami Shaqir Fetai nuk e ka realizuar as 15 për qind atë që e ka synuar në këtë Ramazan. Shumë keq, tepër gjynah e hipokrizi! Në Ramazan synohet të arrihet kënaqësia e Allahut Mëshirëplotë, vetëm Shaqir Fetai synon të arrijë përqindje të lartë të fitrit dhe zeqatit. Satrap, pra!

Kush takohet me Sulejman Rexhepin lagohet nga puna

Lë të dalë Shaqir Fetai e le të thotë se ç’të keqe i ka bërë Sulejman ef. Rexhepi! Ndërsa Sulejman ef. Rexhepi ka bërë dy të këqia në raport me Shaqir Fetain! Dy të këqia që janë të barasvlefshme sa dy mëkate të mëdha: e ka bërë myfti dhe ua ka pezantuar myslimanëve si alim të madh! Prej bajgës a mund të bëhet lulja aromëmirë?
Pas deklaratës së Sulejman Rexhepit që del si falëbnderim ndaj bashkëpunëtorëve të tij që e vizitojnë, jo si reis, jo si lider të tyre, por, thjesht, si njeri plak, i moshuar, si dikush që ka dhënë kontribut të pamohueshëm në bërjen e tyre “teologë, apo “organe të BFIsë”, Shaqir Fetai ka reaguar me plotë histeri dhe, prej pozitës të satrapit, ia ka ndaluar të gjithëve që të kontaktojnë me Sulejman Rexhepin!
Ashtu siç i ka pasur dy gabime-mëkate Sulejman Rexhepi në raport me Shaqir Fetain, ashtu edhe Shaqir Fetai ka pasur dy dëshira të flakta djallëzore në raport me Sulejman Rexhepin: t’ia ngulë thikën pas shpine, ta tradhëtojë dhe, mundësisht, pas kësaj tradhëtie të rëndë, ose t’i bie pika në tru, ose në zemër, të neutralizohet dhe kurrë të mos ketë mundësi të flasë për Shaqir Fetain ato gjëra që i di vetëm H. Sulejman ef. Rexhepi!
Pra, Shaqir Fetai tashmë është duke e përjetuar turpin e tradhëtisë, nuk dëshiron që ta përjetojë edhe turpin që mund t’ia shkaktojë Sulejman Rexhepi, i cili, sipas deklaratave të atyreve që po e vizitojnë (e që në mesin e tyre ka emisarë edhe të Shaqir Fetait) po duket gjithnjë e më vital! Kjo e tremb Shaqir Fetain, ndaj dhe ua ndalon njerëzve, si manjak, të kontaktojnë me Sulejman Rexhepin, prej të cilit mund të mësojnë e të dëgjojnë gjëra të rënda për Shaqir Fetain! Po kur të vendosë të flasë Sulejman Rexhepi? Në ç’vrimë do të futet atëherë Shaqir Fetai?!

Si duket fundi i një udbashi

Shaqir Fetai, duke u nisur nga një fakt i një miqësie të hershme, e merr një informacion të rremë dhe, sakaq u del në pritje preshevarëve! I thotë dikush se përfaqësues të medresesë së Preshevës, bashkë me nxënës, do të vijnë në Shkup dhe, meqë myftiu preshevar e ka mik shtëpie Sulejman Rexhepin, paska dëgjuar Shaqir Fetai se, ky delegacion, është i porositur nga Myftiu i Luginës së Preshevës, H. Nexhmedin ef. Saqipi, që ta vizitojnë edhe ish-reisin, H. Sulejman ef. Rexhepin, i cili aq shumë ka dhënë kontribut për Insitucionet islame të kësaj Lugine.
Shaqir Fetai, në deklaratën e vet prej demagogu e hipokriti, pranon publikisht se, me të marrë vesh që do të vizitohet Shkupi nga preshevarë, me insistimin e tij është bërë e mundshme që vizita e parë t’i bëhet BFI-së dhe personalisht Shaqir Fetait. Nuk mundet të kalojë dikush këndej pari e të mos ia urojë “postin dhe sukseset” Shaqir Fetait! Sepse, përmes këtyre vizitave, përmes këtyre urimeve e përshëndetjeve, ai krijon atmosferë false të përjetimit të një dashurie e cila e kamuflon urrejtjen e madhe gjithëkombëtare kundër një udbashi. Një udbash, një spiun i UDB-së nuk mundet që me zor t’i detyrojë myslimanët që ta duan. Po, do t’i detyrojë deri sa të jetë në rolin e satrapit, porse, megjithatë, ky rol është prej roleve më të shkurta që e kanë përjetuar çdo udbash para se ai të vetëeliminohet dhe të bie në greminën e çmendisë së vet. Ky është fundi i çdo udbashi!

Tallja me preshevarët

Tani, përtej dëshirave, përtej angazhimeve shekullore, përtej gjakderdhjes në veprimtarinë patriotike, përtej luftërave, përtej angazhimeve politike, përtej idealeve kombëtare të çdo shqiptari që nuk ka lidhje me UDB-në, përtej çdo trimi të Idris Seferit dhe pasardhësve të tij patriotë, Lugina e Preshevës (Bujanovci dhe Medvegja) edhe më tej ngelë brenda kufijve të Sërbisë. Atdheu, pra, vatani, është shteti me kufij të pacënueshëm dhe, për secilin qytetar autokton, atdheu është ky vend me këta kufij. Pra, atdheu dhe vatani i çdo shqiptari të Luginës së Preshevës aktualisht është pjesa etnike brenda kufijve të Serbisë, pra, është vetë Serbia!
Shaqir Fetai si eski udbash i gëzohet këtij fakti, ndaj dhe, meqë dikur atdheu i tij (si i gjithë atyreve që kanë jetuar brenda atyre kufijve të mëdhenj) ishte Jugosllavia, ai edhe më tej është nostalgjik për trashëgimtarin e ish-Jugosllavisë dhe, mburret me çdo qytetar të këtij “trashëgimtari” që kontribuon dhe që angazhohet për avansimin e këtij shteti, pra, të Serbisë aktuale. Delegacionit prirës të medresantëve nga Presheva, Shaqir Fetai u jep mirënjohje me këtë përmbajtje: “Kryetarit të Bashkësisë Fetare Islame të Preshevës – “Në shenjë respekti dhe mirënjohjeje për kontributin tuaj të çmueshëm në shërbim të vlerave kombëtare e fetare në nënqiellin tonë!“ Në cilin “nënqiell tonin” o Shaqir Fetai? Në nënqiellin tënd të Serbisë, aty ku u bëre intrigant i përsosur? Presheva i bie në Serbi, o jaran i Dragoviqit! Ose, atij tjetrit, që ia jep mirënjohjen me këtë përmbajtje: “… për kontributin tuaj të çmueshëm në shërbim të vlerave komëtare e fetare, për Zotin, kombin dhe vatanin”! Mos u tall me preshevarët o udbash, sepse dinë të ta kthejnë shumë keq! Ata vdesin për komb e për fe, ndërsa Serbinë nuk e konsiderojnë vatan të tyre, ndaj, ata konsiderojnë se akoma, asgjë nuk kanë bërë për vatanin e tyre, derisa pjesën etnike nuk ia rikthejnë vatanit të tyre të vërtetë. Mos blej patriotizëm në fatkeqësi të tyre. Mos u mundo që me lale-lule ta kamufloshë udbashllëkun tënd, që tashmë po kalon fazën e satrapit, deri sa të vetëeliminohesh. Nuk e ke të largët këtë ditë, o pishpirik.

“Mjeshtri i madh” i “mjeshtrit të vogël”

Shaqir Fetai paska pritur me pietet “Mjeshtrin e Madh” të gazetarisë shqiptare, mikun e ngushtë të H. Sulejman ef. Rexhepit, të dekoruarin e Bujar Nishanit, Ferdinand Samarxhiun!
Sa për informim të Shaqir Fetait, Ferdinand Samarxhiu mbetet injoranti më i madh i gazetarisë shqiptare, prandaj edhe kurrë nuk e keni parë të respektuar e të nderuar nga tv-studiot me renome kombëtare. Në gazetari ose lindë gazetar ose vdes injorant i gazetarisë. Nuk ka gazetarë në botëqë e mat profesionin e vet me titur shkencor e me epitete të pushtetit. Epitetet e pushtetit nuk të bëjnë të madh por të motivojnë për servilizëm deri në manire të qenit të zgjebosur.

Ai shtë një sekser i mirë, një marapaz, një llapaqen që as vetë nuk e di se çka fletë sa herë që i drejtohet audiencës së gjërë. Është një manipulator i shkëlqyeshëm me ndjenjat e fetarëve ndaj dhe, gjithnjë e ke të angazhuar në çastet kur, myslimanët, për emocionet shpirtërore nga gëzimi i festave të shenjta fetare, janë në gjendje t’i shterrin edhe xhepat që ua gjuan Ferdinand Samarxhiu!
I paska ngelur t’ia ofrojë një letërnjohtim të shkurtër Shaqir Fetai atij! Ferdinand Samarxhiu e di se si frymon BFI-ja, kështu që, bashkëpunimi me të është i mrëseardhur ekskluzivisht për te.
Të planifikoshë që ta bëshë të madh Shaqir Fetain, nuk është mjeshtri e madhe, por, është idiotizëm. Edhe idiot edhe “Mjeshtër i Madh”, sikur nuk shkon! Mos të harrojmë, ky “Mjeshtër i Madh” është prodhim i “sigurimit” të Enver Hoxhës, siç është “reis” edhe Shaqir Fetai si prodhim-ORAO i oficerit të UDB-së Stanko Dragoviqit! Prodhime shkijesh ma!
Paskan rënë dakord që në të ardhmen të kenë një bashkëpunim të përbashkët (hajde fjali hajde!) Bashkëpunimi me këtë “Mjeshtër të Madh” është vetëm një dakordësim për ta kryer një vjedhje të përbashkët të BFI-së! Një sekserizëm i përbashkët në dëm të Institucionit të BFI-së! Një “vigjilencë” prej ORAO-s mbi BFI-në e mjerë!

(Përkitazi me librin “TRADHËTIA DHE KOMPLOTI I SHAQIR FETAIT NË KOHË PANDEMIE”, i cili sapo doli nga shtypi, nën përkujdesin e Korporatës për Produksion, Informim dhe Botim “1kliklarg”, Tiranë)

Të gjithë librat e botuar shkaktojnë kënaqësi. Libri i mirë ngelë përjetë një kujtim i pashlyeshëm, i cili, gjithnj të thërret në rilexim! Libri madhështor, ai që shtjellon ngjarje e informacione, me një strukturë sa dramatike aq edhe të trishtë, me një temë që për bazë ka luftimin e së keqes, shpërthen brenda lexuesit si një bombë. Ky shpërthim, pa dyshim që, shkundë harresën, rizgjon kujtesën e amshueshme, shpëlon faktet, argumentet, ndez motorët e urrejtjes kundër së keqes, së shëmtuarës, tradhëtisë, komploteve, ndërsa qetëson shpirtërat e trazuar duke ua portretizuar diellin në lindje, shpresën, portretin e së mirës.
Fuqia e librit është atomi i fjalës së shkruar që, kur të shpërthejë, arrinë, sipas Aristotelit, katarsisin, atë shpëlarjen e shpirtit nga gjakimi i djallëzuar për krim e për vepra antinjerëzore.
Pikërisht, një libër i këtillë, një vepër madhështore, pa dyshim që do të ngelë edhe libri i sapo dalur nga botimi “Tradhëtia dhe komploti i Shaqir Fetait në kohë pandemie”.
Pse ky libër? Kush është Shaqir Fetai? Pse i dedikohet një libër kaq madhështor një personi të panjohur! Ky nuk është personazh fiktiv, i romanit, novelës, tregimit, por është personazh publik, që jeton e vepron, që ka bërë makabritet pikërisht në kohën e pandemisë që po e kalojmë?
Libri në fjalë është përmbledhje e mbi 250 shkrimeve të publikuara nga qindra autorë, në dhjetra media kombëtare gjithandej trevave etnike, e që flet për një tradhëti dhe komplot që është ndërmarur nga Shaqir Fetai.
Shaqir Fetai për gati një decenie e gjysëm shërbeu si myfti i Myftinisë së Gostivarit, të cilin e emëroi ish-reisul ulema i Bashkësisë Fetare Islame në Republikën e Maqedonisë së Veriut. Pra, Shaqir Fetai është teolog, është hafiz, ka qenë i emëruar myfti, nga kjo pozitë ka qenë anëtarë i Rijasetit, organit më të lartë kolektiv të BFI-së të cilës i ka prirë H. Sulejman ef. Rexhepi, personaliteti, i cili, për të arriturat e veta jetësore në rrafshin kombëtar e fetar, është dekoruar nga presidenti i shtetit shqiptar me medaljen “Kalorës i Urdhërit të Skënderbeut”, kurse për angazhimet e tij në kultivimin e dashurisë njerëzore si dhe për paqe anekënd botës është dekoruar edhe nga presidenti amerikan Donald Tramp!
Haxhi Sulejman ef. Rexhepi e pati si krah të vetin të djathtë Shaqir Fetain deri në momentin kur ky ia thurri një intrigë të tmerrshme dhe kur jepet pas realizimit të planit të shërbimeve të huaja sekrete, për ta eliminuar nga posti i Kryetarit të BFI-së dhe për t’u vetëemëruar nën përkrahjen e pushtetit aktual maqedonas!
Ndonëse shkrimet e përmbledhura nën këtë titull, të botuara brenda fiks një viti (maj 2020 – maj 2021), si lajtmotiv kanë angazhimin e strukturave të shumta nëntokësore anti-BFI, megjithatë, pa dyshim që do ta zbërthejnë edhe profilin e bartësit dhe realizuesit të këtij skenari përplotë me tradhëti e komplot, Shaqir Fetait, edhe atë, për nga aspekti teologjik, psikologjik, kriminalistik (bashkëpunëtor, tradhëtar, komplotist, spiun), antihuman, e deri te zbërthimi i profilit të tij pa karakter e pa edukatë. Lexuesi do të vërejë se, ditëve, javëve e muajve të parë, mungojnë shkrime e reagime, jo për shkak të ndonjë tronditje nga kjo e papritur e Shaqir Fetait, por, thjesht, për shkak të pritjeve të reflektimeve të tij. Personalitete të shumtë i kanë dërguar fjalë që të tërhiqet nga kjo lojë, e kanë lënë të reflektojë, e kanë lënë që të ndërgjegjësohet dhe, në momentin kur kanë parë që ky është nën presionin e karrierës si dhe të padronëve të vet, atëherë, ka nisur fushata kundër tij, sidomos në çastin kur ai jep isharete se, duke shkelur dhe mospërfillur Kushtetutën e BFI-së, ka vendosur që të bëhet bashkëshkatërrues i këtij Institucioni si dhe bashkëudhëtarë në rrënimin e tij me elementët e instaluar brenda Institucionit nga shërbimet e huaja antishqiptare e antiislame.
Libri është katalogëzuar në Bibliotekën Kombëtare të Shqipërisë, së cilës i janë dorëzuar edhe ekzemplarët e detyrueshëm si dhe nëpër institucionet më me relevancë të Shtetit Shqiptar. Pa dyshim që, do të gjenden edhe mënyrat për t’ua shpërndarë edhe të gjithë atyreve që kanë shprehur interesim në inboxin e faqes zyrtare të Korporatës, ndërkohë që, po punohet që të publikohet edhe versioni elektronik i librit.
Ky libër, përmbledhje e qindra shkrimeve, që flet mbi një tradhëti të turpshme dhe mbi një komplot antishqiptar, edhe atë në një kohë pandemie të Koronavirusit, kohë kjo kur vdekja e miliona njerëzve shton dashurinë e njeriut për njeriun, dhembshurinë dhe solidaritetit, kurse vetëm te Shaqir Fetai shton gjakimin për karrierë bazuar në një tradhëti të madhe dhe në një komplot të panjohur në letrat shqipe, do të ngelë si një lapidar për një sëmundje shpirtërore të njeriut antinjeri, siç na del këtu të jetë Shaqir Fetai. Pa dyshim, flet edhe për mbështetje kriminale të nëntokës institucionale që e gëzonte Shaqir Fetai në zvarritjen e tij, si një butak i plagosur, mbi Kushtetutën dhe mbi të gjitha aktet normative të Institucionit.
Ky libër do të plotësohet e riplotësohet, do ta ketë edhe vëllimin e dytë, të tretë, të katërt e kështu me radhë, deri sa do t’i shterret forca karrieriste Shaqir Fetait në udhëtimin e tij drejt kapjes së mekanizmave që e rrënojnë këtë Institucion dhe që i bluajnë madje edhe gërmadhat e tij, deri sa të shndërrohet në pluhur. Këtë shtegëtim do ta ndjek ky LIBËR nëpër vëllimet e veta të ardhshme.

Heshtja makabre para situatave kaq dramatike që po luhen brenda dhe rreth Bashkësisë Fetare Islame, flet për një neglizhencë totale të faktorëve me relevancë para një vlere shumë të rëndësishme kombëtare. Dikush e hodhi grrepin dhe u kap peshku, as nuk po tërhiqet, as nuk po lëshohet! E peshku kalbet nga koka

Shkruan Afrim Tahiri

Po bëhen një vit që kur Bashkësia Fetare Islame u kap nga partitë politike të pushtetit aktual! Preteksti ishte: ta dëbojmë Sulejman Rexhepin, ish-reisul ulemanë e BFI-së, kundër të cilit zhvillova një opozitarizëm të parreshtur, që nga viti 2014!
Diku, në qershor të vitit 2014, duke qenë në pozitën e Sekretarit gjeneral të BFI-së, në Rijaset deponova një dorëheqje, pasi që zbulova se si, një hajdut i BFI-së, ne ëmrin tim personal dhe në emër të ish-reisit, po i vidhte myslimanët e ndryshëm. Dhashë dorëheqje me të gjitha arsyetimet brenda! Reisul Ulema i atëhershëm, H. Sulejman ef. Rexhepi, nuk e pranoi dorëheqjen time, ndërsa i pranoi të gjitha vërejtjet që i kisha numëruar si arsyetime në atë letër! E largoi hajnin dhe m’u lutë, me shokë të tjerë, që të rikthehem. Pranova, me kërkesë që t’i futemi një reforme të thellë në BFI, sepse, punët kishin vajtur aty ku nuk shkonte më: kishim nisur të humbim kontaktin me xhematet tona dhe se kishim nisur ta humbim besueshmërinë e tyre!
Derisa po e përpunoja strategjinë e reformave gjithëpërfshirëse, të tjerët, anëtarë Rijaseti, për ta shpëtuar veten nga prekja e reformave aq të domosdoshme, kishin vepruar te H. Sulejman ef. Rexhepin duke i premtuar lojalitet, unitet, përkrahje të parezervë, i kishin kërkuar degradimin tim. U degradova dhe, natyrisht, meqë më prekën në integritet, u tërhoqa fare nga të qenurit nëpunës i BFI-së dhe, u stopuan reformat e domosdoshme, ndërsa unë nisa opozitarizmin me miq e me shokë!

Pse BFI-ja u duhet partive politike në pushtet

Pesë vite më vonë, dolën në sipërfaqe të gjitha vërejtjet e mia, të gjitha frikërat e mia se në BFI kishte një unitet falso, se në BFI po përgatiteshin lojëra fatale për këtë Institucion, se BFI-ja do të shpëtonte vetëm kur shteti dhe pushteti do të dilnin nga BFI-ja! Pesë vite më vonë u zbardh në opinion edhe marrëveshja interne e H. Sulejman ef. Rexhepit me bashkëpunëtorët e tij të cilët i kishin premtuar lojalitet dhe unitet në çfarëdo situate.
Ja ku jemi! Unë me luftën time të pandalshme për ta shkapur BFI-në nga duart e pista të politikave partiake dhe, “militantët partiakë”, që si ushujza janë kapur aq shumë fort për kurrizin e BFI-së.
Në fakt, “militantët partiakë” vetëm sa po tallen me partinë shqiptare që u bë sebep për t’i instaluar në parti, ndonëse nuk janë të përshtatshëm për instalacion por për skrap të ndryshkët! Sepse, që të gjithë, pa përjashtim, dëshmuan se janë vegla të shërbimeve të ndryshme intelegjente të cilët kurrë nuk rreshtën së përpjekuri për ta futur në grushtin e tyre këtë Institucion. Po, pse? Çka u duhet? Paj, dikujt për t’ia shfrytëzuar asetet financiare të shumta që i ka ky Institucion, dikujt për t’ia shfrytëzuar asetet-objektet por edhe kuadrin në të mirë të “partisë mëmë”, dikujt i duhet që ta ngacmojë dhe eventualisht ta instalojë radikalizmin dhe terrorizmin “islamik” me qëllim, jo që shqiptarët të njollosen si radikalistë e terroristë (sepse kjo nuk pi ujë) por, të kenë alibi për ta luftuar këtë dukuri eventuale dhe për t’u dëshmuar si partnerë të mirë të forcave globale të rreshtuara e grupuara kundër të ashtuquajtërës “radikalizmit dhe terrorizmit islamik”, i cili, pa dyshim, në mesin e shqiptarëve kurrë nuk ka mundur të gjejë vend (me përjashtim te mercenarët)!

“Dora e zezë” që po gërryen themelet e BFI-së

Dikush, një “dorë e mistershme” i mblodhi brenda nate, madje dy ditë pas faljes së përbashkët të Bajramit, i trimëroi që të dalin e ta kumtojnë shkarkimin e H. Sulejman ef. Rexhepit nga posti i Reisul Ulemasë së BFI-së! Strategët kishin qenë po ata që, fiks një javë më parë, në një dokumentar kushtuar reisit të tyre, kishin folë fjalë nga më të mëdhatë.
Më 27 maj të vitit 2020, dolën para kamerave të shumta dhe, thanë se më nuk do të prihen nga Sulejman ef. Rexhepi, sepse ky paska shkelur Nenin 58 të Kushtetutës së BFI-së! Ç’paradoks! Antikushtetutarët më të përbetuar thirren në Kushtetutë?!
Natyrisht, gazetarët e shumtë, opinioni i gjërë kërkonte që të dijë më shumë se si u bë shkarkimi i H. Sulejman ef. Rexhepit, kurse, Shaqir Fetai, “më i dashmi” i Sulejman ef. Rexhepit, vazhdimisht thoshte se janë duke bërë analiza, se janë duke hulumtuar dhe, së shpejti do të dalin me arsyet e sakta për largimin e H. Sulejman ef. Rexhepit. Strategji tipike kjo e treshes Gruevski-Jankullovska-Mijallkov: burgos njerëz të pafajshëm se arsyetime do të shpikim plotë! Edhe sot e kësaj dite nuk u tha asnjë fjalë, nuk doli asnjë analizë, nuk doli asnjë fakt që do ta arsyetonte vendimin e këtyre puçistëve klasikë për ta larguar Sulejman ef. Rexhepin.
Pas kaq kohësh, askujt më nuk po i intereson se si u largua Sulejman Rexhepi! Tani kërkohet që të zbardhet “dora e mistershme” e cila i tuboi brenda nate “bashkëpunëtorët e Sulejman Rexhepit” për ta larguar të njëjtin nga posti i Reisit. Tani nuk ka më dilemë rreth asaj se, nëse ishin këta bashkëpunëtorë të vërtetë dhe të sinqertë të Sulejman Rexhepit apo paskan qenë bashkëpunëtorë të ngushtë të kësaj “dore të zezë”!
Pse ndodhi kjo ndërhyrje politike e segmenteve të caktuara të pushtetit maqedonas?
Në prag ishin zgjedhjet e parakohëshme parlamentare dhe, meqë pushteti po rrinte në këmbë të krisura prej qelqi, ndërsa opozita shqiptare po forcohej shumë, edhe LSDM-ja por edhe BDI-ja ishin të interesuar që të siguronin terren ku nuk do të mund të futej opozita për të siguruar vota! Po pastronin terrenin prej personave influencues të cilët, në moment të fundit, mund ta kushtëzonin pushtetin e atëhershëm për një “Fitore të Pirros”! Dhe, e kishin fare të qartë se, duke e eliminuar “lojtarin e papërshtatshëm” dhe, duke e kapur BFI-në do ta siguronin edhe një mandat qeverisje sado që të jetë i brishtë ai pushtet!
Tani, bazuar në deklaratat e Shaqir Fetait, kukullës së pushtetit aktual, kemi një BFI që është brengë e Qeverisë së Kryeministrit Zaev, i cili, deri më tani pesë herë është detyruar të ndajë financa nga buxheti i shtetit për BFI-në e Shaqir Fetait. Gjithësesi, tash e tutje, do të nisin të kërkojnë edhe bashkësitë e tjera fetare si dhe grupet religjioze që të marrin hise nga po i njëjti “kek”! Dhe, ja një fillimlojë për t’i pushtuar të gjitha komunitetet fetare dhe, duke u dhënë injeksion financiare, t’i vënë në shërbim të pushtetit!
A nuk është ky një qëndrim antiamerikan të cilin e proklamonte ish-Reisul Ulema, H. Sulejman Rexhepi, bazuar në sugjerimet e mikut të tij ambasador amerikan, i cili jo një herë e ka porositur efendi Rexhepin që kurrë mos të pranojë të bëhet buxhetist i pushtetit, kurrë mos të pranojë asnjë cent nga buxheti i shtetit!

Puçi nuk është revolucion! Marionetat nuk bëjnë reforma

Në krejt botën, në të gjitha institucionet, në të gjitha orgnizatat, në të gjitha trupat dhe organizimet jofitimprurëse, ata që nuk pajtohen me të parin, japin dorëheqje, tërhiqen, e lënë lakuriq liderin e tyre! Vetëm në raste kur organizohen pushtime klasike nga bashkëpunëtorët e liderit, puç klasik, apo likuidime morale të liderit, kemi eliminim të tij dhe vazhdimësi të aktiviteteve punëdrejtuese prej ish-bashkëpunëtorëve të liderit. Dhe, këto skenare asnjëherë nuk realizohen pa një përkrahje logjistike prej “armiqve të liderit”! Kësisoj, në sy të botës, “lideri” gjithnjë përceptohet si viktimë e të pamoralshmëve, kurse bashkëpunëtorët e tij puçistë kundrohen si persona të prishur, të rrezikshëm, cuba, të cilët, tradhëtisë mundohen t’i japin nuanca të “revolucionit”! Revulucionet praptojnë pushtete e diktatura, me të gjitha “asetet” e tyre dhe jo vetëm liderin. Me liderin, shkojnë edhe shumë koka të tjera. Ato koka të pushtetit të rrënuar që ngelin me revolucionaristët, ata gjithnjë janë në pritje të momentit të tyre revolucionarist. Sepse, puna që nisë fëlliqtë, përfundon fëlliqtë!
Shkelës të Nenit 58 të Kushtetutës së BFI-së, në bazë të të cilit u shkarkua H. Sulejman ef. Rexhepi, nuk mund të jetë vetëm ky! Shkelja e atij Neni kërkon përkrahjen e organeve, kërkon besnikërinë e organeve, kërkon ndihmën e organeve, kërkon heshtjen e organeve në këto shkelje, kërkon miratimin e organeve në këto shkelje. Prandaj, nuk ka as analizë, nuk ka as hulumtim, nuk ka as goditje të faktit se Sulejman Rexhepi u largua në bazë të këtij Neni. Sepse, ky arsyetim pa dyshim që i tërheq pas vete të gjithë bashkëpunëtorët e Sulejman Rexhepit, të cilët, sot, presin radhë për të shkuar te ish-lideri i tyre për të kërkuar falje për tradhëtinë dhe për t’u rrëfyer për tërë strategjinë e shërbimeve sekrete që e luajtën.
Kurse pushteti aktual, “nëna” e kësaj loje të pandershme, rri i heshtur, i distancuar. Nuk dëshiron të përzihet në punët e brendshme të BFI-së! Ndërsa e financon! I jep fshehurazi para! Kush financohet fshehurazi, ë? Kur nisë ky financim i një “organizate popullore”! Natyrisht, kur humbet besimi i popullit dhe kur shpëtimin e kërkon te pushteti, pavarësisht nëse është mik apo armik i kësaj ORGANIZATE!

Dy-tri fjalë për opozitën shqiptare

Fatkeqësisht, partitë shqiptare të spektrit opozitar, tërë këtë ngjarje makabre të zhvilluar brenda dhe rreth BFI-së, e kanë kundruar me një pasivitet total, me një heshtje sikur të bëhej fjalë për ndonjë institucion krejtësisht jashtë sferave të interesit kombëtar e fetar shqiptar.
Natyrisht, kanë bërë mirë që nuk kanë bërë përpjekje që të futen brenda dhe ta tollovisin punën edhe më shumë, kanë bërë mirë që nuk janë inkuadruar politikisht, sepse do t’i hapnin rrugë sektarizimit dhe radikalizmit të shoqërisë shqiptare, sepse, jo të gjithë brenda BFI-së janë BDI apo me BDI-në! Por ama, sensibilizimin e opinionit të brendshëm dhe faktorin ndërkombëtar kanë mundur ta bëjnë me atë se çfarë i ka ndodhur të vetmit Institucion fetar islam anëtarë të së cilës pjesa dërmuese janë shqiptarë.
Nuk guxojnë të rreshtin së reaguari kundër “dorës së zezë” që ka kapur për qafe këtë Institucion me qëllim të përuljes së saj para interesave që janë jashtë çdo sfere të interesit shqiptar e mysliman. Nuk guxojnë të rreshtin së reaguari, madje do të ishte mirë që të kërkojnë edhe formim të komisioneve parlamentare për ta hetuar përzierjen e shërbimit intelegjent maqedonas në degradimin e këtij Institucioni deri në “filiale” të shërbimeve të huaja intelegjente!
Këtij Institucioni i nevojitet gjak i freskët, i nevojitet tru aktiv që do të dijë ta drejtojë dhe të zhvillojë reforma të thella e gjithëpërfshirëse, konform rrjedhave bashkëkohore dhe kërkesave të pashmangshme që vijnë nga BE-ja si kusht për inkuadrimin e vendit në familjen e madhe evropiane.
Ta harrojnë të gjithë faktorët me relevancë në vend se, Maqedonia e Veriut, me një pajtesë me Bullgarinë dhe me një Institucion fetar të kapuar nga politikat partiake, mund të synojë inkuadrimin në BE! Në BE ka me qindra bashkësi fetare të cilat as që guxojnë të ëndërrojnë të merren me politikë por dhe, as që guxojnë të jenë dyerhapura për politikën, e aq më pak për shërbime të huaja intelegjente!
Të gjithë ata që BFI-në e shndërruan në filiale të LSDM-BDI sa më parë duhet të ikin me qëllim që ky Institucion të shkapet nga politikat partiake. Dhe këta militantë partiakë dihen me emër e mbiemër. Fëlliqtë ia kanë nisur lojës, flliqtë do të dalin nga loja!
Kthimi i BFI-së te populli mysliman i vendit është i domosdoshëm!

Shaqir Fetai, pasi i mbledh ato pak fitra e zeqat, vendos që ta qeras një grup lojalistësh dhe t’i nxjerr në shëtitje, nëpër Kosovë. Por, natyrisht, jo t’i qerasë me paratë e veta, por me paratë e myslimanëve të cilët sapo kanë paguar fitrat dhe zeqatin në BFI.

Tri makina zyrtare, me karburantë që i mbulon arka e BFI-së, me nja shtatë—tetë mëditje, me dreka e darka, nga kjo arkë dhe, ja ku ikin paratë e fitrit!
Niset burri i botës me shtatë-tetë vetë nga BFI-ja, për ngushëllme te dikush që ka vdekur në Kosovë. I shkreti, ngeli duke marrur pjesë nëpër varrime e duke mbajtur fjalime. Me këtë gjest nuk mund të blehet simpatia, sepse, sakaq, të rrëmben shejtani dhe të shëtit ku të dëshirojë ai.
Pas kësaj, nis keqpërdorimi i pozitës! E merr delegacionin dhe nis t’i vizitojë bisneset e kushërirëve, të djalit të hallës nëpër Kosovë. Keqpërdorim flagrant i pozitës dhe i të mirave materiale të BFI-së. Në kushte normale, Shaqir Fetai do të duhej të jepte përgjegjësi, madje edhe me largim prej BFI-së. Askush nuk e pengon që pivatisht ta vizitojë çdo anëtarë të familjes së tij, por jo të shfrytëzojë pozitën dhe, nëpër familje të shëtitet nga pozita e “reisit”! Është turp, është joislamike, është shfrytëzim i djersës së myslimanëve të vendit! Shaqir Fetai duhet t’i shërbejë BFI-së e jo të shërbehet nga BFI-ja!
Një shpjegim Shaqir Fetait: Çuditërisht, aty ku duket ulur në ELIDA, kurrë nuk është ulur Ibrahim Rugova, lideri legjendar i shqiptarëve të botës, por, aty gjithnjë uleshin udbashët, sa për t’ia bërë me dije Rugëvës se gjithnjë është nën survejim! Ibrahim Rugova ulej në fund të tavolinës, në të majtë nga hyrja, nga ana e xhamave, me qëllim që udbashët ta kishin më lehtë nën vëzhgim!

 Ekskluzive: Intervistë me H. Sulejman ef. Rexhepin, ish-Reisul Ulema i BFI-së

“Minjtë” që më tradhëtuan me detyrë për ta shkatërruar BFI-në

Më 27 maj të vitit 2020, një numër i anëtarëve të Rijasetit të Bashkësisë Fetare Islame, të tubuar diku në Gostivar, para pothuajse të gjitha mediave të vendit, deklamuan: “Bazuar në procesverbalin e mbledhjes së jashtëzakonshme të shumicës së anëtarëve të Rijasetit të BFI-së të mbajtur më 27.05.2020, ne të nënshkruarit më poshtë në bazë të Nenit 36 dhe 58 të Kushtetutës së BFI-së, që e përbëjnë më shumë se 2/3 e anëtarëve të Rijasetit të BFI-së, vendosëm njëzëri shkarkimin e Sulejman Rexhepit nga posti Reisul Ulemasë, kryetar i BFI-së. Deri në përgatitjen e kushteve për zgjedhje të reja, për ushtrues detyre kryetar i BFI-së është caktuar myftiu i Gostivarit, Shaqir Fetahu”!
Redaksia jonë, në prag të njëvjetorit, ka kërkuar nga H. Sulejman ef. Rexhepi, që të mësojë më shumë rreth arsyeve dhe rrethanave që çuan deri te ky gjest tradhëtues e komplotist.

Këto ditë bëhet një vit nga, siç thoni ju, komploti i bashkpunëtorëve të juaj që e ushtruan mbi ju! U tubuan fshehurazi, madje brenda natës dhe, ju shpallën të rrezikshëm sepse ju keni shkelur Nenin 58 të Kushtetutës së BFI-së! Vetëm ky është mëkati? Bashkëpunëtori i ngushtë, miku i mirë, këshillon, sugjeron, korrigjon, apo, dorëhiqet nga bashkëpunimi i mëtejmë dhe, kurrë nuk tradhëton, nuk e shkelë bukën që ta ha, nuk bëhet palë me armikun tënd! Ç’ndodhi në të vërtetë. Kaluan një vit dhe thuaja se asgjë nuk u sqarua?

Tani, nga distanca dhe, kur keni kohë të lirë, kur jeni më të relaksuar, më pak i ngarkuar dhe me aspak përgjegjësira që i takojnë prijësit fetar, keni kohë të reflektoni dhe, të përpiqeni që në ato reflektime të jeni sa më objektiv! Po i analizoj dhe po i zbërthej një nga një “bashkëpunëtorët” e mi të dikurshëm, lojërat e tyre në raport me mua, po i lidhi gjërat, po i sjellë në kujtesë ngjarjet, veprimet, përpëlitjet “intelektuale” të tyre, po ua analizoj prejardhjen, shoqërinë, aspiratat, synimet, intrigat, gatishmërinë e tyre për të mëkatuar, mëkatimin e tyre me dëshirën më të madhe, lutjet e tyre për t’i nxjerrë nga situatat e palakmueshme, premtimet e tyre, përbetimet e tyre, kërkesat, insistimet, lajkat dhe servilosjet e tyre për të arritur deri te lidhja me strukturat e ndryshme policore, manipulimet e tyre në emër të islamit dhe, të gjitha këto veprime të turpshme para syve të mi – sakaq, dal unë i dobët, dal unë që duhet të kritikohem, dal unë i mashtruari, i pavëmendshmi! Isha mbështetur në bashkëpunëtorë të kotë, me karakter të dobët, kisha pasur përkrah turpërimin tim, njerëzit që më kishin përdorur si vello për ta veshur tradhëtinë e tyre, bashkpunimin e tyre me shërbimet intelegjente, planin e tyre për ta rrënuar të vetmin Institucion islam që mbi 600 vite u kishte bërë ballë pushtuesve e perandorëve të ndryshëm.

Dëshironi të thoni se, me largimin tuaj mori fund edhe ky Institucion, Bashkësia Fetare Islame?

Jo, ky Institucion gjithnjë ka qenë, është dhe do të jetë nën Mëshirën e të Madhit Zot! Nuk varet as nga shkathtësitë dhe aftësitë e të parit si dhe të nëpunësve të saj, as nga prirja për menaxhim të shkëlqyeshëm, as nga planet dhe strategjitë e shërbimeve të ndryshme antiislame për ta rrënuar përdhe këtë Institucion.
Myslimanët e vendit janë dëshmitarë të gjallë për faktin që, asnjë subjekt, asnjë faktor, asnjë institucion nuk pësoi aq shumë goditje, aq shumë përpjekje për destabilizim dhe rrënim, aq shumë projekte dështuese për të depërtuar në këtë Institucion struktura të padëshirueshme dhe të rrezikshme, pra, nuk ka asnjë Institucion në vend që u sulmua më shumë se Bashkësia Fetare Islame! Tre dekada post-komuniste i rezistuam me sukses, i demaskuam të gjitha përpjekjet e ulëta, i demaskuam dhe i zbrapsëm të gjitha strukturat që insistonin të vënin kontroll dhe dirigjim në Institucionin tonë! Goditjet ishin të njëpasnjëshme! BFI-ja u bë objekt studimi edhe nga faktorë të ndryshëm ndërkombëtarë! Sa më shumë që na sulmonin aq më të fortë dilnim, aq më unikë dhe aq më të përkrahur nga faktori ndërkombëtar! Duhet ta pranojmë një fakt: shqetësuese është se, këto lojëra të strukturave të dyshimta antiislame gjithnjë u luajtën nga “myslimanët” e vendit dhe asnjëherë bartës të këtyre projekteve nuk dolën jo-myslimanët!
Tani, çfarë ndodhi! Tridhjetë vite isha lavdëruar me bashkëpunëtorët e mi, me lojalitetin e tyre, isha mburrur me papërkulshmërinë e tyre, me besnikërinë dhe sinqeritetin e tyre dhe, në fund, pikërisht prej tyre m’u ngul thika pas shpine! Sepse, paskam qenë i keqi, sepse, paskam qenë i mëkatshmi, sakaq, paskam shkelur Nenin 58 të Kushttutës së BFI-së… Po bashkëpunëtorët e mi të cilët, një javë më parë më kishin thurrur aq shumë elozhe në deklarata televizive sa nuk e dija se për kë po flasin, për mua apo për ndonjë figurë historike kombëtare e fetare? Po bashkëpunëtorët e mi të cilët, brenda natës i përgjigjen strukturave të caktuara policore për t’u tubuar dhe për të vepruar ashtu siç do të kërkojë përfaqësuesi i këtyre strukturave, Shaqir Fetai? Ky që më kishte shërbyer gati tre dekada rresht! Tani, të gjithë të dalin të mirë në sy të popullatës dhe vetëm unë të shpallem i keqi, madje prej atyreve që më kanë shërbyer “me besnikëri” dhe, në fund, ta gëzojnë përkrahjen e popullit? Unë kam vizita, kam takime, kam bisedime të përditshme me miq e myslimanë që nuk i njoh por që shprehin interesim për mua dhe, të gjithë më shohin si viktimë të një strategjie të dalur nga strukturat e DBK-së! Ndërsa ish-bashkëpunëtorët e mi, që të gjithë vlerësohen si bashkëpunëtorë të DBK-së, e cila, me një isharet të vogël arrinë që t’i mbledh në Gostivar, këta anëtarët e “Rijasetit”! Këta, që masovikisht dhe tmerrësisht urrehen nga popullata, nuk mund ta shpëtojnë BFI-në, porse, po e fundosin ditë e më shumë, sepse, popullata ka shkëputur kontaktin me ta dhe, kjo shkëputje interpretohet me refuzimin për t’ua mirëmbajtur burimet financiare! Bartësit e një aksioni puçist e komplotist, asnjëherë nuk janë duartrokitur dhe nuk janë pritur me lule. Ata përfundojnë aksionin dhe, me marrjen fund të misionit të tyre, “zhuken”! Dëshmitarët e misioneve të rrezikshme për imazhin e shhtetit nuk janë të dashurit e strukturave sekrete. Spostohen diku, margjinalizohen tërësisht, duke pasur probleme me zemrën, me tensionin, veshkat… Fundi, gjithësesi që, do të jetë tragjik!

Thatë se keni kontakte të shumta me…

Po po! Madje kontaktohem e më vizitojnë edhe ata që u manipuluan dhe morën pjesë në atë komplot që ma bënë! Më vjen vështirë ku i shoh se si përloten e se si mundohen të sigurojnë një falje timen për gabimin e tyre të pafalshëm që e bënë! Më rrëfejnë fije për pe se si ndodhi, kush i thirri, si i thirri, kush i organizoi, si u morën vesh etj.! Të gjithë kanë qenë të shantazhuar! U janë kërcënuar me “bomba”, me video, me dëshmitarë, kanë qenë të kërcënuar që, nëse nuk dëshirojnë të turpërohen publikisht, atëherë duhet të pranojnë që të më turpërojnë mua publikisht!
A ka gjë më të ulët se sa largimi im të justifikohet me faktin që unë paskam shkelur Nenin 58! Dëbohet një mysliman nga një Intitucion apo komunitet nëse e mohon Zotin, nëse publikisht e mohon Kuranin, nëse publikisht gënjen për Pejgamberin a.s., nëse publikisht rreshtohet në anën e “ushtrisë” antiislame! Por, që të dëbohet se paska shkelur këtë nen, ky është budallallëk i të humburve! Ky nen përmbanë pika që nuk mund të shkelen brenda një dite, brenda një nate, por që duhet kohë, vite e vite! Asnjëherë nuk kam pasur vërejtje nga bashkëpunëtorët e mi, asnjëherë nuk kam pasur isharete dhe as sugjerime për t’u korrigjuar në veprime. Përkundrazi, kam qenë i lavdëruar, i duartrokitur, më kanë puthur në ballë e me loçkë të zemrës i janë lutur Zotit që të më japë shëndet e t’ju prijë sa më gjatë! Tani, po të njëjtit, mblidhen brenda natës dhe “më shkarkojnë”! Shantazhi i strukturave intelegjente policore nuk e ka fuqinë e nënshtrimit sa e ka forcën pesha e fjalës së të parit fetar që i merr nën mbrojtje! Me mua, të gjithë ishin faqebardhë, ndërsa tani, fatkeqësisht, të gjithë janë shpërfytyruar në faqezinjë, në bashkëpunëtorë të policisë maqedonase, si të tillë, në antiislamistë e antimyslimanë. Prandaj, çfarëdo të flasin ata, çfarëdo të veprojnë, çfarëdo të premtojnë, janë fare të papërfillshëm nga popullata myslimane, ishin bashkëpunëtorë të mi e të nderuar dhe, sakaq, kaluan në bashkëpunëtorë të strukturave sekrete të sigurisë të cilat garojnë mes vete se cila do të pozicionohet sa më thellë ne BFI.

Keni akuzuar edhe partitë në pushtet, se kanë gisht në shkarkimin tuaj! Si e justifikoni këtë akuzë!

Unë isha mik i ngushtë i shumë personaliteteve të kierarkisë më të lartë të BDI-së. Në dobi të vendit tonë, kam kontribuar me miq e shokë që kanë pasur respekt në mua! Ndërsa kurrë nuk e mora as një përqind të përkrahjes që e pata nga Partia për Prosperiet Demokratik e cila sot nuk ekziston! Kurrë nuk u refuzuam në kërkesat tona nga kjo Parti! Kurrë kjo Parti nuk hezitoi në realizimin e kërkesave tona dhe të premtimeve të saj si subjekt politik, ndonëse kurrë nuk na e pa hajrin si Institucion siç na e pa hajrin BDI-ja. Tronditjet e BFI-së, ato më të rëndat, i përjetuam pikërisht sa ishte BDI-ja në pushtet me LSDM-në, pastaj me VMRO-në dhe përsëri me LSDM, ndërsa përkrahjen tonë e pati gjithnjë të parezervë.
Goditja e fundit, ajo që më tronditi në shpirt e mendje, ishte pikërisht ardhja e “miqve” të mi nga kryesia e kësaj Partie, të cilët m’i përcollën të falurat e liderit të tyre që, mos të bëja problem, por të rrija urtë sepse zgjedhjet po afroheshin dhe, brenda javës, do të zgjidhej ky problem ndërsa puçistët do ta pësonin shumë keq! Biles, më porositën që të ofroj dorëheqje!

Dorëheqja e juaj pasoi pasi këtë ua kërkoi BDI-ja dhe jo Rijaseti?

BDI-ja ka juristë! Dinë ta lexojnë dhe ta interpretojnë edhe Kushtetutën e BFI-së! Pa dyshim që e kanë ditur se edhe unë jam njohës i mirë i problematikave nga lëmi i jurisprudencës! Pas kërkesës nga ana e BDI-së për ta deponuar dorëheqjen time, u gjenda para një dileme të madhe: të ngelem në krye të BFI-së e t’ua nxij jetën bashkëpunëtorëve të mi, apo, të tërhiqem dhe të vetënxihen bashkëpunëtorët e mi. Me më pak kosto shpirtërore më doli kjo e dyta!
Kushtetuta e BFI-së për seli të Institucionit e njeh Shkupin dhe jo Gostivarin? Kushtetuta e BFI-së nuk e obligon Reisul Ulemanë që t’i pranojë ad-hoc vendimet e organeve të BFI-së, mund t’i refuzoj dhe fare mos t’i dekretojë! Kushtetuta e BFI-së parasheh shkarkim të gjithsecilit që rrebelohet apo që vepron në kundërshtim me aktet normative të BFI-së. Thjesht, unë do të mund t’i shkarkoja që të gjithë ata “myftinjë” që e inicuan shkarkimin tim të paligjshëm, porse, do ta vuaja shumë pastaj këtë gjë! Nuk do ta kisha lehtë që ta përpija faktin që kohë të gjatë për bashkëpunëtorë paskam pasur bashkëpunëtorët e shërbimeve që kurrë nuk ia kanë dashur të mirën BFI-së. Do të më kishte humbur një dozë e madhe e sinqeritetit tim, sepse, kam qenë shumë i sinqertë, dashamirës dhe jam mburrur para myslimanëve të vendit me bashkëpunëtorët e mi, të cilët i kam lavdëruar me fjalë nga më të mëdhatë. Kur i pari të lavdëron me fjalë të mëdha, do me thënë se të inkurajon, të jep zemër, të jep shtytje për suksese edhe më të mëdha, por kur, i vogli, i papërfillshmi, e lavdëron të madhin, në këtë gjest mund të ketë lajka, servilizëm, ka shpresa për manipulim për të arritur synime të pameritueshme. Unë edhe i kam lavdëruar edhe u kam dhënë, sepse, kam dëshiruar që bashkëpunëtorët e mi të jenë burra të fjalës e të suksesit, ndërsa këta më dolën të gjithë minjë të gjirizit.
Do ta kisha shumë të rëndë që tani, t’i largoj këta “minj” dhe të gjej bashkëpunëtorë të rinjë të cilët ndonëse do ta meritonin, megjithatë, nuk do të mund t’i lavdëroja para popullatës siç i lavdërova të parët! Nëse vazhdoja, do të më duhej që bashkëpunëtorët e mi, të lavdëruar deri dje, të nis e t’i demistifikoj, madje edhe duke i paditur nëpër gjyqe, sepse, shumica prej tyre e dinë fare mirë se, nga një kontroll të përciptë e rutinor, i zura që kishin bërë dëme të mëdha financiare nëpër organet që i drejtonin, kishin vjedhur, keqpërdorur e shpërdoruar detyrën dhe postin!

Pse mendoni se në largimin tuaj nga BFI-ja ka gisht pushteti?

Sepse, ata ma kërkuan dorëheqjen dhe më thanë që mos të reagoj se do ta zgjidhin problemin vetë ata, fill pas zgjedhjeve parlamentare! Pastaj e instaluan njeriun e tyre, Shaqir Fetain, duke qenë të bindur se ai është personi i duhur që duhet të manipulohet në dëm të interesave të BFI-së! Në ç’moment mund ta kujtojë populli një të mirë të BDI-së që ia bëri BFI-së?! Partia për Prosperitet Demokratik ka ndihmuar shumë, kurrë nuk e ka kushtëzuar ndihmën politike që ia ka kryer BFI-së! Ajo strukturë e ndihmuan BFI-në pa kurrfarë hile! Në kohën e BDI-së, u bënë disa sulme kundër BFI-së, u zbuluan disa njerëz që punonin kundër interesit të BFI-së. Së fundmi kemi pasur marrëvshje konkrete me Zaevin dhe Ali Ahmetin, madje edhe i kemi tokur duart se, do të burgosen të gjithë ata që janë përpjekur ta dëmtojnë BFI-në, si individë të manipuluar ashtu edhe përfaqësues të institucioneve shtetërore. Në vend se të bëhet kjo, më larguan mua! Tani më thonë se paskam qenë rrezik shumë i madh për shtetin dhe për pushtetin, se paskam folur shumë. Ç’është e vërteta, unë u kam folur bashkëpunëtorëve të mi për ta ndihmuar BDI-në, duke i ndriçuar të gjitha rastet e montuara politike! U kam folur edhe njerëzve të Partisë, u kam thënë se, rigjykimet do të përfundojnë në të mirë të të dëmtuarve, ndryshe, do ta ngris tërë popullin në këmbë! Nuk do të lejoj që në këtë shtet pushtetarë të paraqiten vetëm maqedonasit. Kam shprehur reagimet dhe shqetësimet e mia shumë serioze për vendimin e maqedonasëve për t’ju dhënë shtetësi shqiptarëve, kujt të duan ata! Do me thënë se, popullata maqedonase kujt do i jep shtetësi e kujt të dojë edhe ia merr dhe, marrja e shtetësisë do të thotë e drejtë për dëbim! Zyrtarizimi i gjuhës shqipe, institucionalizimi i të drejtave shqiptare, shtetësia, me automatizëm u ka takuar të gjithë shqiptarëve të cilët pavarësimi i shtetit i ka gjetur në këtë shtet.
Ne, përmes projektit STOP RaTerr, kemi dëshmuar se nuk jemi për radikalizëm, nuk e ushtrojmë radikalizmin e aq më pak terrorizmin por, këto dukuri nuk do t’i durojmë as mbi kurrizin tonë, nuk do t’i tolerojmë, qofshin këto të ushtruara edhe nga institucionet shtetërore! Do të reagojmë ashpër! Prej Kumanove e deri në Strugë, prej Velesi, Shtipi e deri në Resnje, të gjithë do t’i ngrisja në këmbë! Do ta radikalizoja situatën deri në vetëdijësimin e të gjithë palëve se në Maqedoninë e Veriut të gjithë do të duhet të jenë të barabartë, ndaj të gjithëve drejtësia duhet të jetë e njëjtë dhe se, këtu nuk guxon të ketë qytetarë të rendit të parë apo të rendit të dytë, tretë, katërt…

Ju thoni që ju larguan si destabilizues potencial i shtetit?

Nuk na duhet një shtet që shndërrohet në laboratorium për ta testuar kombin shqiptar, për të eksperimentuar me shqiptarët, për t’ua dozuar të drejtat dhe liritë! Është naive të pretendohet inkuadrimi i Maqedonisë së Veriut në BE dhe pastaj të zgjidhen çështjet e hapura me shqiptarët autoktonë! Populli maqedonas dhe ai shqiptar në këtë shtet do të duhet të merren vesh, të kapen dorë për dore dhe, si dy faktorë stabiliteti ta fusin vendin në BE dhe, jo të jenë njëri në pozita të nikoqirit e tjetri të vasalit!

Sikur nuk keni qenë kaq “radikalistë” sa ishit në krye të BFI-së! Linit përshtypje se ju ishit në një vijë me vasalët!

Kurrë nuk më ka interesuar politika, nuk më kanë interesuar as partitë. Kam bashkëpunuar me ta vetëm deri sa kam arritur realizimin e ndonjë interesi të BFI-së. Fare në fund, po, nuk mund ta mohoj, kam qenë shumë thellë i kyçur në politikë, sepse, ishte momenti, kërkohej edhe kontributi im, kërkohej angazhimi im, si faktor relevant në vend. Kontributi im kërkohej edhe nga faktorë të brendshëm, por edhe nga faktorë të jashtëm, miqtë tanë ndërkombëtarë. Ndihmën nuk ua kam ofruar bllanko! Ua kam kushtëzuar, kam pasur edhe kërkesat e mia në emër të BFI-së: qëndrimi i strukturave të caktuara shtetërore sa më larg BFI-së, të drejtat dhe liritë e pjesëtarëve të islamit në vend, mosdiskriminimi fetar që na bëhej vazhdimisht, heqja dortë nga synimet ortodokse për ta ortodoksuar realitetit multifetar të vendit, nxjerrja para drejtësisë të të gjithë atyreve që me përkrahje dhe mbështetje të institucioneve të caktuara shtetërore ia mësynë destabilizimit të BFI-së etj. Natyrisht, të gjitha këto tratativa për marrëveshje serioze janë bërë në katër sy, janë bërë në mes faktorësh dhe udhëheqësisht me relevancë dhe, nuk kemi pranuar që të dalim në opinion dhe ta elektrizojmë masën, të flasim me patos e me doza të nacionalizmit. Prandaj nuk kam qenë “i zëshëm”, prandaj kam qenë në koordinim me partinë shqiptare, duke menduar se do të jemi në të njëjtën valë. Por, ja që dikush paska menduar se do të përfitoj personalisht unë dhe të tjerët do të ngelin nën hijen time, prandaj dhe ma luajtën lojën!

Kush ju ka frikësuar deri në atë pikë sa mos të guxoni të dilni në opinion dhe t’i zbardhni ju arsyet e kësaj loje që ua luajtën? Pse keni heshtur përgjatë tërë vitit! Çka ju frikëson që të flisni!

Mua të më frikësojë diçka? Nuk ka bërë vaki që në një moment të jem i frikësuar përgjatë tërë karrierës sim si hoxhë, si teolog! Pse kam heshtur? Ku të flas? Në cilën media? Ju e shihni që emri im, shkrimet e mia, reagimet e mia nuk i keni në asnjë portal, në asnjë media elektronike apo të shkruar! Ose janë shitur, ose janë të shtrënguar nga pushteti! Me përjashtim të një debati në TV21M, të një interviste në Lajm TV dhe të një opinioni në Tetova Sot, nuk kemi pasur asnjë debat, nuk është kërkuar asnjëherë mendimi im, kurse ndonëse është kërkuar mendim i Shaqir Fetait, ai asnjëherë nuk ka folur për këto probleme, sepse, nuk di se çka të flasë, sepse ka vepruar ashtu siç i kanë thënë, ashtu siç ia kanë ofruar skenarin! Ndërsa flasin e debatojnë pseudo-teologë, hoxhallarë pa diploma, të përjashtuar nga Medreseja jonë, me diploma të blera e false të siguruara nëpër shtete të ndryshme arabe, të dala nga programet speciale siç mund të përgatiten për të huaj, me njohuri të përcipta bazike! Këta tipa promovohen si vlera, si kontribues fetar e kombëtar. Këta tipa imponohen si reformatorë, ndonëse të gjithë janë me çertifikatë të shërbimeve intelegjente të huaja! Nuk guxojnë ta mohojnë këtë, as të më fshihen, sepse, ata e dinë që unë i njoh shumë mirë, i kam sprovuar, i kam testuar, i kam detyruar të më rrëfehen, kështu që, kjo më shqetëson, më ofendon, më ulë dinjitetin, pjesëmarrja e mediave tona në promovimin e pseudo-teologëve në “vlera kombëtare e fetare”! Vlerat dalin në shesh vetëm në ballafaqim, në debate, në kryqëzime të pikëpamjeve e të fakteve, e jo sipas strategjive të shërbimeve nëntokësore.

Cilin gabim të juajin e llogarisni si më fatal sa ishit Reisul Ulema i BFI-së. Cili veprim i pakryer ju ka ngelur si peng?

Po! Ka muaj që reflektoj mbi Medresenë që e kemi shndërruar në barrë të papërballueshme për myslimanët e vendit! Megalomania jonë, mosracionaliteti ynë, politikat e gabuara kadrovike, na kanë shndërruar në lypsarë por edhe në ngarkues të buxhetit gjithnjë të varfër të popullatës sonë! Medreseja është shkollë profesionale që nxjerr kuadro për nevoja të BFI-së, hoxhallarë për nevoja të xhemateve dhe xhamive tona! Kështu obligon Kushtetuta e BFI-së dhe Ligji mbi pozitën e bashkësive fetare në vend. Zgjërimi ynë ka bërë që t’ia rëndojmë buxhetin myslimanëve, sepse, burimi ynë financiar janë ata! Kemi prodhuar mbi 3-4000 hoxhallarë! Kujt i duhen të gjithë këta? Për më tepër, na ka ndodhur një katastrofë e tmerrshme, si ndëshkim nga Zoti, për politikat tona të gabuara kadrovike! Kemi shkolluar e ushqyer medresantë me paratë e popullit dhe, në fund, një numër i tyre na kanë përfunduar në DBK, në polici, në ushtri, në administratë, në diplomaci! Me paratë e popullatës sonë kemi nxjerrë kuadro për nevojat e shtetit! Edhe të eksploatuar edhe të pafalënderuar! Ne kemi prodhuar hiperkuadër dhe, na kanë ngelur rrugëve! Çka pritet prej tyre? Ata duhet të mbijetojnë, të krijojnë familje, ndërsa ne nuk jemi në gjendje që t’ju dalim në ndihmë. Ata ose do të radikalizohen, ose do të bëhen misionarë, ose mercenarë, ose do të përfundojnë bashkëpunëtorë të shërbimeve të huaja.
Kjo më dhemb! Shikuar nga perspektiva e të një “pensionuari” që ka kohë të mendojë e të analizojë, ky është gabimi ynë më i madh. Ne kërkojmë fitra e zeqat për t’i sponsoruar problemet që do të na kushtojnë shumë shtrenjtë! Tani kemi kuadër të mjaftueshëm teologësh! Duhet të krijohet një strategji e hollë, bazuar mbi analizat e sakta, duke u shtrirë në çdo xhemat, e në çdo vendbanim tonin, për t’i detektuar nevojat për kuadër. Në bazë të kësaj pastaj të caktojmë numër nxënësisht që do t’i nxjerrim kuadro për nevojat e BFI-së! Ky hap do të duhej të ishte reforma e parë, urgjente dhe e domosdoshme që e pret BFI-në. Edhe para popullit tonë do të dilnim më të fisshëm. Nga ana tjetër, do të duhej të përforcoheshin mektebet! Të përgatitej një metodologji më e avancuar e mbajtjes së mësim-besimit islam. Madje ky aktivitet, në njëfarë forme, të ndjehet si detyrim fetar për çdo xhemat, sepse, asgjë e keqe nuk do t’i gjejë fëmijët nëse i mbajmë larg rrugës e larg celularëve duke i angazhuar në mësimin e bazës fetare islame.

Në fund, efendi Rexhepi, si personalitet me përvojë të gjatë në krye të BFI-së, si po ju duket reisi i ri në drejtimin e BFI-së?

Shaqir Fetai është “kuadër imagjinar”, i “brymosur si myfti” nga lavdërimt e mia, kurse, në realitet ai nuk ka kapacitet për ta nxjerrë macen nga përsheshi! Nuk dua të flas më shumë për të, por, le të më lejohet të sjell disa konstatime të bashkfshatarëve të tij, që vinë e më vizitojnë shpesh! Shprehin keqardhje për përpjekjet e tij prej naivi, shprehin indinjatë për tërë atë që ia punoi pas shpine BFI-së, ndjehen të turpëruar për atë që ma bëri mua, ndjehen të rrëqethur nga ajo që po ia bën BFI-së dhe persektivës së islamit në këtë nënqiell, ndjehen të zhgënjyer nga synimet karrieriste të tij përkundër faktit që e dinë se nuk shquhet për ndonjë karakter në familjen e gjërë dhe nuk shquhet për ndonjë respekt familjar! Të mos flasim për “bashkëpunëtorët” e tij të cilët ditë për ditë vijnë e më flasin për axhamillëqet, por edhe për djallëzitë e Shaqir Fetait. Bashkpunëtorët e tij e thonë vetë se ndjehen shumë rëndë! Kryekëput përjetuan një vit zhgënjimi! Lus Zotin që sa më shpjtë të ndërgjegjësohen!

Ish-rektori dhe dekani i Universitetit të Tetovës, Arbër Çeliku shkruan se, në Maqedoninë e Veriut jetojnë 1 milionë e 220 mijë myslimanë dhe nga ato afër 1 milionë janë shqiptarë dhe ka akuzuar BFI-në se ato e dijnë këtë gjë por e fshehin me vite, për të shtuar:

“Le të më korrigjojnë personat përgjegjës të BFI-së, nëse e kam gabim”.

Shkruan: Veli Berisha

Këto ditë, në portalin infoshqip.com, u publikua edhe qëndrim që shpreh gjithë guximin intelektual të Arbër Çelikut, i cili në fb-un e vet publikon shqetësimin rreth numrit të saktë të shqiptarëve të Maqedonisë së Veriut, sipas bindjeve të paluhatshme të të cilit, këtu jetojnë mbi një milion shqiptarë. Profeso Çeliku është i bindur se këtë statistikë të saktë e ka Bashkësia Fetare Islame por, me plotë të drejtë habitet se pse këtë fakt e fsheh BFI-ja, pse ky Institucion, që mbahet nga shqiptarët, kurrë nuk e tregoi numrin e shqiptarëve të cilët, shumica absolute janë myslimanë, anëtarë dhe parapagues të anëtarësisë në këtë Institucion!

Pse ndërhyri pushteti maqedonas në BFI

Fill pas shpalljes së pavarësimit të Maqedonisë, diku pas dy jave, më çoi puna që të zbrisja bashkë me redaktorin teknik të “Flakës së Vëllazërimit”, Zekirja Osmani, në katin e parë, aty ku bëhej faqosja e gazetës. Hyrja në hapësirën e shtypshkronjës ku ishin të montuara makinat më të shpejta dhe më bashkëkohore, ishte e ndaluar rreptësisht dhe ruhej nga policët e asaj kohe. Kjo e intrigoi mjeshtrin Zekerija Osmani dhe, u bë si i hutuar e u nis drejt korridorit, por, hasi në një reagim të ashpër nga policia! Megjithatë, mjeshtri Zekë, si ndër punëtorët më të vjetër të asaj “shtëpie”, i dinte të gjitha vrimat dhe korridoret lavirinth, pasi më humbi nja dy-tre minuta, vetëm kur doli, me një ekzemplar të një botimi që e kishte fshehur poshtë këmishës, në pantallona. Bëhej fjalë për një katalog-libër propagandistik që ishte, e përgatitur në gjuhën angleze, ekzkluzivisht për Maqedoninë, përplot me statistika. Mjeshtër Zeka kishte marrur vesh se botimi përgatitej në tirazh të kufizuar dhe i dedikohej ambasadorëve të akredituar në Organizatën e Kombeve të Bashkuar, ministrave të punëve të jashtme të shteteve që e kishin pranuar dhe që do ta pranonin Maqedoninë si shtet të Pavarur, si dhe shumë organizmave me relevancë të madhe në politikën botërore.

Materiali propagandistik thoshte se, në Maqedoni jetojnë 2.400.000 banorë, prej të cilëve, 29 për qind ishin besimtarë të përkatësisë fetare islame (shqiptarë, turq, romë, boshnjakë, “makedonci myslimani”) 69 për qind besimtarë të besimit ortodosk (maqedonasë) dhe, 2 për qind të tjerë (të feve dhe besimeve të tjera si dhe ateistë).

Përkatësia etnike në mes të dy etniteteve më të mëdha paraqiste këtë raport (17 për qind shqiptarë, 67 për qind maqedonasë dhe 16 për qind të tjerë (turq, vllehë, serbë, romë, boshnjakë, jugosllovenë etj.) Në shifra, më sa mbaj mend, paraqiteshin kështu: shqiptarë 420 mij banorë, të tjerë 380 mij banorë dhe maqedonasë mbi 1 milion e gjashtëqind mij!

Materiali në fjalë i pat rënë në dorë ish-reisul ulemasë, H. Sulejma ef. Rexhepit, i cili, menjëherë ndërmori masa. Kërkoi prej të gjitha organizmave të BFI-së, që nga “odborët” e xhamive, e deri te myftinjtë dhe kordinatorët, në afat sa më të shkurtë të kryejnë regjistrimin e tërë anëtarësisë së vet, secili të xhamisë së vet, secili imam të lagjes së vet, të katundit të vet, nëpër qendra të mëdha, secila xhami, secili imam, të dijë saktësisht se cili numër është që i frekuenton xhamitë dhe, të sillen numrat edhe të atyreve që nuk i frekuentojnë dhe, doli me numër që ia përligji tërë atë aktivitet propagandistik me tërë aparatin shtetëror si dhe duke shpenzuar miliona dollarë. Reagimet e pushtetit maqedonas ishin te ashpra, por jo të frikshme për Sulejman ef. Rexhepin. Natyrisht, rëndësia, pesha, roli dhe respekti për BFI-në ishte aq i madh sa, nuk mund të refuzohej aq kollaj prononcimi i H. Sulejman ef. Rexhepit, lidhur me statistikat e BFI-së për anëtarët e vet, madje të kujt etnikume i përkisnin!

Kësisoj, prononcimin bombastik Sulejman ef. Rexhepi do ta japë në tubimin e intelektualëve islam nga bota, në Medine, me rastin e haxhit të vitit 1992, kurse në kumtesën e vet, veç të tjerash do të deklarojë: “Sipas statistikave, përveç shtetit amë, Shqipërisë, që sot numëron afër katër milion banorë, islami është fe edhe e mbi dy milion shqiptarëve të Kosovës, mbi një milion të Maqedonisë, treqind mijë të Kosovës Lindore dhe dyqind mijë shqiptarëve që jetojnë në Mal të Zi. Pra, llogaritet se sot në Ballkan jetojnë mbi shtatë milion shqiptarë myslimanë.”

Po ashtu, në intervistën me tiull DRAMA JONË ENDE PO VAZHDON, dhënë në maj të vitit 1993 për revistën “The Muslim World”, në pyetjen “Si është gjendja e myslimanëve në Maqedoni?”, atëherë, Kryetari i Meshihatit të Bashkësisë Islame të Maqedonisë, H. Sulejman ef. Rexhepi, do të përgjigjet: “Numri i përgjithshëm i banorëve në Maqedoni tash e kalon dy milion e katërqind mijëshin, ndërkaq vetëm myslimanë janë gati një milion e treqind mijë. Në bazë të të dhënave që i posedojmë lirisht mund të themi se rreth 55% të numrit të përgjithshëm të banorëve të Maqedonisë janë myslimanë, prej të cilëve 49.7 për qind janë shqiptarë. Ndërkaq është problem tjetër që këtë numër e fsheh statestika zyrtare e qeverisë, e cila vazhdimisht paraqet disa numra e shifra jo të sakta dhe të pabaza, me ç’rast myslimanët e këtushëm i paraqesin si pakicë dhe i japin vetes komoditet për suprimimin e të drejtave të tyre. Duke i pasur parasyshë këto qëlllime të pushtetit aktual maqedonas ne për asnjë moment nuk pranojmë dhe nuk do të pranojmë që të konsiderohemi si pakicë”.

Kjo ishte politika e BFI-së në kohën e H. Sulejman ef. Rexhepit, mbështetur në përkrahjen e fuqishme që e kishte nga Partia për Prosperitet Demokratik, e cila, nuk do ta votojë as Kushtetutën e parë të Mqedonisë me të cilën pozita e shqiptarëve vulosej me ngjyrën e zezë të diskriminimit etnik.

Tani, sa për informim të profesor Arbër Çelikut, së fundmi kemi pasur edhe një prononcim të Shaqir Fetait, “reisit” të instaluar nga pushteti maqedonas, pas ndërhyrjes në BFI politika zyrtare e së cilës i pengonte të gjitha projektet nacionaliste, monoetnike e monofetare të pushtetit maqedonas. Askush nuk i reagoi Shaqir Fetait kundër asaj “balonë prove” që e lëshoi! Shaqir Fetai në një prononcim, në një televizion lokal shqiptar, do të nënvizojë se si myslimanë jemi afër një milon në Maqedoni, më pas e përmend shifrën 800 mij! Shifrën prej 1.300.000 që dikur e jepte H. Sulejman ef. Rexhepi, Shaqir Fetai me automatizëm e zbret për 300 – 400 mij, duke u treguar si “Posllushnik” i politikave shoveniste maqedonase. Në këta një milon myslimanë, turqët pretendojnë se janë mbi 150 mij, romët pretendojn se janë rreth 100 mij, boshnjakët rreth 50 mij dhe, torbeshët nja 80 mij! Sa po ngelin shqiptarë? Sipas Shaqir Fetait në Maqedoni jetojnë aq shqiptarë sa i jepte dikur materiali propagandistik i Kiro Glligorovit që ua shpërndante korit diplomatik e ku theksohej se shqiptarë janë pak më shumë se 400 mij!

Arsye tjetër për ndërhyrjen e pushtetit maqedonas në BFI

Prona e BFI-së, pra, Vakëfi, është problemi më i madh i popullit maqedonas dhe i shtetit të Maqedonisë. Pavarësisht që, në fillimet e veta pushteti maqedonas u përpoq që të zhdukë sa më shumë dokumente të Vakëfit të BFI-së, të nacionalizuar që në peiudhën e “koperativizimit dhe nacionalizimit” të pronave të bashkësive fetare, ish-reisul ulema i BFI-së, Sulejman ef. Rexhepi, që ishte një barrierë e madhe dhe e fuqishme kundër shovenizmit maqedonas, arriti që për një priudhë të shkurtë të hartëzojë tërë pronën e nacionalizuar të BI-së dhe të mbledhë të gjitha dokumentet mbi këto prona.

Në fjalimin e vet me rastin e Takimit të Pestë të Liderëve Myslimanë të Ballakanit, organizuar në mars të vitit 2011, në Shkup, Sulejman ef. Rexhepi do të shpërfaqet si lider i vërtetë dhe skajshmërisht i guximshëm. Ai, veç të tjerash, do të deklarojë: “Nga 350 kërkesa të BFI-së drejtuar pushteteve maqedonase, për kthimin e katër milion metrave katërorë tokë të nacionalizuar nga sistemi komunist, (livadhe, ara, kullosa, male dhe të tjera), si dhe 42 mijë metra katërorë objekte, banesa, shtëpi dhe dyqane, deri më sot mezi kemi arritur që ta kthejmë vetëm 15 për qind të pronës së nacionalizuar.

Ja disa statistika më konkrete! Në Shkup nga 127 kërkesa vetëm 10 prej tyre kanë marur përgjigje pozitive: në Manastir nga 56 kërkesa për, mbi 180 parcela kadasatrike, vetëm 15 prej tyre kanë marur përgjigje pozitive; në Kumanovë nga 10 kërkesa, vetëm 1 ka marur përgjigje pozitive: në Prilep nga 4 kërkesa për dhjetëra parcela kadastarike asnjë nuk ka marur përgjigje pozitive. Po ashtu, në Dibër, Ohër, Negotinë, Shtip, Veles, Kavadarc dhe në gjithë Maqedoninë Lindore situata është e njëjtë.”

Në ndërkohë, nga viti 2011 e deri më vitin 2018, këmbëngulja e ish-reisul ulemasë, H. Sulejman ef. Rexhepit, ka rezultuar edhe me kthimin e dhjetra parcelave, dyqaneve, si në objekte ashtu edhe në letra me vlerë.

A i ka ditur të gjitha këto opinioni i gjërë? A ka qenë koha e lavdërimeve apo e punës, e akiviteteve, e konkretizimit të kërkesave dhe nevojave!

Sot, në kohën e Shaqir Fetait, të isntaluar në krye të BFI-së pas ndërhyerjes së pushtetit maqedonas për ta eliminuar pengesën më të madhe të politikave nacionaliste maqedonase, Sulejman ef. Rexhepin, kanë ndodhur dhe po ndodh zhvatje, shitje, ngrënie, degradim të vakëfit për të cilin u punua për dy decenie, dhe, e tëra kjo po kalon në heshtje. Zhurmë e madhe mediale u bë fakti që Shaqir Fetai na e paska kthyr një livadh prej nja 24 mij metra katërorë, (nëse është tokë që kthehet përmes denacionalizimit, duhet të tregon se kur është bërë kërkesa për denacionalizim) ndërsa asnjëra nuk shkroi se si e humbi Shaqir Fetai Vakëfin miliona euro në qendër të Gostivarit! Le ta inicojë Shaqir Fetai hartëzimin e pronave të kthyera nëpër periudha.Le ta shohë mbarë popullata myslimane se sa e gjithë ajo që kthehet nga vakëfi, është rezultat i punës gkatë periudhës së Sulejman ef.Rexhepit, kurse, Shaqir fuksit i ngelet vetëm të lavdërohet se shumë shpejt do të habitemi se sa pronën do ta rikthejë!

Shaqir Fetai projeksion i politikave antishqiptare

Shaqir Fetai është i destinuar që të jetë “Posllushnik”, nëse dëshiron që të zhvillohet ngritja e karrierës së tij ashtu siç ka porositur oficeri i tij i UDB-së, Stanko Dragoviq, derisa ky ka qenë “myhyb” i tij me pseudonimin ORAO!

Dhe, t’i kthehemi profesorit të nderuar, Arbër Çelikut! Urojmë të ketë kuptuar dhe të ketë gjetur përgjigjen se pse BFI-ja e Shaqir Fetait kurrë nuk do ta sigurojë dhe nuk do t’ia kumtojë numrin e saktë të myslimanëve të Maqedonisë, në veçanti të shqiptarëve! BFI-ja edhe në diasporë do të mund të ishte më e saktë nëse do ta zhvillonte regjistrimin paralel, vetëm sa për t’ia përligjur “konstatimet” nacionaliste të politikave maqedonase. BFI-ja tashmë i ka qendrat e veta, i ka unionet e veta, i ka të tubuar xhematet e veta në diasporë. Brenda një-dy jave do ta dinte saktësisht numrin e shqiptarëve tanë. Por, jo, Shaqir Fetai bëhet pjesë e politikës maqedonase dhe lëshohet në fushatë të kësaj politike duke apeluar që sa më masovikisht të regjistrohen shqiptarët në këtë “aksion statistikor të shtetit”! Kush i ka mekanizmat në duar? Kush do t’i kontrollojë statistikat? Kush do ta vulosë numrin e “saktë” të shqiptarëve! Cila parti shqiptare e ka bishtin e zënë me derë? Funksionarët e cilës parti janë të korruptuar dhe lehtësisht të shantazhuar? Kush do t’i verifikojë ato statistika (nëse jo BDI dhe BFI e Shaqir Fetait)? Këtu pastaj, do të ishin të turpshme të gjitha ankesat e më tejme të shqiptarëve. Do të duhej të hiqet për dhjetra e qindra vite nga rendi i ditës dyshimi i shqiptarëve për numrin e tyre të saktë si etni në Maqedoninë e Veriiut!

Të korruptuarit, të shantazhuarit, të dyshimtët e të diskutuarit do të vulosin fatin tonë?

Ja pse, jo vetëm profesori i nderuar, Arbër Çeliku, por të gjithë intelektualët e vendit, të gjitha mediat, duhet të ngriten dhe sërish t’i rrënojnë projeksionet maqedonase brenda shqiptarëve, përfshirë këtu edhe Shaqir Fetain si projeksion i politikave antishqiptare.

Këto ditë, në disa portale u botua një intervistë e Afrim Tahirit, drejtuesit të Lëvizjes Myslimane për Reforma në BFI, të cilën, në cilësinë e sekretarit gjeneral të BFI-së ia kishte dhënë të përditshmes “Vest” qysh më vitin 2013! Paraprakisht u tha se intervista do të publikohet enkas për Shaqir Fetain! Çka kuptoi nga ky “gjest provokativ” Shaqir Fetai? Cili ishte mesazhi i ripublikimit të kësaj interviste?



Shkruan: Abaz Islami



Argumenti i parë, bazuar në deklaratën e ish-reisit, Sulejman ef. Rexhepit: “Në insistimin e largimit të Afrim Tahirit nga BFI-ja më këmbëngultësi dhe më zhurmuesi ishte Shaqir Fetai” dhe, argumenti i dytë, Intervista e Afrim Tahiri, Sekretar gjeneral i Bashkësisë Fetare Islame, me titull “BASHKËJETESA NUK SIGUROHET VETËM PËRMES REKLAMAVE”, botuar në gazetën “Vest”, 25-26 maj 2013/ faqja 11, 12, 13, - më mjaftojnë që ta plotësoj tërë atë mozaik që do të ma shpjegonte arsyen e dëbimit të Afrim ef. Tahirit nga BFI-ja qysh më 2015, një vit e gjysëm pas përjetimit fjasko të konferencës botërore për dialog ndërkonfesional!



Është fakt i pamohueshëm se, në kohën e Afrim Tahirit, kur ky ishte sekretar gjeneral, punët kanë rrjedhur ashtu siç i ka planifikuar Rijaseti i BFI-së dhe ashtu siç ka qenë më së miri për fenë islame dhe për myslimanët e vendit. Kjo politikë natyrisht nuk ka qenë konformiste por, ka rënë ndesh politikave nacionaliste dhe raciste maqedonase në raport me Bashkësinë Fetare Islame.



Është fakt i pamohueshëm se në atë koh reisul ulema i BFI-së, H. Sulejman ef. Rexhepi, kishte një shtyllë të palëkundër e të papërkulur, Afrim ef. Tahirin, në të cilën ai i mbështeste politikat autonome dhe origjinale të Institucionit që po e drejtonin!



Vetëm Afrim Tahiri ka guxuar që ta minimizojë deri në mohim total një konferencë ndërkombëtare që organizohej nën “ombrelën” e Nikolla Gruevskit, i cili në krye të shërbimit sekret kishte njërin prej “din-dushmanëve” të shqiptarëve dhe, përgjithësisht, të myslimanëve, Sasho Mijallkovin!



Është fakt i pamohueshëm se Afrim Tahiri ua ka bërë me dije si politikanëve nacionalistë maqedonasë ashtu edhe post-enveristëve shqiptarë që po qeverisnin vendin se, nëse nuk plotësohen kërkesat e myslimanëve të vendit artikuluar përmes BFI-së, atëherë vështirë se do të ketë jo harmoni fetare në shtet por, as shtet jo!



Është fakt i pamohueshëm se për herë të parë nga qeveria e Maqedonisë ka ardhur dokumenti se, dekord, pajtohemi të ulemi, të bisedojmë e të caktojmë dinamikën e ndërtimit të Burmali Xhamisë!



Është fakt i pamohueshëm se, për shkak të lojërave të pandershme, për shkak të talljes me marrëveshjet e arritura paraprakisht për rindërtimin e Xhamisë në Prilep si dhe në Llazhec të Manastirit, u bojkotua Konferenca ndërkombëtare për dialog ndërkonfesional, ndërsa Afrim ef. Tahiri do të deklarojë se “të kota janë sponsorimet në mediat botërore (CNN, BBC etj.) për Maqedoninë ndërkonfesionale e ndërnacionale, ndërkohë që parcela shtetërore i falen kishës ndërsa nuk lejohet ndërtimi i xhamisë në pronën tonë për nevojat e myslimanëve të lagjes Lisiçe”!



Zbërthimin e gënjeshtrave dhe të politikave iracionale siç i bënte Afrim Tahiri ndër mediat e vendit, ishin të papërballueshme për pushtetarët që përpiqeshin të ndërtojnë karrierë në dëm të interesave të BFI-së!



Afrim Tahiri përmes kësaj interviste e ka zbërthyer pushtetin si grabitqare të parave të BFI-së, e cila ka paguar për ndërrimin e planit urbanistik, ka investuar në ndërtimin e Xhamisë së Prilepit, ndërsa vetëmsa është grabitur se, punët kurrë nuk kanë nisur në këtë drejtim.



Është Afrim Tahiri, i cili, para syve të Tair Hanit ka shkundulluar Mile Janakievskin, ministrin e Transpoertit dhe Lidhjeve, duke i thënë që t’i bëjë të fala Gruevskit se edhe ai është njeri, i cili, sot është nesër mund të mos jetë në këtë dynja dhe nuk është mirë që e injoron interesin e gjysmës së popullatës së vendit!



Është fakt i pamohueshëm ajo që mediat e vendit kanë folur me gjuhën e shërbimit sekret maqedonas duke konstatuar se Afrim ef. Tahiri është koordinuesi i punëve i të gjitha shërbimeve profesionale në BFI si dhe gardë e pathyeshme në zbatimin e politikave autonome Institucionale të BFI-së! Kërkues këmbëngulës i parcelës për rezidencën e BFI-së në Kala të Shkupit. Ankues i pazbrapsur madje duke ua bërë me dije se do të ankohet si BFI në instancat më të larta gjyqësore ndërkombëtare nëse në afat sa më të shkurtër nuk do të kthehet prona e nacionalizuar e vakëfit të BFI-së.



Ja pra, ja arsyet se pse ndër qarqet e caktuara të pushtetit, në veçanti nga ana e shërbimeve sekrete, është dashur të nisë skenari i largimit të Afrim Tahirit nga BFI-ja! Dhe, sot, prandaj minjt e BFI-së hedhin valle! Sepse u largua Afrim Tahiri, nën presionin e kërkesës së zjarrtë të Shaqir Fetait ushtruar mbi ish-resin që ta largojë sa më parë, sepse, ky ka qenë momenti që e kanë ndjerë “këlyeshët” e Dragoviqëve, që të nisë së brendshmi dobësimi, defaktorizimi dhe shkatërrimi i BFI-së!



Është fakt i pamohueshëm se, në vend të Afrim ef. Tahirit, sekretar gjeneral promovohet Irsal Jakupi, i cili, nisur nga një “bombë” e publikuar, nga ato “bombat e Zaevit”, që në start do të promovojë “politikat” e vjedhjes së haxhit, shkatërrimit të BFI-së!



Të gjithë ata që u rreshtuan në anën e shërbimeve nëntokësore maqedonase për ta larguar Afrim Tahirin dhe, së fundmi, edhe Sulejman ef. Rexhepin, sot i ke të rreshtuar pas Shaqir Fetait, i cili, në çdo ditë të lume që e falë Allahu Fuqiplotë, e shkelë Kushtetutën e BFI-së si dhe aktet e shumta normative të këtij Institucioni. Në një shtet normal, Shaqir Fetai pensionimin e vet do ta priste përtej grilave të burgut. Natyrisht, për shërbëtorë e për bashkëpunëtorë të “shërbimeve speciale” kurrë nuk ka pasur, nuk ka dhe nuk do të ketë bug. Të “burgosur” mund të jenë vetëm ata që ia turbullojnë ujin “dërzhavës”!



Po flitet se edhe sivjet do të organizohet konferencë ndërkombëtare për dialog ndërkonfesional dhe se, mezi po pret ftesë Shaqir Fetai, sepse tashmë ka deklaruar se do të jetë një shans i mirë për ta promovuar veten “reis” para “botës”! Ç’paradoks! Dikur Afrim Tahiri organizimet e tilla i shihte si shans i mirë për të kushtëzuar pjesëmarrje me një “koncesion” në të mirë të BFI-së dhe të myslimanëve të vendit, kurse Shaqir Fetai i sheh si shanse të mira për t’u promovuar si “reis”!



Dua këtu të nënvuzoj edhe dy fakte të pamohueshme:



1. Afrim Tahiri ndonëse u dëbua nga BFI-ja, ndonëse kundër tij u zhillua një propagandë institucionale të nxitur, sipas Sulejman ef. Rexhepit, nga Shaqir Fetai, megjithatë efendi Tahiri sot është ndër teologët më të respektuar në vend, më të dashur e më të përshëndetur, madje keqardhje i shprehin edhe armiqtë që dikur ranë nën ndikimin e Shaqir Fetait për ta bindur Sulejman Rexhepin që ta largojë nga BFI-ja!



2. Një ditë të afërt, kur do të dëbohet Shaqir Fetai nga BFI-ja, a do ta gëzojë këtë respekt siç e gëzon Afrim Tahiri! Kurrë! Esat Pashë Toptani ka zhvilluar një luftë të ashpër gjashtëmujore kundër forcave malazeze që ia kanë mësyer pushtimit të Shkodës! Një luftë të tillë nuk e ka bërë askush që nga Skënderbeu e deri te Esat Toptani! Historia ia ka njohur një meritë të tillë deri në momentin kur zbardhen dokumentat se, Esat Pashë Toptani është përkrahur dhe është ndihmuar në karrierë nga mbretnia serbe! Këlyshë të serbëve nuk ke sot në faqet e lavdishme të historisë sonë kombëtare e fetare.



P. S.

Në prag të Muajit të Ramazanit, kur edhe shtohen aktivitetet fetare islame, qeveria me komisionet e veta solli vendim për orë policore që pamundëson kryerje të ibadeteve të shumta në xhami apo në xhemate! Ibadetet t’i caktojnë politikat e Zaevit! Kurse, reagimi i Shaqir Fetait ishte: “ËSHTË E VËRTETË SE NEVE NUK NA ERDHI MIRË KJO, POR JA QË KOMPETENTËT JANË ATA TË CILËT VENDOSIN PËR KËTË ÇËSHTJE DHE NE GJITHMONË DO TË JEMI NË SHËRBIM TË ASAJ QË TË ZUBTET SITUATA, TË DILET NGA KJO SITUATË.”



Shaqir Fetai nuk ka, nuk mund të ketë dhe as që guxon të ketë politika autonome për situata të tilla, porse, pret që t’i diktojnë të tjerët se çfarë të veprojë! Sepse, e di që, në çfarëdo kundërshtimi apo mospërshtatje me politikat sllave, shkon në të sëmës, dëbohet si Afrim Tahiri e Sulejman Rexhepi.



Ishalla nuk i shkon në mend Zoran Zaevit që të urdhërojë mosagjërim. I pari që do t’i përgjigjej këtij urdhëri do të ishte Shaqir Fetai! Sepse, për të më i rëndësishëm është posti i kontrabanduar i “reisllëkut” se sa parimet islame si dhe ineresi i përgjithshëm islam. Ky fakt tashmë është dëshmuar katërcipërisht. BFI-ja me Shaqir Fetain ka po atë peshë të “anijeve antike”-restorant, në Vardar, të cilat, fatmirësisht po demontohen, sepse, rrezikojnë përmbytje! Kështu u tha!