Myftiu i Gostivarit, Shaqir Fetahu, tradhëton Reisin e vet, Sulejman Rexhepi
Derisa Reisi i BFI-së, Sulejman ef. Rexhepi, shkakton problem duke iu kërcënuar Qeverisë së Republikës së RMV-së, myftinjtë, si myftiu jargaxhi i Gostivarit, Shaqir Fetahu, e
tradhëtojnë! Sulejman Rexhepi kërkon që, të gjithë imamëve të 700 xhamive të
mbyllura në vend, Qeveria t'iu japë rrogë nga paratë që do të vinë nga BE-ja si
ndihmë financiare për t'i zbutur sado pak pasojat ekonomike nga pandemia e
Corona Virusit. Në të kundërtën, kërcnon kreu i BFI-së, mund ta tërheqë
pezullimin dhe t'i mbushe xhamitë me xhemate dhe, le të dalë pastaj forcë që do
të mund ta pengojë përhapjen e kësaj pandemie. Del puna se këtë angazhim ef. Rexhepi e ndërmerr në emër të imamëve.
Kurse sipas vendimit të njërit prej dallkaukëve të
tij, Shaqir Fetahut, po del puna se imamët dhe te gjithë nëpunësit e tjerë të
Myftinisë së Gostivarit, marrin rregullisht rrogë dhe se nga rroga e këtij
muaji do të ndajnë përqindje për bamirësi. Ky vendim ia përmbysi të gjitha argumentat me të cilat kreu i BFI-së po mundohet ta bindë qeverinë e vendit për të qenë një nga institucionet që në këtë kohë pandemie duhet të ndihmohet finansiarisht. Parashtrohet pyetja: Kush e porositi Shaqir Fetahun për ta zbehur kërkesën e Reisit të tij në dobi të të gjithë imemëve të vendit?
No comments: