“Nuk ka asgjë të keqe pse shqiptarët e Maqedonisë, jo shumë kohë më parë – duke u shtirë se nuk e dinin kush ua bëri ‘Sopotin’, ‘Brodecin’, ‘Monstrën’, likuidimin e Harun Aliut me shokët, ‘Shkupin 2014’, natën e tradhtisë së madhe në Kumanovë… – u mahnitën nga ‘bombat’ e kryetarit të opozitës maqedonase, të cilin madje e pritën si hero nëpër disa vendbanime të tyre! Nuk ka asgjë të keqe as pse sot, shumë nga shqiptarët e Maqedonisë, janë të mrekulluar nga ‘heroizmi’ i Prokurores Speciale, nga e cila presin që ta pastrojë këtë vend nga politikanët kriminelë! Por megjithatë, këto dy dukuri të ‘mira’, shpalosin mungesën e ‘heronjve’ tanë, të atyre që do na prinin në betejën për pastrimin e shoqërisë sonë nga banditët lokal partiak të BDI-së, nga ata që vetë i votuam, por të cilët pastaj na e morën të drejtën për të zgjedhur, të cilët i përvetësuan simbolet kombëtare, datat dhe personalitetet e lavdishme nga e kaluara jonë, duke i përdorur vlerat kombëtare, si mbulesë për antishqiptarinë dhe krimin e tyre të sotëm!”
No comments: