Sulejman Rexhepi kundër zhvillimit të institucioneve edukativo-arsimore të BFI

Sulejman Rexhepi për vite me rradhë ankohet gjithandej nëpër media dhe xhemate se institucionet shtetërore gjegjësisht pushtetet nuk ndihmojnë në zhvillimin dhe avansimin e BFI dhe Institucioneve edukativo-arsimore siç janë Medreseja Isa Beu dhe Fakulteti i Shkencave Islame (FSHI). Për një propagandë të tillë keqpërdor edhe hoxhallarët nëpër xhamia dhe qendrat islame të diasporës duke mbjellë atë bindje mes popullit se vërtetë shteti është kundër BFI dhe muslimanëve. Institucionet edukativo arsimore të BFI janë në vazhdimësi viktimë e sjelljeve të Sulejman Rexhepit, i cili pareshtur dhe paarsye atakon pushtetet kinse ato janë mjerkë të BFI, dhe nënë për bashkësitë tjera fetare. Po pse vallë i gjithë ky sulm i Sulejman Rexhepit ndaj pushtetit?! Në fakt pse ai nuk ndihmohet nga pushteti kur dihet se shumë gëzime individuale dhe familjare i ka kalu bashk me njerzit e pushtetit?! Gjithashtu si mund të ankohet ndaj pushtetit kur nuk ka zgjedhje qoft parlamentare apo lokale që nuk i shërbeu ndonjë subjekti të caktuar politik?! Sulejman Rexhepi asnjëherë nuk do të pajtohet që institucionet arsimore dhe shkencore të BFI të futen nën përkujdesin e Ministrisë së Arsimit dhe Shkencës (MASH) edhe atë për të vetmen arsye që mjetet financiare të mos ndalen nga populli që grumbullohen në emër të Medresesë e që këto mjete menaxhohen nga klani i Sulejman Rexhepit i kyçur në Medrese!!! Aktivitetet e Sulejman Rexhepit kundër Medresesë dhe FSHI-së janë të qarta ngase sikur këto institucione të akreditohen dhe ndihmohen nga MASH do të bëhej përmes marrëveshjeve dhe përgatitjeve të raporteve financiare që do të realizohej nëpërmjet transaksioneve bankare dhe kjo formë e bashkëpunimit do t’ia pamundësonte Sulejman Rexhepit keqpërdorimet e mjeteve financiare. Ky realitet u dëshmua edhe tek Vakufi i BFI-së që është kthyer viteve të fundit nga pushteti, por nuk u vërejt meqë u vjedh dhe zhduk nga Sulejman Rexhepi.