Rikualifikimi i lëndës së Almirit të vogël nga “vrasje” në “aksident trafiku me pasojë vdekjen “ e thellon mosbesueshmërine e qytetarëve ndaj sistemit gjyqësor në RM.
Në kohën kur qeveria është zotuar për reforma në gjyqësor rasti në fjalë lë shumë për të dëshiruar. Funksionimi i shtetit të së drejtës është themeli i një sistemi demokratik dhe lidhet drejtpërdrejtë me besimin e qytetarëve ndaj institucioneve.
Fatkeqësisht në Maqedoni siç është vërejtur edhe nga Komisioni Europian dhe nga Pribe lulëzon korrupsioni edhe në organet gjyqësore ,pikërisht nga organet nga të cilat duhet të luftohet korrupsioni .Përderisa organet gjyqësore janë të korruptuara nuk mund të kemi rezultate të duhura sa i përket reformave .Që të jetë më tragjike prokurorët shqiptarë tregojnë për pafuqinë e tyre dhe nënçmimin që po ju bëhet shqiptarëve në të gjitha institucionet e këtij “shteti”.
Pra prokurorët shqiptar nuk mund të kundërshtojnë një vendim që ngjall dyshime se është i montuar kundër shqiptarëve.Qeveria nëpërmjet organeve konkrete duhet të kërkojë përgjegjësi konkrete duke përfshirë edhe shkarkimin e tyre nga posti, për të cilët votuan edhe deputetët shqiptar (Jovevskin) dhe gjithashtu edhe marrje të përgjegjësisë për vepër penale. Pa këtë nuk mund të kemi reforma thelbësore ,prandaj nuk sundon e drejta dhe do vazhdojmë të kemi krizë politike”
No comments: